Víkurfréttir - 21.12.2011, Blaðsíða 26

26 MIÐVIKUdagUrInn 21. dESEMbEr 2011 • VÍKURFRÉTTIR
Sendum viðskiptavinum okkar og Suðurnesjamönnum öllum bestu óskir um
gleðilega jólahátíð og farsæld á komandi ári!
Þökkum ykkur viðskiptin á árinu sem er að líða!
Fitjar - Flutningar
Fitjabraut 1 - Reykjanesbær
Á. Á. verktakar
Fitjabakka 1b - 260
Reykjanesbær - 421 6530
Radíonaust
Norðurtúni 2 - Reykjanesbær
sími 421 3787
s. 555 7515 Ásbrú, sími 421 4777
Vökvatengi
421 4980
Trésmiðja
Iðavöllum 8 - Reykjanesbær
- 422 7140 - 422 7246
Hafnargötu 15 - Reykjanesbær
421 5280
Starfslok Péturs Brynjarssonar, skólastjóra Gerða-skóla voru samþykkt á fundi bæjarstjórnar í
Garðinum á miðvikudagskvöld í síðustu viku. Allir
fjórir fulltrúar meirihluta greiddu atkvæði með því
að starfslokasamningur yrði látinn standa. Fulltrúar
N-lista, þau Pálmi S. Guðmundsson og Jónína Holm,
voru mótfallin og fulltrúi L-lista, Davíð Ásgeirsson,
sat hjá. Bæjarstjóra og lögmanni bæjarins verður
lagt til að ganga frá starfslokasamningi skólastjóra
miðað við 31. desember næstkomandi.
Pálmi lagði einnig fram vantrauststillögu fyrir hönd
N- og L-lista, á hendur meirihluta í bæjarstjórn og bæj-
arstjórans. Hafði hann á orði að vinnubrögð sem þessi
væru samfélaginu í Garði til skammar. Eftir að Pálmi
hafði lokið máli sínu klöppuðu íbúar hátt og snjallt, en
tugir íbúa mætti á fundinn.
Í ræðu sinni sagði Pálmi að meirihluti væri með ólög-
mætum hætti að segja skólastjóranum upp störfum í
skjóli starfslokasamnings. Hann sagði það ljótan leik
og sagði að ófagleg vinnubrögð hefðu verið í gangi allt
frá því að meirihluti tók við völdum, sem líkja mætti
helst við valdníðslu. Sagði hann einnig að Ásmundur
bæjarstjóri hefði farið fram í fjölmiðlum með þeim
hætti að orðspor skólans og starfsmanna hafi stórlega
skaðast. Að lokum sagði Pálmi að framkomu meiri-
hlutans væri ekki hægt að umbera.
Ásmundur Friðriksson, bæjarstjóri, steig næstur í
pontu og sagði það frekar óeðlilegt að viðbrögð kæmu
frá salnum og bað fólk að koma fram af virðingu við
bæjarstjórnina, hvort sem fólk væri sammála henni
eða ekki. Sagði hann í ræðu sinni að ekki væri um
ólöglega uppsögn að ræða, heldur væri þetta sam-
komulag um starfslok sem að skólastjóri hafi samþykkt
og óskað eftir að yrðu. Hann sagði ennfremur að þetta
væri niðurstaða málsins og hún ætti sjálfsagt eftir að
hryggja marga og að hann skildi ósköp vel að sam-
starfsmenn styddu við bakið á skólastjóranum.
Blaðamaður Víkurfrétta ræddi við nokkra kennara og
starfsmenn skólans eftir að þetta varð ljóst og þau báru
meirihlutanum kaldar kveðjur. Þau sögðu að um ein-
elti væri að ræða af hálfu meirihluta bæjarstjórnar og
að um algera valdníðslu væri að ræða. Þau voru sam-
mála öllu því sem að Pálmi S. Guðmundsson fulltrúi
N-lista lagði fram í vantrauststillögu N- og L-lista.
„Ég er mjög sorgmæddur yfir þess-
um málalokum, en ég er glaður og
óendanlega þakklátur að sjá hvílík-
an stuðning ég fékk frá starfsmönn-
um, nemendum og foreldrum, það
er bara frábært. Ég hef fengið gíf-
urleg viðbrögð nú í morgun [sl.
fimmtudag] frá foreldrum í Garð-
inum, sem er ákaflega ánægjulegt
og þeir virðast kunna að meta mín
störf og ég er mjög þakklátur fyr-
ir það,“ sagði Pétur Brynjarsson
skólastjóri Gerðaskóla í samtali
við Víkurfréttir en á miðvikudag
í síðustu viku voru starfslok Péturs
samþykkt á fundi bæjarstjórnar í
Garðinum.
Pétur sagði starfslokasamninginn
ekki vera í höfn en það væri munn-
legt samkomulag fyrir hendi og
væntanlega væri gengið frá málum
á næstu dögum.
- Óskaðir þú eftir þeim samningi?
„Já, ég óskaði eftir því að hafa áhrif
á mín starfslok. Þegar ég sá að það
var komið á dagskrá bæjarstjórnar
að gengið yrði frá starfslokum
skólastjóra þá óskaði ég eftir því að
hafa áhrif á þau starfslok sjálfur,“
sagði Pétur og aðspurður um hvort
hann teldi að sér hefði verið bolað
í burtu þá sagði hann: „Ég óskaði
ekki eftir því að láta af störfum en
valdi þann kost að hafa sem mest
áhrif á þau málalok og ég gæti með
því að gera starfslokasamning.“
Pétur sagðist ekki hafa hugsað
sér að mæta á umræddan bæjar-
stjórnarfund, það hefði lítið upp
á sig að hans mati. Hann sagði að
hann hygðist áfram sinna sínum
starfskyldum fram að áramótum,
þegar starfslokin taki gildi.
„Sorgmæddur yfir
þessum málalokum“
- „Vinnubrögð samfélaginu til skammar,“ segir minnihlutinn
Skólastjóri Gerðaskóla hættir
- segir skólastjóri Gerðaskóla