Lögmannablaðið - 01.03.2015, Blaðsíða 33

LÖGMANNABLAÐIÐ TBL 01/15 33
AÐSENT EFNI
að í raun og veru er annað og miklu
umfangsminna internet í Kína en í
flestum öðrum löndum.

Lén er heimili og heimilisfang
á netinu
Skammstöfunin www stendur fyrir
„world wide web“, sem á íslensku nefnist
Veraldarvefurinn, eða bara „vefurinn“.
Vefurinn er samheiti yfir ótölulegan
fjölda vefsíðna (vefskjala) sem geta ýmist
staðið einar og sér, eða verið hluti af
stærri heild. Finna má marga litla vefi og
alls kyns vefþjónustur undir þekktum
lénum á borð við ruv.is, visir.is, mbl.is
eða google.com svo dæmi séu tekin.
„Vefur“ og „lén“ eru semsagt sitthvor
hluturinn. Tölvupóstþjónusta er líklega
mun stærri þjónusta á heildina litið en
vefþjónustan (vefurinn). Þegar lokað er
á vefslóðir þá er jafnframt lokað á lén
og þar með á alla þjónustu sem á léninu
hvílir og hvíla kann - líka tölvupóstinn.
Þá reiða IP-símkerfi nú til dags að hluta
til á lén. Þetta vill gleymast.
ISNIC fékk á sínum tíma óformlegt
erindi um að loka léninu istorrent.is og
hafnaði því. Í símtali við viðkomandi
embætti, og öðru við lögmann sækjanda,
spurði ISNIC hvort rétthafi lénsins
hafi með dóminum líka verið bannað
að senda og taka á móti tölvupósti
á istorrent.is. Aldrei var farið fram á
lokun lénsins istorrent.is eftir þetta, en
viðkomandi rétthafi fékk hins vegar á
sig þungan dóm fyrir að deila efni á
vefsíðu.
Lén er í senn heimili og heimilisfang
á Netinu, ekkert annað. Ef það er rétt
skráð af viðkomandi rétthafa (skoðið t.d.
skráningu eigin léns í Whois glugganum
efst á www.isnic.is) er hægur vandi
að hafa uppi á ábyrgðarmanninum
(rétthafanum) og gera hann ábyrgan fyrir
þjónustunni, sem veitt er á viðkomandi
vef. Það dugar ekki að hengja bakarann
þegar smiðnum er um að kenna.
Alþjóðlegt fyrirtækjanet
PwC er alþjóðlegt fyrirtækjanet sem
þjónustar fyrirtæki og stofnanirmeð
ráðgjöf á sviði skatta, lögfræði og
fjármála auk endurskoðunar.
pwc.is
Leiðrétting
Í 4. tbl. Lögmannablaðsins 2014 misritaðist orðalag ályktunar sem samþykkt var á félagsfundi í Lögmannafélagi
Íslands þann 26. nóvember 2014. Rétt útgáfa ályktunarinnar hljóðar svo:
„Fundurinn ályktar að lögmanni sé rétt og geti eftir atvikum verið skylt að hafa samband við vitni í máli. Hafi
lögmaður samskipti við vitni ber honum að gæta tillitsemi og forðast að hafa áhrif á framburð vitnis. Lögmenn
sem gæta að þessu gæta faglegra vinnubragða og sem samrýmast þeim siðareglum sem gilda um störf þeirra.
Stjórn félagsins er falið að vinna áfram að þeirri tillögu sem liggur fyrir fundinum um breytingar á siðareglum
félagsins þessu til staðfestu“.