Dagblaðið Vísir - DV - 06.05.2011, Blaðsíða 14

14 | Fréttir 6.–8. maí 2011 Helgarblað
Dr. Claudio Albrecht, núverandi for-
stjóri lyfjafyrirtækisins Actavis, og
Peter Prock, núverandi aðstoðar-
forstjóri Actavis, létu af störfum hjá
þýska lyfjafyrirtækinu Ratiopharm
árið 2005 viku eftir að þýska blaðið
Stern birti blaðagrein um meintar
mútugreiðslur Ratiopharm til þýskra
lækna. Þetta fullyrti Stern en auk
þess hefur DV fengið þetta staðfest
frá öðrum heimildamanni.
DV hafði samband við Albrecht
vegna málsins á fimmtudaginn en
hann kærði sig ekki um að ræða
það við blaðið. „Ef þú vilt ræða við
mig um eitthvað sem tengist mér
eða Actavis skaltu tala við almanna-
tengslafulltrúa okkar. Ég tjái mig ekki
við fjölmiðla í gegnum minn pers-
ónulega farsíma,“ sagði Claudio Al-
brecht.
Mikið fjölmiðlafár í Þýskalandi
Haustið 2005 birti þýska blaðið
Stern blaðagrein um að lyfjafyrir-
tækið Ratiopharm hefði borgað
þýskum læknum fyrir að skrifa upp
á lyfseðla fyrir lyfjum Ratiopharm.
Á nokkurra mánaða fresti sendu
læknar tölvupósta til Ratiopharm
þar sem útlistað var hversu mikið
af lyfjum frá Ratiopharm þeir hefðu
skrifað upp á. Stuttu síðar fengu
læknarnir sendar ávísanir í pósti
sem voru stílaðar á þá persónu-
lega. Talið er að allt að 1.000 þýskir
læknar hafi þegið greiðslur frá Rati-
opharm.
Á þeim tíma sem málið kom
upp var Ratiopharm í eigu þýsku
Merckle-fjölskyldunnar. Viku eftir
að Stern birti frétt sína ákvað Phi-
lipp Merckle, þáverandi stjórnar-
formaður Ratiopharm og sonur
stofnandans Adolfs Merckle, að
heppilegt væri að nýir stjórnendur
kæmu að Ratiopharm í stað þeirra
Claudios Albrecht og Peters Prock.
Ástæðan var sú að hann vildi reyna
að lægja ólguna sem hneysklismál-
ið hafði vakið hjá þýskum fjölmiðl-
um og almenningi.
Sögðu brottför stjórnenda
ótengda hneykslismáli
Í fjölmiðlum neitaði Philipp Merckle
því að Claudio Albrecht hefði hætt
hjá Ratiopharm vegna mútumálsins.
Hann sagði að þeim hefði greint á um
stjórnunarhætti og framtíðarsýn fyrir-
tækisins. Hið sama sagði Claudio Al-
brecht við fjölmiðla. Hvort sem þetta
er rétt eða ekki er ljóst að ef Philipp
Merckle vildi ekki að Claudio Al-
brecht stýrði Ratiopharm áfram var
það einkennileg tímasetning að hann
lét af störfum viku eftir að blaðið Stern
upplýsti um meintar greiðslur Ratio-
pharm til þýskra lækna.
Á næstu mánuðum hættu fleiri
stjórnendur hjá Ratiopharm. Nokk-
uð var um mótmæli meðal almenn-
ings vegna þessa hneykslismáls sem
leiddi til opinberrar rannsóknar.
Rannsókn á hugsanlegum lögbrot-
um Ratio pharm var felld niður nokkr-
um mánuðum eftir að Stern birti frétt
sína. Málið hélt þó áfram sex mánuð-
um síðar vegna kvörtunar frá þýskum
borgara.
Læknar dæmdir í fyrra
Í október í fyrra voru tveir læknar
dæmdir fyrir dómstólum í Ulm
í Þýskalandi fyrir að hafa þegið
greiðslur frá Ratiopharm. Þeir höfðu
verið læknar á Ulm-svæðinu en þar
eru líka höfuðstöðvar Ratiopharm.
Báðir höfðu þeir þegið átta prósenta
þóknun af öllum lyfjum sem þeir
höfðu skrifað upp á frá Ratiopharm.
Þetta sést á skýringarmynd með frétt.
Læknarnir tveir höfðu fengið um
19 þúsund evrur í þóknun frá Ratio-
pharm, eða rúmlega þrjár milljónir
íslenskra króna. „Það er ekki sann-
gjarnt að af þrjú þúsund tilfellum
skuli 2.999 vera saklausir og við einir
dæmdir,“ sagði annar læknanna sem
var dæmdur en hann var 66 ára þeg-
ar dómurinn féll. Var þetta fyrsti dóm-
urinn í Þýskalandi þar sem sjálfstætt
starfandi læknar eru dæmdir fyrir
spillingu.
