Dagblaðið Vísir - DV - 29.06.2012, Blaðsíða 40

40 29. júní–1. júlí 2012 Helgarblað
Sakamál 10 börn myrti Jeanne Weber á árunum 1905 til 1908. Á meðal fórnarlamba hennar voru hennar eigin. Hún var í þrígang ákærð fyrir morð en fyrir tilstilli snjalls verjanda slapp hún með skrekkinn í tvö skipti. Í maí var hún gripin glóðvolg við að kyrkja 10 ára son eiganda gistiheimilis sem hún bjó á. Við réttarhöldin var hún úrskurðuð geðveik og send á geðsjúkrahús þar sem hún framdi sjálfsmorð tveimur árum síðar.U m s j ó n : K o l b e i n n Þ o r s t e i n s s o n k o l b e i n n @ d v . i s
xxxT
revor Edwards og kærasta
hans Elsie Cook komu frá
sama velska námubænum,
Cynon Valley. Trevor var
kolanámumaður og hafði þegar
hér er komið sögu, í júní 1928,
nýlega slitið sambandi við Anne
Protheroe, sem hafði flutt úr bæn­
um. Trevor hafði þá beint ást sinni
til Elsie sem varð barnshafandi
skömmu síðar.
Um miðjan júní, 1928, kom
maður á lögreglustöðina í bæn­
um og var mikið niðri fyrir; hann
hafði séð alblóðugan mann á
förnum vegi. Lögreglumenn
könnuðu málið og rákust á um­
ræddan mann sem sagði þeim í
óspurðum fréttum að hann hefði
banað kærustu sinni. Hann hefði
skorið hana á háls með rakhníf og
lík hennar væri að finna á hæðar­
dragi skammt frá.
Réttað var yfir Trevor í Glam­
organ 22. nóvember sama ár og
bar Trevor við geðveiki. Geðveiki
var vel þekkt í fjölskyldu hans og
hafði faðir hans til dæmist endað
ævi sína á geðsjúkrahúsi.
En þó ýmislegt styddi full­
yrðingu Trevors, eða verjanda
hans, hafði Trevor virst vera al­
heilbrigður á geði þegar hann ját­
aði á sig morðið. Hann var dæmd­
ur til dauða, en sagan er ekki öll.
Böðullinn sem sá um aftökuna
var Robert Baxter, mikill reynslu­
bolti í faginu, og honum til að­
stoðar var nýliði að nafni Alfred
Allen. Sennilega var um að ræða
fyrstu aftöku Alfreds og engin smá
dramatík sem beið hans.
Robert Baxter var snöggur að
setja lykkjuna um háls Trevors og
beið ekki boðanna og tók í hand­
fangið sem stýrði fallhleranum. En
Alfred Allen var alls óviðbúinn svo
snörum handtökum og hafði ekki
ráðrúm til að færa sig og var því
samferða hinum dauðadæmda,
án lykkju um hálsinn að sjálf­
sögðu og varð ekki meint af.
Óhappið hafði engin eftirmál
og skuldinni skellt á samspil rösk­
leika Baxters og slæmrar sjónar
hans.
Trevor Edwards var tvítugur
þegar hann var tekinn af lífi, 11.
desember 1928, í Swansea.
Dauðadæmdur 20 ára
T
hierry Paulin fæddist í Fort­
de­France á eynni Martíník
í Karíbahafi 1963. Fað­
ir hans sá sitt óvænna eft­
ir fæðingu Thierry, fór til
Frakklands og skildi barnsmóður
sína á táningsaldri eina eftir með
barnið.
Reyndar ólst Thierry að mestu
upp hjá föðurmóður sinni á Mart­
íník. Hún átti þar veitingastað en
skipti sér lítið af barnabarni sínu.
Tíu ára að aldri fluttist Thierry til
móður sinnar sem þá var gift og
reyndi að blanda geði við stjúpsystk­
in sín. En hegðun hans breyttist til
hins verra – hann varð óútreikn­
anlegur og einnig örlaði á ofbeldi í
garð hinna barnanna. Að lokum fór
svo að móðir hans hafði samband
við föður hans og bað hann að taka
drenginn til sín til Frakklands, og
það gekk eftir.
Blendingur og hommi
Thierry eignaðist ekki marga vini í
Frakklandi. Honum gekk illa í skóla
og féll á prófum. Sautján ára ákvað
hann að ganga í herinn og fékk inn­
göngu í fallhlífaherdeildina. En
hann átti litlum vinsældum að fagna
á meðal annarra hermanna sem fyr­
irlitu hann vegna kynþáttar hans og
kynhneigðar, en Thierry hneigðist
til eigin kyns.
Árið 1982 réðst hann á aldraða
konu í nýlenduvöruverslun henn­
ar og ógnaði henni með hníf. Kon­
an kannaðist við kauða og innan
skamms var hann kominn á bak
við lás og slá. Hann fékk tveggja ára
dóm sem síðan var skilyrtur.
Um tveimur árum síðar komst
hann að því að móðir hans og fjöl­
skylda hennar væru flutt til Frakk­
lands og byggju í úthverfi í norður­
hluta Parísar.
Thierry fékk inni hjá fjölskyld­
unni en samband hans við hana
einkenndist af spennu og fjandskap.
