Dagblaðið Vísir - DV - 28.07.2008, Blaðsíða 21

mánudagur 28. júlí 2008 21Sport
ÓVÆNTUR MEISTARI Í EYJUM
Meistaramóti Íslands í frjálsum
íþróttum lauk í gær. FH vann
samanlagða keppni með yfir-
burðum á mótinu sem heppn-
aðist vel. Kristbjörg Helga Ingv-
arsdóttir sleggjukastari úr FH
varð fyrst kvenna yfir 50 metra
og setti glæsilegt Íslandsmet
upp á 51,86 metra. Sveinn El-
ías Elíasson og Silja Úlfarsdótt-
ir unnu bæði öll sín hlaup í 100,
200 og 400 metra hlaupum. Tvö
meistaramótsmet voru sett.
Sleggjukastarinn Bergur Ingi
Pétursson úr FH kastaði 72,94
metra fyrir nýju meistaramóts-
meti og þá setti Arndís Ýr Haf-
þórsdóttir meistaramótsmet í
3000 metra hindrunarhlaupi
þegar hún hljóp á 10:02,58.
Hljóp með kökkinn í
hálsinum
„Ég tárast bara við að hugsa
um það þegar ég kom í mark,“
sagði hlaupadrottningin Silja
Úlfarsdóttir við DV í gær. Silja
brast í grát um leið og hún
tryggði FH sigurinn í lokagrein-
inni, 4x400 metra boðhlaupi.
„Ég er alveg viss um að helm-
ingurinn af FH-ingunum hefur
fengið tár allavega í annað aug-
að,“ sagði Silja ánægð sem legg-
ur nú skóna á hilluna en það
ákvað hún fyrir mótið.
„Þetta eru mjög blendnar
tilfinningar. Það var gaman að
vinna öll þessi hlaup en sorg-
legt að þetta sé að taka enda. Ég
fór í startblokkina í 200 metra
hlaupinu með kökkinn í háls-
inum og alla fjölskylduna með
mér. Ég þurfti nú að vinna til
að sýna þeim hversu dugleg ég
væri,“ sagði Silja og skellihló
en hún var að drífa sig heim að
pakka niður í ferðatösku þegar
DV náði tali af henni.
„Allir gömlu heiðursmenn-
irnir úr FH gáfu mér gullmerki
FH eftir hlaupið við mikla og
skemmtilega athöfn. Svo gaf
frjálsíþróttadeild FH mér ferð
til Parísar kl. 7.45 í fyrramál-
ið þannig ég er á leiðinni heim
að pakka. Loksins fæ ég frí með
manninum mínum,“ sagði Silja
kampakát að lokum.
Engir sénsar teknir
Meistaramótið var síðasta
tækifærið til að sjá ólympíufar-
ana Berg Inga Pétursson, Þórey
Eddu Elísdóttur og Ásdísi
Hjálmsdóttur. Í frétt á heima-
síðu Frjálsíþróttasambands Ís-
lands fyrir mótið stóð að þau
öll tækju þátt á mótinu en að-
eins Bergur tók þátt. „Ásdís
og Þórey eiga við smávægileg
meiðsli að stríða,“ sagði Egill
Eiðsson framkvæmdastjóri FRÍ
við DV í gær.
„Þetta er síðasta mótið þeirra
fyrir ólympíuleikana og því var
ákveðið að taka enga óþarfa
áhættu. Ásdís meiddist lítillega
á síðasta móti sem hún tók þátt
í en Þórey Edda hefur verið að
berjast við meiðsli í hásin und-
anfarin tvö ár,“ sagði Egill sem
var ánægður með mótið. „Þetta
heppnaðist vel. Eitt Íslandsmet
var sett og tvö meistaramótsmet
sem er flott,“ sagði Egill sem var
í miðri verðlaunaafhendingu
þegar DV ræddi við hann.
Meistaramóti Íslands í frjálsum lauk
á Laugardalsvelli í gær.
Tilfinningaþrungið Silja úlfarsdóttir
grét af gleði þegar hún kom í mark í
sínu síðasta hlaupi á ferlinum.
SILJA KVÖDD MEÐ GULLMERKI
Höfum til sölu nokkur málverk eftir Kristján Davíðsson
MÁLVERKAUPPBOÐ
Erum að taka við verkum á næsta uppboð. Vinsamlegast hafið
samband við Pétur Þór í síma 511 7010 eða 847 1600
LÆGRI SÖLULAUN - ÖRUGG ÞJÓNUSTA
Viku eftir síðasta uppboð höfðu allir seljendur fengið uppgert
Skipholti 35
105 Reykjavík. sími 511 7010
petur@galleriborg.is
H
ild
ur
H
lín
Jó
ns
dó
tt
ir
/ h
ild
ur
@
dv
.is