Reyndar höfðu verið deilur um
það í fimm ár í Þýskalandi hvort
„tæknilega“ væri hægt að múta lækn-
um. Á fimmtudaginn var mikilvægu
máli um þetta atriði frestað af dóm-
stólum í Ulm. Ef dómstólar komast
að því að „tæknilega“ sé hægt að múta
læknum gæti það leitt til frekari ákæra
á hendur Ratiopharm.
DV hafði samband við dómstóla
í Ulm og fékk staðfest að þrátt fyrir
þetta yrði ekki hægt að ákæra Claudio
Albrecht í framtíðinni og er hann því
opinberlega laus frá þessu hneykslis-
máli.
Buðu í Ratiopharm ásamt
Actavis
Adolf Merckle, 74 ára stofnandi
Ratio pharm, framdi sjálfsvíg í upp-
hafi árs 2009 í kjölfar mikils taps
eignarhaldsfélags fjölskyldu hans
í hruni á hlutabréfamörkuðum. Til
þess að grynnka á skuldum félagsins
var ákveðið að selja fyrirtækið.
Ratiopharm var yfirtekið af ísra-
elska samheitalyfjafyrirtækinu Teva
í mars í fyrra á fimm milljónir doll-
ara, eða um 630 milljarða íslenskra
króna. Actavis og sænski fjárfest-
ingarsjóðurinn EQT, sem er í eigu
sænsku Wallenberg-fjölskyldunnar,
voru á meðal þriggja sem fengu að
gera lokatilboð í Ratiopharm. Þeir
Claudio Albrecht og Peter Prock voru
ráðgjafar EQT í baráttunni um fyrr-
verandi vinnuveitanda sinn, Ratio-
pharm. Þeir áttu saman ráðgjafar-
fyrirtækið Cometh, sem stofnað var
árið 2008, og sinntu ráðgjafarstörfum
í gegnum Cometh þar til þeir voru
ráðnir til Actavis.
Ráðnir án auglýsingar
„Ég er mjög ánægður með að hafa
fengið Dr. Claudio Albrecht til liðs
við Actavis og er sannfærður um að
félagið muni njóta góðs af leiðtoga-
hæfileikum hans,“ sagði Björgólfur
Thor Björgólfsson, stjórnarformað-
ur Actavis, þegar Albrecht var ráðinn
til Actavis í júní í fyrra. Ásamt hon-
um var Peter Prock, fyrrverandi fjár-
málastjóri Ratiopharm, ráðinn að-
stoðarforstjóri Actavis. Bæði Claudio
Albrecht og Peter Prock voru ráðn-
ir án auglýsingar. Actavis var kunn-
ugt um mútumálið sem kom upp hjá
Ratiopharm árið 2005 en það hafði
ekki áhrif á ráðningu þeirra.
DV hafði samband við Actavis og for-
stjóra fyrirtækisins. Hvorugur aðil-
inn vildi tjá sig efnislega um málið.
Actavis kaus þess í stað að senda frá
sér yfirlýsingu sem sést í heild sinni
ofarlega á síðunni.
Actavis Björgólfur Thor lýsti yfir
ánægju með að fá Albrecht til Actavis
þegar hann var ráðinn í júní í fyrra.
Núverandi forstjóri Actavis Claudio
Albrecht, núverandi forstjórI Actavis,
hætti hjá Ratiopharm árið 2005 í kjölfar
hneykslismáls.
Aðstoðarforstjórinn Peter Prock, nú-
verandi aðstoðarforstjóri Actavis, var fjár-
málastjóri Ratiopharm og hætti þar á sama
tíma og Claudio Albrecht, árið 2005.
n Claudio Albrecht og Peter Prock hættu hjá Ratiopharm árið 2005 í
kjölfar hneykslismáls n Ratiopharm mútaði 1.000 þýskum læknum
n Albrecht er forstjóri Actavis í dag og Prock aðstoðarforstjóri
Hætti í kjölfar
Hneykslismáls
Yfirlýsing frá Actavis:
„Eftir samtöl við fréttamann og frétta-
stjóra DV er ekki hægt að álykta annað en
að blaðið ætli vísvitandi að birta ranga
frétt. Actavis hefur boðið fréttamann-
inum aðgang að gögnum sem sýna fram
á þetta. Fyrirtækið og þeir einstaklingar
sem fréttin fjallar um áskilja sér rétt til að
grípa til viðeigandi lagalegra aðgerða.“
„Ég tjái mig ekki við
fjölmiðla í gegnum
minn persónulega far-
síma.
Fyrirkomulag meintra mútugreiðslna
(Ratiopharm-líkan til 2005)
1. Ratiopharm borgar fyrir forrit sem læknar nota (Doc-Expert)
2. Læknir færir inn að hann hafi selt lyf frá Ratiopharm fyrir 10.000 evrur
3. Með hjálp Doc-Expert-forritsins tilkynnir læknir um lyfseðla sína til Ratiopharm
4. Læknir fær ávísun fyrir 8 prósentum af verði þeirra lyfja frá Ratiopharm sem hann skrifaði
upp á, 800 evrur af 10.000 evra sölu sem dæmi
Annas Sigmundsson
blaðamaður skrifar as@dv.is