Framkvæmdafréttir Vegagerðarinnar - 28.08.2006, Page 2
2
er síðan unnið áhættumat og áhættukort fyrir ákveðna vegi
og vegarkafla. Áhættumatið verður síðan leiðbeinandi fyrir
ökumenn og veghaldara um hvað skal gera til að draga úr
slysahættu á vegum. Ef óhapp á sér stað þá sé hönnun vegar
og nánasta umhverfi hans þannig að sem minnstar líkur séu
á líkamstjóni.
EuroRAP bifreiðin
Bifreið EuroRAP á Íslandi er af gerðinni Mercedes Benz A. Það
var bifreiðaumboðið Askja sem útvegaði bílinn en kaup hans
og rekstur er fjármagnað af nokkrum íslenskum fyrirtækjum.
Bíllinn er mjög vel til þess fallinn að skoða vegi en í honum
er tvöfalt gólf þar sem ýmsum búnaði er komið fyrir. Það er
spennubreytir sem breytir 12 volta jafnstraumi í 220 volta
riðstraum sem knýr tölvur og annan búnað. Af öðrum búnaði
má nefna nákvæmt GPS staðsetningartæki, hreyfimyndavél
og nákvæman vegalengdarmæli með hámarksfráviki upp á
einn metra við hverja 100 km. Þessi búnaður er tengdur við
tölvu sem í er kortagrunnur frá Loftmyndum. Skoðunarmaður
metur veginn sem ekið er um sjónrænt og merkir það sem
hann sér á og við veginn jafnóðum á skráningartöflu. Tölvan
safnar upplýsingunum og samkeyrir þær við kortin.
Hluti af tækjabúnaði EuroRAP bifreiðarinnar.
Mynd EuroRAP.
Bifreið EuroRAP á Íslandi.
Umferðarstofa og FÍB kynna fyrstu niðurstöður EuroRAP matsins á blaðamannafundi 15. ágúst sl. Sturla Böðvarsson sam-
gönguráðherra þakkaði fyrir framtakið.