Ránmorð
Thierry fékk þjónsstarf á nætur­
klúbbi sem alræmdur var fyrir drag­
sýningar sínar. Þar hóf hann sjálfur
feril sinn sem listamaður af slíkum
toga. Þar kynntist hann einnig 19 ára
karlmanni frá Frönsku Gvæjana, Je­
an­Thierry Mathurin. Sá var fíkill og
innan skamms urðu þeir elskendur.
Í október 1984 var ráðist á tvær
eldri konur í París. Önnur þeirra,
Germaine Petitot 91 árs, lifði af en
var of slegin til að geta lýst árásar­
mönnunum. Hin, Anna Barbier­
Ponthus 83 ára, var ekki svo heppin.
Morðingi hennar hafði upp úr krafs­
inu 300 franka.
Á tveggja mánaða tímabili, októ­
ber/nóvember þetta ár voru átta
aðrar konur myrtar á einkar ofbeld­
isfullan máta; sumar höfðu verið
kæfðar með plastpoka, aðrar voru
barðar til bana og ein hafði verið
neydd til að innbyrða stíflueyði.
Tilgangur morðanna virtist í öll­
um tilfellum hafa verið rán og síð­
ar var gefið í skyn að fórnarlömb
Thierry hefðu verið konur sem
höfðu verið önugar í hans garð.
Hann vísaði slíkum fullyrðingum á
bug: „Ég réðst á þær sem voru mest
veikburða.“
Kampavín og kókaín
Kumpánarnir lifðu hátt á þessum
tíma og nóttunum eyddu þeir í dans,
kampavínsdrykkju og kókaínneyslu.
Undir lok nóvember ákváðu
þeir að fá inni hjá föður Thierry.
Samkomulag feðganna var ekki upp
á marga fiska og Paulin eldri átti
erfitt með að umbera kærasta son­
ar síns. Stundum kom til líkamlegra
átaka, en að lokum fór svo að upp
úr slitnaði hjá Thierry og ástmanni
hans.
Jean­Thierry flutti til Parísar en
Thierry reyndi að koma á laggirn­
ar eigin dragsýningafyrirtæki. Sú
tilraun fór endanlega út um þúfur
haustið 1985.
Frá desember 1985 til júní 1986
voru átta konur myrtar til viðbótar.
Lögreglan hafði ekki mikið að ganga
út frá en vissi þó að um var að ræða
sama morðingja og bar ábyrgð á
morðunum árið 1984.
Þó hafði orðið ein breyting á;
morðinginn var hættur að beita
jafnmiklu ofbeldi og fyrr og virtist
velja fljótlegri leið til að fyrirkoma
fórnarlömbum sínum.
Haustið 1986 var Thierry dæmd­
ur til 16 mánaða fangelsisivistar
eftir að hafa gengið í skrokk á kók­
aín birginum sínum með hafna­
boltakylfu. Hann losnaði úr grjótinu
eftir árs dvöl og vissi þá að hann
var HIV­smitaður. Á þeim tíma var
sjúkdómurinn nánast dauðadóm­
ur og við tók villtur tími hjá Thierry,
glaumur og gleði sem voru fjár­
mögnuð með stolnum krítarkortum
og fölsuðum tékkum úr fórum fórn­
arlamba hans.
Lögreglan fékk lýsingu
Þann 25. nóvember 1987 myrti
Thierry 79 ára konu, Rachel Cohen.
Sama dag réðst hann á 87 ára konu,
Berthu Finalteri, og hélt sig hafa
gengið fyllilega frá henni. Tveim­
ur dögum síðar kyrkti hann konu
að nafni Genevieve Germont. Hún
varð síðasta fórnarlamb hans.
Um svipað leyti og Thierry fagn­
aði 24. afmælisdegi sínum komst
Finalteri, sem hann taldi sig hafa
kyrkt, til meðvitundar og gat gefið
lögreglunni ítarlegar upplýsingar.
Í desemberbyrjun var Thierry
Paulin handtekinn og eftir tveggja
daga varðhald játaði hann allt sam­
an, þar á meðal það sem hann hafði
brallað með ástmanni sínum. Hann
var ákærður fyrir 18 morð og gert að
bíða réttarhalda í fangelsi. Áður en
til réttarhalda kæmi varð Thierry
alvarlega veikur vegna AIDS. Hon­
um var komið fyrir á sjúkrastofnun
en dó 16. apríl 1989.
Jean­Thierry Mathurin var
ákærð ur fyrir fyrstu níu árásirnar
og morð in. Hann fékk lífs tíðar dóm
og átján ár að auki án möguleika á
reynslulausn. Hann losnaði þó úr
fangelsi í ársbyrjun 2009, fyrir ein­
hverra hluta sakir. Thierry Paulin
var, eðli málsins samkvæmt, aldrei
sakfelldur fyrir þau morð sem hann
var sakaður um.
n Thierry Paulin átti erfitt uppdráttar vegna kynþáttar og kynhneigðar
Böðull féll með
dauðadæmdum
dömumorðingjarnir
Var aldrei sakfelldur Dauðinn
kom í veg fyrir að Thierry Paulin
yrði sakfelldur fyrir fjölda morða.
„Ég réðst
á þær
sem voru mest
veikburða.