Lögmannablaðið - 01.03.2011, Blaðsíða 29

UMfjöllUn
lögmannablaðið tbl 01/11 29
fjöldi félagsmanna
nálgast 900
Þann 1. mars s.l. var fjöldi félagsmanna
LmfÍ kominn í 891 og nemur fjölgun
milli ára tæplega 8%. að öllu óbreyttu
verður fjöldi félagsmanna því kominn
vel yfir 900 þegar félagið fagnar 100 ára
afmæli þann 11. desember n.k.
fjölgun lögmanna hefur verið
nokkuð stöðug síðustu tíu ár en
félagsmönnum hefur fjölgað um 51,5%
á tímabilinu mars 2001 til mars 2011.
Sé fjölgunin hins vegar skoðuð yfir
lengra tímabil kemur í ljós að lögmönnum
hefur fjölgað um 156% á síðustu 20
árum. mest var fjölgunin milli áranna
2000 og 2001 eða 11,1 %, sem sjálfsagt
má rekja til þess að á þessum tíma lauk
fjöldi lögfræðinga öflun málflutnings-
réttinda á grundvelli eldri reglna, auk
þess sem öflun málflutningsréttinda fór
í fyrsta sinn fram á grundvelli nýrra
reglna sem tóku gildi með lögum um
lögmenn nr. 77/1998.
Þessi mikla fjölgun félagsmanna er
að einhverju leyti tilkomin vegna
fjölgunar lagadeilda og fjölgun útskrif-
aðra lögfræðinga hin síðari ár. augljóst
er hins vegar að þessi þáttur skýrir ekki
nema hluta þeirrar fjölgunar sem átt
hefur sér stað, þar sem hún var í raun
hafin meðan laganám var aðeins kennt
við lagadeild HÍ. Því má kannski segja
að fjölgun lagadeilda megi að einhverju
leyti skýra með aukinni eftirspurn
atvinnulífsins eftir lögfræði menntuðu
fólki.
beiðni um niðurfellingu
málflutningsréttinda
Í byrjun árs 2011 fór stjórn Lög manna-
félagsins fram á það við innanríkis-
ráðherra, á grundvelli 3. mgr. 13. gr.
lögmannalaga nr. 77/1998, að mál-
flutningsréttindi sjö lögmanna yrðu felld
niður vegna vanskila þeirra á fjárvörslu-
yfirlýsingu fyrir árið 2009, sem skila bar
fyrir 1. október 2010. Í kjölfar bréfs
ráðherra, þar sem hlutaðeigandi lög-
mönnum var veitt tækifæri til and svara,
skiluðu fimm lögmenn full nægjandi
yfirlýsingu en þeir tveir sem eftir stóðu
gátu hins vegar ekki gert grein fyrir
vanskilum sínum og hefur innan-
ríkisráðherra fellt réttindi þeirra niður.
samráðsfundur með
dómstólaráði
fyrir nokkru var haldinn samráðsfundur
með dómstólaráði. meðal þess sem rætt
var á fundinum voru órökstuddar
þóknunarákvarðanir dómara í einka-
málum, ákvarðanir dómara um máls-
varnarlaun í opinberum málum og
fjárhæðir málskostnaðar í útivistarmálum.
Einnig var farið yfir stöðu rafræns
gagnaflutnings milli lögmanna og
dómstóla, undirbúning millidómstigs,
fjölföldun gagna í kærumálum í
einkamálum til sendingar til Hæstaréttar,
gæðamál dómstóla og stöðu trúnaðar-
skyldu lögmanna m.a. í ljósi húsleitar-
heimilda og haldlagningar gagna.
breytingar hjá
úrskurðarnefnd lögmanna
Þann 1. janúar s.l. tók Valborg Snævarr,
hrl. sæti sem nýr aðalmaður í úrskurðar-
nefnd lögmanna í stað gests Jónssonar
hrl. og grímur Sigurðsson, hrl. tók sæti
sem varamaður í stað Ásgeirs thor-
oddsen, hrl.
kristinn Bjarnason, hrl., var kjörinn
formaður í stað gests sem hafði setið í
úrskurðarnefnd og gegnt formennsku
frá því hún var sett á laggirnar með
lögum nr. 77/1998. Stjórn Lögmannafélags
Íslands þakkar fráfarandi nefndarmönnum
fyrir störf í þágu nefndarinnar og þá
sérstaklega gesti Jónssyni, hrl., fyrir
langan og farsælan formannsferil.
aðalfundur haldinn 13. maí
Stjórn Lögmannafélagsins hefur
ákveðið að aðalfundur félagsins og
félags deildar fari fram föstudaginn 13.
maí n.k. dagskrá fundarins verður
auglýst síðar.
Ingimar Ingason
af vettvangi félagsins