Dagblaðið Vísir - DV - 28.07.2008, Blaðsíða 8

mánudagur 28. júlí 20088 Fréttir
GIBSON GEKK ILLA Í GOLFI
Ástralski stórleikarinn Mel Gibson,
sem meðal annars hlaut óskarsverð-
laun fyrir leikstjórn stórmyndarinnar
Braveheart, fór í golf á sunnudaginn
og gekk nokkuð illa. Þá lék hann átján
holur á Urriðavellinum í Heiðmörk en
sá völlur er talinn sá glæsilegasti hér
á landi. Með Gibson í för voru synir
hans tveir en þeir fengu eigin golfvagn
til þess að fylgja föður sínum eftir.
Þegar ljósmyndari DV kom á svæðið
gekk Gibson illa, hann skaut af vellin-
um og út í röffið, eins og það er kallað
þegar golfarar skjóta út fyrir brautina.
Eftir nokkrar misheppnaðar sveiflur
gafst hann upp og hélt á brott ásamt
fylgdarliði.
Stórleikari í íslenskri peysu
Hinn ástralski Gibson kom hing-
að til lands á föstudagsmorgun ásamt
sonum sínum. Hann kom á einkaþotu.
Gibson kom við í verslun 66°Norður í
Skeifunni og þar keypti hann flíspeysu
merkta þessu vinsæla vörumerki. Þar
með er hann kominn í hóp fleiri Ís-
landsvina eins og leikstjórans Qu-
entins Tarantino sem þreytist ekki á
að auglýsa land og þjóð í kvikmynd-
um sínum með vörum frá 66°Norður
annars vegar og svo hins vegar með
íslensku brennivíni sem hann er sér-
staklega hrifinn af. Ekki fylgir sögunni
hvort Mel Gibson hafi dreypt á eld-
vatninu góða.
Súkkat eldaði fyrir Gibson
Leikarinn góðlegi spókaði sig í ról-
egheitum á Laugaveginum á föstu-
deginum og heyrðist meðal annars af
honum á Te og kaffi á Laugaveginum.
Þar á hann að hafa pantað þrefaldan
latte sem hefur sennilega gefið hon-
um góða orku fyrir langa helgi.
Á laugardagskvöldið fór hann síð-
an á veitingastaðinn Við Tjörnina en
hann er rekinn meðal annars af tón-
listarmanninum og kokkinum Haf-
þóri Ólafssyni, sem er í hljómsveit-
inni Súkkat. Þegar hann var spurður
um Gibson sagði hann það reglu að
gefa ekki upplýsingar um staka gesti á
staðnum. En sjálfur stóð hann vaktina
alla helgina.
Samkvæmt heimildum lék Mel
Gibson á alls oddi og sýndi af sér jarð-
bundna og jafnframt vingjarnlega
framkomu.
Fór í veiði
Það var síðan á laugardeginum
sem Gibson lagði land undir fót og
skellti sér í veiði. Það var Selá í Vopna-
firði sem varð fyrir valinu. Samkvæmt
vefmiðlinum Vísi eyddi Gibson deg-
inum í félagsskap Landsbankamanna.
Selá er ein flottasta laxveiðiá Íslands
og svo virðist sem Gibson láti ekkert
minna nægja en það allra flottasta.
Eftir erfiðan dag í laxveiðinni virð-
ist hann hafa snúið aftur til Reykjavík-
ur enda stefnt á golfferð daginn eftir
ásamt sonum sínum.
Skaut í röffið
Það var síðan á sunnudeginum
sem til Mels Gibson sást á golfvell-
inum í Urriðaholti. Völlurinn er all-
ur hinn glæsilegasti og var Gibson
í för með sonum sínum tveimur og
fylgdarmönnum. Hann var kominn á
fimmtándu braut þegar myndir náð-
ust af honum og sýndi góðan þokka í
sveiflunni. Honum gekk þó ekki mjög
vel en hann skaut meðal annars í röff-
ið og sást leita að kúlunni í nokkurn
tíma. Hann gerði sér síðan lítið fyrir
og henti henni inn á völlinn þar sem
hann sló stutt högg, ekki sást til hans
við púttið.
Eftir erfiðan golfhring stoppaði
hann og spjallaði við föruneyti sitt og
hélt svo á brott.
Mel Gibson yfirgefur Ísland í vik-
unni en ekki er ljóst hvenær það verð-
ur.
Stórleikarinn, leikstjórinn og golfarinn Mel
Gibson átti vondan dag á golfvellinum við Urr-
iðaholt á sunnudaginn. Þar sló hann meðal
annars út í röffið. Leikarinn hefur farið víða
um helgina en það var enginn annar en tónlist-
armaðurinn Hafþór Ólafsson, annar liðs-
manna Súkkats, sem eldaði kvöldverð fyrir
ástralska ofurleikarann á laugardagskvöldinu.
valur GrettiSSon
blaðamaður skrifar: valur@dv.is
Mikið umstang Það fór þó nokkuð mikið
fyrir leikaranum heimsfræga í golfinu en
strákarnir hans voru á eigin golfbílum og
fylgdu honum hvert fótmál.
Í miðri sveiflu
Sunnudagurinn var ekki
dagur gibsons í golfinu
en hann átti sína spretti.
Mel Gibson leikarinn knái
hvíldi sig eftir erfiðan
golfhring ásamt sonum
sínum tveimur og föruneyti.