Glóðafeykir - 01.05.1967, Blaðsíða 44

44
GLOÐAFEYKIR
Ragnar, bóndi í Garðakoti í Hjaltadal, Garðar, bóndi í Neðra-Ási
og Hróar Laufdal, byggingameistari á Akureyri.
Björn á Narfastöðum var þrekinn meðalmaður á vöxt, fölleitur í
andliti og skarpleitur, ennið mikið og hátt, svipfarið festulegt, mað-
urinn allur ákveðinn og ekki vílsamur. Hann var greindur vel,
hugsaði mikið um þjóðmál, fylgdist þar með hverri hræringu af
brennandi áhuga, tók hiklausa afstöðu og hafði fastmótað skoðana-
far. Hann var skörungur í ræðustóli, opinskár og óveill í málflutn-
ingi, rómurinn mikill og snjallur, ræðan brýnd af ríkum skapsmun-
um, fastorður, harðskeyttur og rökfimur, óbilgjarn við andstæðinga
og illvígur nokkuð á stundum. Eitt sinn að loknum pólitískum
fundi, löngum og hörðum, kallaði Björn voldugri röddu til andstæð-
inga sinna, er þeir héldu úr hlaði, og sagði þeim að fara norður og
niður; en samherjum bauð hann heim til sín upp á liinar beztu
veitingar og lék á als oddi, enda mun honum hafa þótt sem eigi hall-
aði á hans menn í bardaganum. En fús var Björn til samstarfs og
sátta, og er sá jafnan háttur góðra drengja.
Á langri ævi gegndi Björn ýmsum trúnaðarstörfum, sat m. a. í
hreppsnefnd og var oddviti hennar urn skeið. Hann var einlægur og
heilhuga samvinnumaður og hélt jafnan á málstað samvinnustefn-
unnar af fullri einurð og óbifanlegri festu. Trúmaður var hann og
kirkjuvinur, söngvís og raddmaður mikill, ágætur bassamaður.
Björn á Narfastöðum verður jafnan eftirminnilegur þeim, sem
manninn þekktu.
Jóhann Jónasson, bóndi í Litladal í Dalsplássi, lézt 7. sept. 1952.
Fæddur var hann á Stekkjarflötum í Austurdal 29. des. 1872, sonur
Jónasar bónda þar og síðar í Litladal, Jóhannssonar, bónda á Stekkj-
arflötum, Hrólfssonar, og konu hans Ingibjargar Hinriksdóttur,
hafnsöoumanns í Hliðsnesi á Álftanesi, Guðnnmdssonar í Hákoti.
Jóhann ólst upp með foreldrum sínum og fluttist með þeim 6 ára
gamall að Litladal, þar sem heimili hans stóð æ síðan. Tók búfræði-
próf frá Hólaskóla 1895. Stundaði síðan barnakennslu og jarðabóta-
vinnu næstu árin. Bóndi í Litladal frá 1909 til æviloka.
Árið 1903 gekk Jóhann að eiga Hólmfríði Guðrúnu Helgadóttur
Jónssonar, bónda á Frostastöðum og víðar, Pálssonar, — og konu
hans Elínar Eggertsdóttur, bónda í Stafni í Deildardal o. v., Þor-
steinssonar. Börn þeirra Jóhanns og Hólmfríðar eru: Vilhelm, bóndi
i Laugardal (áður Litladalskot) og Ingibjörg, húsfreyja að Klauf í
Eyjafirði. Son misstu þau hjón 18 ára gamlan, Jónas (d. 10. ág. 1924).