Dagblaðið Vísir - DV - 20.05.2014, Blaðsíða 4

4 Fréttir Vikublað 20.–22. maí 2014
1 matsk. safieða 1 hylki.
F æ s t í a p ó t e k u m , h e i l s u b ú ð u m , F j a r ð a r k a u p o g K r ó n u n n i .
Jafnvægi og vellíðan
lifestream™
nature’s richest superfoods
„Kolólögleg
einkavæðing“
Snorri Hjaltason tjáir sig um einkavæðingu Íslenskra aðalverktaka
Þ
etta var kolólögleg einkavæð­
ing. Á öllum stöðum var stað­
ið ólöglega að þessu, sem og
Hæstiréttur svo samþykkti,“
segir Snorri Hjaltason,
byggingarmeistari og einn af þeim
aðilum sem bauð í verktakafyrir tækið
Íslenska aðalverktaka þegar íslenska
ríkið seldi fyrirtækið árið 2003. Snorri
var einn þeirra bjóðenda í fyrirtækið
sem höfðuðu mál gegn íslenska rík­
inu vegna einkavæðingar Íslenskra
aðalverktaka.
Snorri tjáir sig hér um einkavæð­
ingu fyrirtækisins, meðal annars
sökum þess að DV hefur á síðustu
vikum fjallað um hana í í ljósi þess
að Landsbanki Íslands fjármagnaði
yfirtökuna á fyrirtækinu og var rík­
isábyrgð á 1.600 milljónum króna af
skuldum fyrirtækisins í árslok 2003.
Vanmetnar eignir
Einkavæðing Íslenskra aðalverktaka
er eina einkavæðingin sem dæmd
hefur verið ólögleg fyrir dómi á Ís­
landi. Ástæða þess dóms, sem féll
í Hæstarétti um vorið 2008, var sú
að talið var stjórnendur verktaka­
fyrirtækisins hefðu búið yfir
innherja upplýsingum um eignir fé­
lagsins sem aðrir bjóðendur höfðu
ekki vitneskju um.
Orðrétt sagði í dómi Hæstaréttar
Íslands um málið að aðkoma inn­
herjanna, meðal annars Jóns Sveins­
sonar, stjórnarformanns félagsins,
að kaupunum hefði verið óeðlileg.
Hæstiréttur taldi því að þeir sem
stýrðu félaginu hefðu ekki átt að
koma að kaupum á því en með því að
„láta þetta undir höfuð leggjast var
ekki tryggt jafnræði þeirra, sem tóku
þátt í útboðinu eða réttra samskipta­
reglna gætt. Verður því að fallast á
með áfrýjendum að framkvæmd út­
boðs stefnda á nefndum eignarhlut í
Íslenskum aðalverktökum hafi verið
ólögmæt“, eins og segir í dómnum.
Meðal þess sem síðar kom fram var
að verðmæti eigna Íslenskra aðalverk­
taka var vanmetið, meðal annars hið
svokallaða Blikastaðaland í Mosfells­
bæ. Landið var verðmetið á 900 millj­
ónir króna í bókhaldi verktakafyrir­
tækisins við einkavæðinguna í árslok
2002 en 4,5 milljarða í árslok 2003.
Sagt að leita sér upplýsinga
Snorri segir að í samskiptum sínum við
Landsbanka Íslands, sem sá um söluna
á verktakafyrirtækinu, hafi komið fram
að bjóðendurnir ættu sjálfir að afla sér
upplýsinga um verðmæti eigna verk­
takafyrirtækisins. „Okkur var strax sagt
að við værum ekki líklegir kaupendur
af því við værum bara litlir gaurar úti í
bæ sem hefðu ekkert púður í þetta […]
Okkur voru sýnd grunngögnin sem all­
ir áttu að hafa fengið en þar var með­
al annars talið upp að félagið ætti hinar
og þessar eignir – þetta voru bara örfá
gögn sem við fengum. Við óskuðum
eftir nánari upplýsingum um verð­
mæti eigna félagsins, meðal annars á
Blikastaðalandinu. Þá fengum við bara
þau svör að við ættum að afla þessara
upplýsinga sjálfir. Þá komum við með
þetta: En bíddu, þeir sem eru að bjóða
á móti okkur eru stjórnendur fyrirtæk­
isins og þeir hafa allar upplýsingar, af
hverju fáum við ekki sömu upplýs­
ingar? Við sögðum þá að allir sætu ekki
við sama borð. Þannig að það voru
innherjarnir sem vissu hina raunveru­
legu stöðu.“
Snorri segir að til að mynda hafi í
söluferlinu mjög verið dregið úr því
að Blikastaðalandið væri verðmætt.
Telur rannsókn mikilvæga
Snorri segir aðspurður að hann telji
að rannsaka þurfi einkavæðingu Ís­
lenskra aðalverktaka sérstaklega. „Já,
taka þetta alveg niður í kjölinn. Þó við
höfum unnið málið í Hæstarétti þá,
þá fengum við engar bætur eða neitt
slíkt. Fyrir okkur vakti fyrst og fremst
þetta prinsipp að ríkið virti alla sem
jafna. Það kom meira að segja fram
í auglýsingu um útboð fyrirtækisins
að væntanlegir bjóðendur yrðu ekki
settir í innherjastöðu.“ n
Ingi Freyr Vilhjálmsson
ingi@dv.is
Sjúklingar sendir heim
n Allsherjarverkfall sjúkraliða á miðvikudag n Kennarar í verkfall á fimmtudag
V
erkfallsaðgerðir mismunandi
stétta koma til með að setja
íslenskt samfélag talsvert úr
skorðum í vikunni komi ekki
til samninga. Þrátt fyrir lagasetningu
á verkfall atvinnuflugmanna sem áttu
í kjaraviðræðum við Icelandair hef­
ur flugfélagið aflýst fjölmörgum flug­
ferðum á liðnum dögum.
