Lögmannablaðið - 01.03.2015, Blaðsíða 19
LÖGMANNABLAÐIÐ TBL 01/15 19
UMFJÖLLUN
eftir að fyrningalögum var breytt 2008.
Ekkert vit er í því að ríkið sé að kosta
til vinnu dómara við að fara í gegnum
mikla sönnunarfærslu ef málið getur
fallið á fyrningu. Það sama gildir um
þann sem er stefnt en hann á ekki að
þurfa kosta til fjármunum þegar málið
hefði aldrei átt að komast lengra,“ sagði
hann.
Munnlegar matgerðir
Í 5. og 6. gr. frv. er gert ráð fyrir því
að mögulegt sé að viðhafa munnlegar
mats- og skoðunargerðir. Matsmanni
ber síðan að kröfu aðila að koma fyrir
dóm til að gefa skýrslu til skýringar og
staðfestingar á matsgerðinni.
Skúli taldi þetta mjög skynsamlegt
skref í þá átt að létta á mats- og
skoðunargerðum í minniháttar málum:
„Matsmaðurinn fær matsspurningu og
boðar til matsfundar að viðstöddum
aðilum. Síðan verður skýrslutaka fyrir
dómi um afstöðu matsmanns en hægt
yrði að fá svör matsmanns útprentuð ef
menn vilja fara fram á yfirmat,“ sagði
hann. Skúli taldi að sá möguleiki ætti
að vera til staðar að svör matsmanns við
matsspurningum væru skráð í þingbók
af dómara í stað þess að matsmaður
legði þau fram í sérstöku skjali, eins og
frumvarpið gerði ráð fyrir. Stefán taldi
að með þessu yrði matsferlið skilvirkara
og ódýrara, sem gæti stundum verið
til bóta: „Sum mál þola ekki mikinn
kostnað en eins og ég skil frumvarpið
þá mun matsmaðurinn skila svörum
við spurningum en síðan yrði hægt að
spyrja hann út í forsendurnar,“ sagði
hann en benti hins vegar á að stundum
væri það þannig að lögmaður, áður
en matsmaður kæmi fyrir dóm og gæfi
skýrslu, þyrfti að leita til sérfræðings til
að fá álit á matsgerð í flóknum málum,
þ. á m. forsendum matsgerðar, og það
væri ekki hægt þegar hann vissi ekki
hverjar forsendurnar væru fyrr en í
skýrslutökunni sjálfri. Vilhjálmur H.
Vilhjálmsson hrl. kvaddi sér hljóðs í
umræðum og lýsti yfir áhyggjum af
lausung sem væri viðhöfð í sambandi
við matsmenn og matsgerðir. Ef farið
yrði að heimila munnlegar matsgerðir
í einhverjum mæli væri enn verið að
auka þá lausung og að fara þyrfti
varlega í breytingar. Eiríkur Tómasson,
hæstaréttardómari og formaður
réttarfarsnefndar, benti í lokin á að
breytingartillögur um munnlegar
matsgerðir væru fyrst og fremst hugsaðar
til notkunar í einföldum málum, svo
sem í neytendamálum. Með munnlegum
matsgerðum opnaðist sú leið að lækka
kostnað við dómkvaddan matsmann
og yrði það mikil réttarbót í einfaldari
málum.
Frávísun
Í 8.gr. frv. er gert ráð fyrir að ef stefndi
krefst þess að máli sé vísað frá dómi
Arnfríður Einarsdóttir stjórnaði fundi. Skúli Magnússon. Stefán A. Svensson.
Suðurlandsbraut 4, 3. hæð, 108 Reykjavík
Sími 414 4100 · Fax 414 4101 · www.law.is
LIT ehf.
Ingi Tryggvason hrl.