Lögmannablaðið - 01.12.2001, Blaðsíða 11
mestu viðunandi fyrir lögmenn og
skjólstæðinga þeirra. Í 19. gr. er
þröngt undanþáguákvæði, sem
varð tilefni til langrar og ákafrar
deilu, sem þó fór mjög hljótt.
Kunnugt er, að á vegum endur-
skoðunarfyrirtækis hér í borg var
rekin sérstök lögmannsstofa og átti
endurskoðunarfyrirtækið allt hluta-
fé lögmannsstofunnar. Endurskoð-
unarfyrirtækið sótti samkvæmt 5.
mgr. 19. gr um undanþágu til
dómsmálaráðherra frá skilyrði 4.
mgr., það er um eignarhaldið. Um-
sóknin var send Lögmannafélaginu
til umsagnar, eins og fyrir er mælt í
5. mgr. Félagið sendi ítarlega rök-
studd mótmæli við umsókninni.
Fór svo að lokum, að dómsmála-
ráðherra hafnaði umsókninni. Um
sumarið 1999 urðu húsbóndaskipti
í dómsmálaráðuneytinu og var þá
umsóknin endurnýjuð af ein-
hverjum ástæðum og hafnað á
nýjan leik. Lyktir málsins urðu síð-
an þau, að lögmannsstofa endur-
skoðunarfyrirtækisins sameinaðist
annarri lögmannstofu og úr varð
ein öflugasta lögmannsstofa lands-
ins, LEX.
Allt ofangreint fór fram sam-
kvæmt settum reglum. Svo var ekki
um sumt annað, sem á daga stjórn-
ar dreif á þessum tíma. Ýmsir lög-
lærðir starfsmenn endurskoðunar-
og fjármálafyrirtækja töldu, að
hefðu þeir lögmannsréttindi, gætu
þeir veitt viðskiptamönnum vinnu-
veitenda sinna lögmannsþjónustu.
Þurfti til þeirrar afstöðu æði sér-
stakar lögskýringar, eða réttara sagt
lögskýringaleysi. Varð úr þessu
nokkur glíma, en á endanum sýn-
ist þetta hafa færzt í rétt horf. Rétt
er að leggja á það mikla áherzlu,
að afstaða Lögmannafélagsins var
ekki gegn því, að lögfræðingar í
þjónustu endurskoðunar- og fjár-
málafyrirtækja veittu lögfræðilega
ráðgjöf, enda sjálfsagt mál, heldur
hitt að þeir veittu viðskiptamönn-
um vinnuveitenda sinna lögmanns-
þjónustu í trássi við skýr fyrirmæli
12. og 19. gr. lögmannalaga.
Framtíðin.
Engum er ljósara en þeim sem
unnu að undirbúningi lögmanna-
laganna, að þau eru ekki gallalaus.
Sumt sem að þeim er fundið, stafar
þó ýmist af misskilningi eða vit-
leysu, en önnur gagnrýni á fyllilega
rétt á sér, þótt um séu deildar
meiningar. Nú mun hafa verið
komið á fót nefnd til endurskoðun-
ar laganna í samstarfi dómsmála-
ráðuneytis og Lögmannafélagsins.
Verður að vona, að sú endurskoð-
un veiki ekki rétt skjólstæðinga
lögmanna og rýri ekki stöðu lög-
manna sjálfra. Jafnframt er sú
fróma ósk látin í ljós, að stjórnin
geri sér sama far og fyrr um að
kynna stöðu viðræðna fyrir lög-
mönnum áður en ákvarðanir
verða teknar.
1 Dómur Hæstaréttar 19. febrúar 1998,
H 1998.71.
11Lögmannablaðið
Fréttatilkynning frá Lánstrausti hf.
Nóvember 2001
Lánstraust hf kaupir Innheimtukerfi lögmanna – ILplús
Lánstraust hf . og Landsteinar Ísland hf. hafa gert með sér samning um að Lánstraust taki yfir
allan rekstur ILplús, með kaupum á grunni kerfisins. Tekur þessi breyting gildi frá 1.nóvember
2001.
Er það mat Lánstrausts og Landsteina Ísland að þessar breytingar muni koma notendum
ILplús afar vel. Landsteinar munu einbeita sér frekar að sölu og þjónustu við Navison
viðskiptakerfi en Lánstraust hefur að undanförnu lagt aukna áherslu á víðtæka þjónustu við
lögmenn, m.a. með kaupum á vefnum www.rettarrikid.is og hugbúnaðarfyrirtækinu Sólveri
ehf á síðasta ári. Kaupin á ILplús eru liður í þessari þróun hjá Lánstrausti.
Samhliða því að Lánstraust tekur yfir rekstur ILplús mun félagið leitast við að auka þjónustu
við notendur enn frekar. Notendur kerfisins eru ekki einvörðungu lögmenn og lögmannstofur
heldur einnig bankar, sveitarfélög og opinberar stofnanir.
Framtíðarmarkmið Lánstrausts með kaupum á kerfinu eru m.a. að tengja kerfið enn frekar
gagnagrunnum Lánstraust og auka sjálfvirkni sendinga milli ILplús og t.a.m.Vanskilaskrár. Þá
er og áformað að koma á tengingum milli bókhaldsforrita og ILplús.