Sem kunnugt er setti Alþingi lög
á verkfall flugmanna Icelandair fyrir
helgi. Þar með eru verkfallsaðgerð­
ir sem Félag íslenskra atvinnuflug­
manna hóf gegn félaginu fyrir tíu
dögum óheimilar. Þrátt fyrir lagasetn­
inguna hafa flugmenn neitað að vinna
yfirvinnu sem setur dagskrá félagsins
úr skorðum. Þá eru flugfreyjur einnig
í yfirvinnubanni vegna kjaraviðræðna
við Icelandair. Á mánudag aflýsti
Icelandair sjö flugferðum og búist var
við miklum seinkunum hjá félaginu.
En það eru fleiri í verkfallsaðgerð­
um sem hafa víðtæk áhrif. Aðgerð­
ir Sjúkraliðafélags Íslands og SFR –
stéttarfélags í almannaþjónustu voru
í fullum gangi á mánudag þegar lögð
voru niður störf 300 sjúkraliða og
150 starfsmanna SFR í sólarhring.
Verði ekki samið fyrir miðvikudag
fer af stað allsherjarverkfall. Fari svo
er ljóst að senda verður heim fólk
af sjúkrastofnunum, meðal annars
meðferðarheimilinu Vogi, Landspít­
alanum og á hjúkrunarheimilum
um allt land. Verkfallið hafði tals­
verð áhrif á mánudag en sem dæmi
má nefna að göngudeildir á Vogi voru
lokaðar í Reykjavík og á Akureyri.
Ef ekki tekst að semja í deilu Fé­
lags grunnskólakennara fyrir fimmtu­
dag fara kennarar í sólarhringsverk­
fall, annað á tveimur vikum. Þá verða
rúmlega fjörutíu þúsund grunnskóla­
börn send heim og tæplega fimm
þúsund kennarar mæta ekki til vinnu.
Þriðji verkfallsdagurinn hefur verið
boðaður í næstu viku. n
astasigrun@dv.is
Skipin koma
eitt af öðru
Fyrstu skemmtiferðaskipin sem
sigla hingað til lands í sumar
komu til Reykjavíkur á mánudag
og í dag, þriðjudag. Thomson
Spirit kom til hafnar á mánudag
og japanska skemmtiferðaskipið
Asuka II kemur til höfuðborgar­
innar í dag en skipið er 50 þús­
und tonn að stærð og á því eru
960 farþegar. Skipið verður tvo
daga í höfn og munu japönsku
ferðamennirnir því fá tækifæri
til að skoða sig ágætlega um á Ís­
landi. Þetta kemur fram í TVG­
Zimsen sem þjónustar skipin.
Þar kemur fram að Asuka II sé
glæsilegt í alla staði með tvær
sundlaugar, átta bari, spilavíti,
leikhús og líkamsræktarstöð svo
eitthvað sé nefnt. Búist er við að
tæplega hundrað þúsund far­
þegar komi hingað til lands með
skemmtiferðaskipum í sumar, en
það er svipaður fjöldi og í fyrra.
Verða send heim Ljóst er að sjúkrastofn-
anir þurfa á stuðningi aðstandenda að
halda fari svo að sjúkraliðar fari í allsherjar-
verkfall á miðvikudag. Mynd GuðMundur VIGFúSSon
„Þannig að það voru
innherjarnir sem vissu
hina raunverulegu stöðu
Aðkoma Halldórs Aðkoma Halldórs Ás-
grímssonar að einkavæðingu Íslenskra að-
alverktaka var meðal annars sú að hann lét
boð ganga inn á fund einkavæðingarnefndar
um hvaða tilboð hann teldi álitlegust.
Blikastaðalandið
Landið var verðmetið
á 900 milljónir króna
í bókhaldi ÍAV við
einkavæðinguna í
árslok 2002 en 4,5
milljarða í árslok 2003.
Breikkun
vegar í
Norðurárdal
Eins og vegfarendur um Norður­
árdal hafa vafalítið tekið eftir
stendur nú yfir vinna við þjóð­
veginn sunnan megin í Holta­
vörðuheiði. Um er að ræða
breikkun og endurbætur á 6,4
kílómetra kafla, að því er fram
kemur í svari frá Vegagerðinni.
„Vegurinn er núna um 7 metra
breiður og upp í 8 metra en verð­
ur allur 9 metra breiður,“ segir
upplýsingafulltrúinn, G. Pétur
Matthíasson, í svari við fyrir­
spurn DV. Lagt verður nýtt slitlag
á kaflann, sem nær frá Forna­
hammi að Heiðarsporði. Metra
breið vegöxl verður á kaflanum,
hvorum megin, eftir að verkinu
lýkur. Áætlað er að verkinu ljúki
fyrir 5. júlí.