Tímarit hjúkrunarfræðinga - 01.03.2009, Blaðsíða 42

Tímarit hjúkrunarfræ›inga – 1. tbl. 85. árg. 200938
Í nefnd starfsmenntunarsjóðs sitja:
Dagbjört H. Kristinsdóttir hjúkrunar fræðingur, formaður starfs menntunar­
sjóðs, Christer Magnusson hjúkrunarfræðingur, Birgir Björn Sigurjónsson
fyrir hönd Reykja víkurborgar og Lárus Ögmundsson fyrir hönd fjármála­
ráðuneytisins.
Markmið sjóðsins er að tryggja fjárhagslegan grundvöll sí­ og endurmennt­
unar hjúkrunarfræðinga í tengslum við störf þeirra.
Nefndin fundar 4 sinnum á ári, í janúar, apríl, júní og október.
Hver hjúkrunarfræðingur getur fengið styrk að upphæð 40.000 kr. á 3 ára
fresti. Í júní á hverju ári eru þó einnig veittir tólf 80.000 kr. styrkir vegna
lengra og dýrara náms.
Hjúkrunarfræðingur, sem ekki sækir endur menntun reglu lega, safnar ekki
upp réttindum í sjóðnum. Þannig hefur hjúkrunar fræðingur, sem hefur
greitt í sjóðinn í 5 ár, sömu möguleika á að fá styrk og sá sem hefur greitt
í sjóðinn í 20 ár.
Samkvæmt reglum sjóðsins má það nám eða
námskeið, sem sótt er um styrk vegna, ekki vera
eldra en 9 mánaða.
Þegar sótt er um í sjóðinn er mikilvægt að fylla
vandlega út umsóknina sem má finna rafrænt á
hjukrun.is.
Hvað er styrkhæft?
• Flestallt háskólanám sem gerir hjúkr unar fræð­
inginn hæfari í starfi.
• Sérstök námskeið sem haldin eru fyrir
hjúkrunarfræðinga.
• Ráðstefnur sem tengjast hjúkrun.
• Skipulagðar kynnisferðir á sjúkrahús erlendis þar
sem einnig er farið á fyrirlestra um sjúkrahúsið og
meðferðina sem þar er veitt.
• Tungumálanám.
• Tölvunámskeið.
Nefndin skoðar allar umsóknir og metur vafatilvik.
Hjúkrunarfræðingar geta dreift 40.000 kr. styrknum
á fleiri en eitt ár eins og dæmið hér á eftir sýnir en
sé það gert lengist tíminn þar til viðkomandi getur
sótt um aftur í sjóðinn.
Dæmi 1
Hjúkrunarfræðingur fær árið 2005 úthlutað
20.000 kr. vegna námskeiðs og árið 2006 fær hann
20.000 kr. Þá er hann búinn að fullnýta styrkinn
og því verða að líða 3 ár þar til hann á aftur rétt á
að fá úthlutað úr starfsmenntunarsjóði. Árið 2009
getur þá hjúkrunarfræðingurinn sótt aftur um styrk í
starfsmenntunarsjóð.
Dæmi 2
Hjúkrunarfræðingur fer í háskólanám árið 2005 og
fær 40.000 kr. úthlutað í janúar vegna þess og
getur sótt um aftur í janúar 2008.
Í ljósi efnahagsástandsins verður farið varlega í allar
breytingar á úthlutunarreglum sjóðsins. Markmið
sjóðsins er þó ekki að safna peningum heldur
greiða sem mest út til hjúkrunarfræðinga. Því eru
úthlutunarreglur sjóðsins endurskoðaðar reglulega.
Reglur starfsmenntunarsjóðs er að finna á hjukrun.is.
STARFSMENNTUNARSJÓÐUR
FÉLAGS ÍSLENSKRA HJÚKRUNARFRÆÐINGA
Starfsmenntunarsjóður Félags íslenskra
hjúkrunar fræðinga er sjóður sem vinnu­
veitendur hjúkr unar fræðinga greiða
í 0,22% af dag vinnulaunum hjúkrunar ­
fræðinga. Ekki er dregið af launum
hjúkrunarfræðinga heldur kemur greiðslan
eingöngu frá vinnu veitendum.
Dagbjört H. Kristinsdóttir, dagbjort@landsbjorg.is