Dagblaðið Vísir - DV - 16.09.2011, Qupperneq 46

46 | Sport 16.–18. september 2011 Helgarblað
S
ergio Agüero hefur
komið sem stormsveip­
ur inn í ensku úrvals­
deildina í haust. Hann
gekk til liðs við Man­
chester City í sumar fyrir 36
milljónir punda og til hans eru
gerðar gríðarlegar væntingar.
Þessi 23 ára Argentínumað­
ur kom frá Atletico Madrid þar
sem hann raðaði inn mörkum
undanfarin ár, þrátt fyrir ung­
an aldur. Hann hefur komið
við sögu í þremur deildarleikj­
um og hefur í þeim skorað sex
mörk. Ef ekki væri fyrir undra­
verða frammistöðu Waynes
Rooney, sem hefur skorað átta
mörk í fjórum fyrstu leikjun­
um, væri hann markahæstur í
deildinni ásamt liðsfélaga sín­
um Edin Dzeko. Um liðna helgi
skoraði Agüero öll mörk liðsins
í 3–0 heimasigri gegn Wigan.
Messi sagði honum
að fara til City
Agüero er góður vinur landa
síns Lionels Messi. Hann
greindi frá því í samtali við
breska blaðið Daily Star í vik­
unni að hann hefði ráðfært sig
við Messi áður en hann ákvað
að ganga til liðs við City. „Já, það
er rétt. Við ræddum saman. Við
höfum verið vinir lengi og hann
sagði við mig að það væri frá­
bær tilfinning að vinna titla. Ég
ætti að hafa mikla möguleika á
því hjá City,“ segir Agüero við
Daily Star. „Hann óskaði mér
góðs gengis og sagðist vona að
ég gæti unnið titla með liðinu.“
Dreymir um að
verða bestur
Agüero segir enn fremur að
þeir Messi væru góðir vinir og
ræddu oft saman um knatt­
spyrnu en einnig um persónu­
legri mál. „Það er enginn vafi í
mínum huga að Messi er besti
leikmaður í heimi enda hef­
ur hann tvisvar hlotið þá nafn­
bót. Mig dreymir um að komast
á þann stall og ég vinn að því
markmiði mínu á hverjum degi.
Vonandi tekst mér einn daginn
að verða sá besti í heimi.“ Hann
segir einnig að City hafi alla
burði til að fara lengra en menn
hafi grunað fyrir mót og gefur
þannig í skyn að liðið geti orðið
meistari. „Það er mjög sérstök
stemning í herbúðum liðsins
núna,“ segir hann.
Keyptur á 18 milljarða
Agüero fæddist í Buenos Aires,
2. júní 1988, og var skírður Ser­
gio Leonel Agüero del Castillo.
Argentínska liðið Independ­
iente var fyrsta liðið sem
Agüero lék með sem atvinnu­
maður í knattspyrnu. Fyrsti
leikur hans var gegn San Lor­
enzo 7. júlí 2003 og hann varð
þar með yngsti leikmaðurinn
til að spila í efstu deild í Argent­
ínu, 15 ára og 35 daga gamall.
Fyrra metið átti enginn annar
en Diego Armando Maradona.
Árið 2005 vakti Agüero at­
hygli evrópskra stórliða með
spilamennsku sinni í argent­
ínsku deildinni. Þar skoraði
hann 101 mark í 234 leikjum.
Það varð til þess að spænska
liðið Atletico Madrid festi kaup
á honum í maí 2006 fyrir 15
milljarðar punda á gengi þess
tíma.
Agüero lék sinn fyrsta
landsleik fyrir Argentínu í
september 2006 en hefur nú
skorað 7 mörk í 20 leikjum fyrir
A­landsliðið.
Gaf Maradona afabarn
Ári eftir að hann gekk til liðs við
Atletico Madrid, þar sem hann
skoraði 43 mörk í 112 leikjum
á þremur keppnistímabilum,
leiddi hann argentínska ung­
mennalandsliðið, skipað leik­
mönnum 20 ára og yngri, til
sigurs á Heimsmeistaramótinu
í knattspyrnu. Argentína lagði
Tékkland 2–1 í úrslitaleik en
Agüero var valinn besti leik­
maður keppninnar. Hann var
einnig markahæsti leikmaður
mótsins með sex mörk; þar
af skoraði hann annað marka
liðsins í úrslitaleiknum. „Ég
kom hingað með þann draum
að vinna titilinn og að verða
valinn leikmaður mótsins. Nú,
þegar ég hef afrekað það, er
ég ótrúlega hamingjusamur,“
sagði Agüero skömmu eftir úr­
slitaleikinn.
