Lögmannablaðið - 01.12.2012, Blaðsíða 8

8 lögmannaBlaðið TBl 04/12
Á léttUM nÓtUM
Hinir MargVíslegu og fjölbreyttu
textar biblíunnar eru innblástur í dagsins
önn. nálgunin við þá helgu bók sem við
leikmenn þekkjum er svolítið upphafin
og hátíðleg, framandi hversdagslífinu. en
það þarf ekki að leita lengi í biblíunni
til að finna einmitt það hversdagslega.
í bókum biblíunnar má finna
mörg og ólík sjónarhorn á lífið og
tilveruna. eitt sjónarhornið er matur
og veislur, borðhald og samfélagið við
borðið. biblían er full af lýsingum á
hversdagslegu lífi, margir textar fjalla
um mat, veisluhöld og einnig fábrotnara
og hversdagslegra borðhald.
etið, drekkið og verið glöð ­ það
er lífsspekin í borðhaldinu sem gott
er að hafa í huga. Það er svo gefandi
að setjast saman til borðs og borða
saman, næra líkama og sál. Þau sem hafa
gaman að elda og elda af ástríðu, þekkja
tilfinninguna sem fylgir því að krydda
matinn með kærleika og gleði. Þá verður
uppskeran við matarborðið ríkuleg. á
gleðiríkan og gjöfulan hátt uppfyllir það
einhverja frumþörf að gefa fólki mat og
búa til samfélag við matarborð. Þá er
maður bæði sá sem gefur og þiggur sem
er besta hlutskiptið því það er hvorki
nærandi né uppbyggilegt að vera bara
annaðhvort. orð, krydd og kærleikur
er nestið sem gestirnir taka með sér frá
máltíðinni ef vel tekst til. Matur er meira
en bara magafylli, matur er minning,
tilfinning, kærleikur. Við munum eftir
mömmumatnum sem við reynum svo
að bera á borð fyrir okkar fjölskyldu.
Útkoman getur svo orðið allt önnur þó
uppskriftin sé sú sama, það er svo erfitt
að búa til mælieiningu fyrir kærleikann
og góðu tilfinningarnar sem sáldrað
var yfir réttinn í ómældum dössum á
meðan eldað var.
máltíð er ekki bara matur
í aðdraganda jóla er matarstúss og
veislugleði meira áberandi en á öðrum
tímum ársins. á aðventunni, þessum
hlýja og alltumlykjandi myrkurtíma,
reynum við að gefa okkur tíma til að
setjast niður með góðum vinum og
fjölskyldu og njóta kræsinga og samveru.
á jólunum sest svo fjölskyldan saman
og borðar, borðhaldið er gjarnan í
mjög föstum skorðum og flest hafa
á því einhverja skoðun hver er hinn
fullkomni og eini sanni jólamatur.
en hver svo sem matseðillinn er þá
er samfélagið lykilatriði, nærveran
við ástvini. borðhaldið verður
miðpunkturinn í hátíðahöldunum. í
fjölskyldum þar sem hversdagslega er
ef til vill borðað á ýmsum tímum eftir
önnum og áhugamálum hvers og eins,
verður borðhaldið í sjálfu sér helgistund
sem ekki má trufla. utanaðkomandi
áreiti sem við leyfum að trufli okkur í
hversdeginum eru víðs fjarri og við lifum
í núinu. Máltíðin er ekki bara matur
heldur fólkið sem við neytum hennar
með, samfélagið hvort sem það er lítið
eða stórt. Þó meira sé lagt í matargerðina
til hátíðabrigða þá er jafn mikilvægt og
endranær að njóta matargerðarinnar
á afslappaðan hátt. liljur vallarins og
fuglar himinsins geta leiðrétt kúrsinn
ef þarf:
orð, krydd og kærleikur
eftir kristínu Þóru Harðardóttur hdl.
Hvort sem þið því etið eða drekkið
eða hvað sem þið gerið, þá gerið allt
guði til dýrðar. (Úr 1.Korintubréfi)
Lítið til fugla himinsins. Hvorki sá
þeir né uppskera né safna í hlöður
og faðir yðar himneskur fæðir þá.
Eruð þér ekki miklu fremri þeim?
Og hver yðar getur með áhyggjum
aukið einni spönn við aldur sinn?
Og hví eruð þér áhyggjufull um
klæðnað? Hyggið að liljum vallarins,
hversu þær vaxa. Hvorki vinna þær
né spinna. En ég segi yður: Jafnvel
Salómon í allri sinni dýrð var ekki
svo búinn sem ein þeirra. Fyrst Guð
skrýðir svo gras vallarins sem í dag
stendur en á morgun verður í ofn
kastað, skyldi hann þá ekki miklu
fremur klæða yður, þér trúlítil! ....
Hafið því ekki áhyggjur af morgun­
deginum. Morgundagurinn mun
hafa sínar áhyggjur. Hverjum
degi nægir sín þjáning. (Úr 6. kafla
Mattheusarguðspjalls)