Tímarit hjúkrunarfræðinga - 01.03.2009, Blaðsíða 25

Tímarit hjúkrunarfræ›inga – 1. tbl. 85. árg. 2009 21
Umhuga.is er forvarnaverkefni á vegum
Þjóðar gegn þunglyndi sem er starfrækt
af landlæknisembættinu. Samstarfsaðilar
verkefnisins eru Miðstöð heilsuverndar
barna, Barnaverndarstofa, BUGL, Stuðlar,
Lýðheilsustöð og Barnavernd Reykjavíkur.
Verkefnisstjóri er Salbjörg Bjarnadóttir
geðhjúkrunarfræðingur. Hún segir að
mörg börn búi við áhyggjur og vanlíðan,
ekki síst á þessum erfiðum tímum.
Vefurinn var settur upp til þess að aðstoða
almenning við að vera vakandi fyrir líðan
barna og unglinga. Hann hefur fengið
mjög góðar móttökur. Innlit eru nú allt að
200 á dag og gerir það umhuga.is að mest
lesna vef landlæknisembættisins fyrir utan
forsíðuna. „Ég hef kynnt vefinn í skólum
og leikskólum og margir námsráðgjafar
og skólahjúkrunarfræðingar vísa á
Áhugaverðar vefsíður
www.umhuga.is
Umhuga.is er fræðsluvefur um geðheilsu barna sem var opnaður í október sl.
Hér er að finna upplýsingar fyrir börn og unglinga en einnig fyrir foreldra og
fagfólk. Gott er fyrir hjúkrunarfræðinga að þekkja til vefjarins og geta leiðbeint
fólki þegar spurt er um mál sem lúta að geðheilsu barna.
hann,“ segir Salbjörg. „Viðbrögðin hafa
verið mjög góð. Nú erum við að fara að
halda fyrirlestra um hvernig fólk getur
brugðist við óvissu og atvinnuleysi með
því að hlúa að fjölskyldunni. Einnig mun
samstarfshópurinn „Náum áttum“ vera
með morgunverðarfundi með ráð til að
bregðast við sparnaði í heilbrigðiskerfinu.“
Á vefnum má finna efni um þunglyndi,
uppeldi, vímuefni, lífsstíl og heilbrigði, og
fleira. Einnig eru ráðleggingar um hvert á
að leita. Að sögn Salbjargar mun nýtt efni
bætast við á næstunni og verða meðal
annars stuttar og hnitmiðaðar greinar eftir
starfsfólk barna­ og unglingageðdeildar,
skólahjúkrunarfræðinga og fleiri höfunda.
Í lok febrúar bættist við tenging í efni um
ofbeldi í samböndum ungs fólks á vef
Lýðheilsustöðvar.
Á dögunum skipaði heilbrigðisráðherra
starfshóp sérfræðinga sem á að skila
tillögum um það hvernig best er að
verjast fylgifiskum efnahagskreppu
á sálfélagslega sviðinu. Í því hlýtur að
vera fólgið að vernda börnin og taka
á áhyggjum þeirra og kvíða vegna
efnahagsþrenginganna. Í starfshópnum
er enginn hjúkrunarfræðingur en geð­
hjúkrunarfræðingar hafa mikla reynslu og
þekkingu og verður hún vonandi nýtt í
vinnu starfshópsins. Það er skoðun flestra
að niðurskurður á sviði geðheilbrigði barna
núna muni valda erfiðleikum í framtíðinni.
Í Finnlandi fjölgar nú sjúkradögum ungs
fólks og örorka eykst í þeim hópi. Er það
talið vera afleiðing kreppunnar fyrir 15
árum. Vonandi getur umhuga.is hjálpað til
að milda áhrif kreppunnar á börnin okkar.