Tveimur árum áður hafði
vinur hans, Lionel Messi, af­
rekað það sama; skorað sex
mörk og verið valinn maður
mótsins en þess má geta að
argentínska ungmennalands­
Tengdasonur
Maradona
n Sergio Agüero er nýjasta stjarnan í enska boltanum n Varð markakóngur á HM
ungmenna 2007 n Er góður vinur Lionels Messi sem ráðlagði honum að fara til City
Baldur Guðmundsson
baldur@dv.is
Nærmynd
liðið hefur verið ákaflega sig­
ursælt í þessum aldursflokki
undanfarin ár. Þegar Agüero
fagnaði titlinum hafði liðið
í þessum aldursflokki orðið
fimm sinnum heimsmeistari
í síðustu sjö heimsmeistara­
keppnum.
Agüero hefur ólíkt mörgum
ungstirnum verið laus við
vandamál utan vallar. Hann
hefur hingað til einbeitt sér
að knattspyrnuiðkun, þar
sem hæfileikar hans liggja.
Ólíkt Diego Maradona sem er,
merkilegt nokk, tengdafaðir
hans. Agüero er giftur Giann­
ina Maradona en þau hafa ver­
ið saman frá því árið 2007 og
eiga saman einn son, Benja­
mín, sem er fyrsta afabarn Die­
gos Maradona.
Svipar til Tevez
Agüero var ekki nema 9 mín­
útur að setja mark sitt á ensku
úrvalsdeildina. Hann kom inn
á sem varamaður á 59. mínútu
í 4–0 heimasigri City gegn ný­
liðum Swansea. Hann skoraði
tvö mörk, annað með þrumu­
fleyg af löngu færi, auk þess
sem hann lagði upp mark fyrir
David Silva, eftir að hafa leikið
á markvörðinn. Tvö mörk og
stoðsending á rúmum 40 mín­
útum verða að flokkast und­
ir draumabyrjun í annarri af
bestu deild heims.
Á vellinum minnir Agüero
um margt á landa sinn og liðs­
félaga, Carlos Tevez. Hann er
þrekinn og stuttvaxinn og býr
yfir mikilli snerpu og styrk.
Hann er afar leikinn með knött­
inn og er, eins og ferillinn hans
ber vott um, stórhættulegur í
teig andstæðinganna. Vinur
hans Messi og gamla landsliðs­
kempan Ossie Ardiles hafa báð­
ir lýst Agüero sem gríðarlega
kraftmiklum, sterkum og ótrú­
lega vinnusömum leikmanni.
Það má teljast nokkuð ljóst að
framtíð Argentínumannsins
unga er björt. Hann hefur þegar
sannað sig í deild þeirra bestu
og virðist þroskaður miðað við
aldur. Hann á vafalaust eftir að
gleðja knattspyrnuaðdáendur
með leikni sinni og dugnaði
næsta áratuginn eða svo.
Kallar sig
Kun Agüero
Knattspyrnu-
áhugamenn hafa
vafalítið tekið
eftir því að aftan
á Manchester
City- treyjunni
stendur Kun
Agüero. Viður-
nefnið Kun var fyrst notað af foreldrum
hans þegar hann var lítill strákur. Fram
hefur komið að nafnið er afsprengi nafns
uppáhaldsteiknimyndapersónu Agüeros
í æsku; Kum Kum. Hann hefur látið hafa
eftir sér að honum þyki vænt um nafnið
vegna þess þess hve sérstakt það sé. Það
sé ekki á hverjum degi sem íþróttamaður
taki upp nafn teiknimyndapersónu.
„Vinur hans,
Messi, og
gamla landsliðs-
kempan Ossie Ardiles
hafa báðir lýst Aguero
sem gríðarlega kraft-
miklum, sterkum og
ótrúlega vinnusöm-
um leikmanni.
Hetja í Manager
Argentínumenn
hafa ávallt
verið eftirsóttir
í knattspyrnu-
stjóraleiknum
Championship
Manager, allt
frá því leikurinn
var fyrst gerður.
Á meðal þeirra ungu leikmanna
sem þótti gott að kaupa í
leiknum, sem kom út árið 2003,
var maður að nafni Sergio Agüero.
Óhætt er að fullyrða að margir
tölvuleikjaglaðir knattspyrnu-
áhugamenn þekktu nafnið þaðan
áður en hann sló í gegn með
ungmennalandsliðinu og Atletico
Madrid. Í leiknum lék hann með
Independiente og var óstöðvandi
í markaskorun. Hann er einn
þeirra fáu í leiknum sem hefur
staðið undir væntingum í raun-
heimum. Framleiðendur leiksins
hafa því hitt naglann á höfuðið
þegar þeir forrituðu leikmanninn.
Skoraði strax Agüero er næst
markahæstur í deildinni og skoraði
raunar sitt fyrsta mark eftir níu
mínútna leik í deildinni. MynD REuTERS
Með tengdó Sergio Aguero gerði Diego Maradona að afa.