Tölvumál - 01.11.2009, Blaðsíða 4
4 | T Ö L V U M Á L
Katrín Júlíusdóttir, iðnaðarráðherra
Hlutverk upplýsingatækninnar
Sp: Hvaða mynd hefur þú sem fyrrverandi starfs maður upp lýsingatækni
fyrirtækis af hlutverki upplýsinga tækninnar?
Það eru reyndar orðin 6 ár síðan ég starfaði sjálf við upplýsingatækni, en
það er nóg til að ég sjái hversu gífurlegu hlutverki hún hefur að gegna.
Upplýsingatæknin er náttúrulega eitthvað sem er bara orðin hluti af okkar
samfélagi. Hún þróast áfram með því og jafnvel aðeins á undan því.
Upplýsingatæknin er hluti af svo mörgu og ég held að í daglegu lífi taki
menn hana sem sjálfgefnum hlut, en átti sig ekki á því hvað það er mikil
vinna og sköpun þarna á bak við.
Hlutverk nýsköpunar
Sp: Er nýsköpun í upplýsingatækni leiðin út úr kreppunni?
Ég lít svo á að nýsköpun muni færa okkur hið nýja Ísland og ég trúi því að
við munum byggja endurreisnina á nýsköpun almennt, hvort sem það er í
upplýsingatækni, ferðamálum eða hverju sem er. Nýsköpun er það sem við
eigum að einbeita okkur að.
Aðgerðir og stefna
Sp: Hvaða stuðningsaðgerðir telur þú mikilvægastar?
Það vill svo skemmtilega til að eitt af því sem er á verkefnasviði þessa
ráðuneytis er nýsköpun og sprotar. Það er eitt af okkar stóru verkefnum og í
tengslum við minn bakgrunn hef ég haft mikinn áhuga á þessum málaflokki,
alveg síðan ég fyrst settist inn á þing, og síðan hér í iðnaðarráðuneytinu.
Þarna eru gríðalega mikil og mörg tækifæri, en þetta er ekki sjálfgefinn
hlutur, heldur eitthvað sem þarf að hlúa að.
Nýsköpunarmiðstöð er aðalvettvangur ráðuneytisins fyrir þessi mál. Hún
heldur uppi fjölbreyttum stuðningsaðgerðum við nýsköpun, í samstarfi
við aðrar stofnanir og félög. Einnig hefur í ráðuneytinu verið settur á
laggirnar svokallaður hátæknivettvangur, sem er í rauninni samstarfs- og
samtalsvettvangur á milli sprota og hátækniiðnaðarins og ráðuneytisins um
það almennt sem betur má fara í umhverfinu. Það má vænta þess að þaðan
muni koma fjöldinn allur af tillögum, í næstu framtíð og til lengri framtíðar.
Það er ætlun mín að halda þessum hátæknivettvangi áfram. Þannig að það
er mjög margt í gangi hérna.
Sp: Hvað geturðu sagt okkur um stefnu ríkisstjórnarinnar varðandi nýsköpun
og upplýsingatækni, og hvaða aðgerðir séu framundan?
Svo ég nefni það helsta í nánustu framtíð sem við erum að vinna að, þá er
í smíðum aðgerðaáætlun um að virkja atvinnulausa til nýsköpunar, sem ég
get þó ekki farið nánar út í á þessari stundu.
Annars er það ekki þannig að við séum að ákveða það innan ráðuneytisins
hvað verði lögð mest áhersla á í nýsköpuninni, hvort það verði
upplýsingatæknin eða eitthvað annað, heldur viljum við að stoðkerfið sé í
lagi, þannig að nýsköpunin og markaðurinn ákveði það hvar áherslurnar
eigi að liggja hverju sinni.
En ég hef alltaf litið svo á að upplýsingatæknin verði ekki hólfuð svo
auðveldlega af, sem einhver sér afmörkuð grein, vegna þess að hún er
að verða undirlag undir öllu samfélaginu, öllu sem við gerum, og teygir
anga sína út um allt. Bara það að stofna nýtt fyrirtæki á hvaða sviði
sem er krefst upplýsingatækni og hún er að verða stærri og stærri hluti
af ferðaþjónustu, við sjáum hana allsstaðar. Ekkert svið samfélagsins er
ósnortið af upplýsingatækninni. Ef eitthvað er þá er hún að verða ein af
undirstöðunum.
-------
Um leið og við þökkum ráðherra góðar viðtökur og ágæt svör viljum við
óska ríkisstjórninni góðs gengis í að hlúa að nýsköpun til endurreisnar.
Í tilefni af tema þessa tölublaðs þótti ritstjórn Tölvumála við hæfi að gefa ráðherra iðnaðar og nýsköpunar
kost á að tjá sig um nýsköpun og upplýsingatækni á Íslandi.
Við munum byggja endurreisnina
á nýsköpun almennt
Ekkert svið samfélagsins er
ósnortið af upplýsingatækninni.
– Viðtal: Þorvarður Kári Ólafsson
og Ásrún Matthíasdóttir
Nýsköpun er
framtíðin