Tölvumál - 01.02.2008, Blaðsíða 75

T Ö L V U M Á L | 7 5
Stiklað á stóru í sögu Ský
Orðanefndin er elsti faghópur innan skýrslutæknifélagsins og hefur starfað frá því skömmu eftir að félagið
var stofnað. Auk orðanefndarinnar starfa þessi hópar á vegum félagsins: Faghópur um fjarskiptamál,
Faghópur um árangursríka vefstjórnun, Faghópur um öryggismál, Fókus - félag um upplýsingatækni í
heilbrigðisþjónustu, Félag kvenna í upplýsingatækni og Öldungadeild sem er faghópur um varðveislu
sögulegra gagna og heimilda um vélræna gagnavinnslu og notkun upplýsingatækni á Íslandi. Árið 1983
sendi orðanefndin frá sér fyrstu útgáfu Tölvuorðasafns. Þá voru í safninu tæplega 1000 íslensk heiti og
rösklega 1000 ensk heiti á um 700 hugtökum. Í annarri útgáfu frá 1986 var skilgreiningum bætt við
og hugtökum og heitum fjölgað. Fjórða útgáfa Tölvuorðasafns kom út árið 2005 og hefur að geyma
um tíu sinnum fleiri hugtök og heiti en fyrsta útgáfan eða um 7700 íslensk heiti og um 8500 ensk
heiti ásamt skilgreiningum á rúmlega 6500 hugtökum sem lúta að upplýsingatækni og tölvunotkun.
Tölvuorðasafnið er einnig aðgengilegt til leitar á vef félagsins www.sky.is. Hinn 17. júní 1997 veitti stjórn
Lýðveldissjóðs Sigrúnu Helgadóttur, formanni nefndarinnar, sérstaka viðurkenningu fyrir lofsverð störf til
eflingar íslenskri tungu. Á Degi íslenskrar tungu, þann 16. nóvember 2006, veitti menntamálaráðherra
orðanefndinni sérstaka viðurkenningu fyrir störf í þágu íslensks máls.
Hjörleifur Hjörleifsson, heitinn var kosinn fyrsti formaður
Skýrslu tæknifélags Íslands á stofnfundi félagsins í sal
Bankasamstarfsnefndar við Laugaveg þann 6. apríl
1968. Hann gengdi formennsku allt til ársins 1975
og mótaði á þeim tíma starfshætti félagsins. Hann
var einn af frumkvöðlum vélrænnar gagnavinnslu á
Íslandi og vann til að mynda að því að fá alphabetískar
skýrslugerðarvélar til Rafmagnsveitu Reykjavíkur
árið 1952 en 28. ágúst það ár voru Skýrsluvélar
ríkisins og Reykjavíkurbæjar stofnaðar. Hjörleifur var
fyrsti íslendingurinn sem sæmdur var Hinni íslensku
fálkaorðu fyrir störf að gagnavinnslumálefnum. Aðrir
í fyrstu stjórn Skýrslutæknifélagsins voru Gunnlaugur
Björnsson varaformaður, Jakob Sigurðsson ritari, Svavar
Jóhannsson féhirðir, Bjarni P. Jónasson skjala vörður og
Magnús Magnússon meðstjórnandi en varamenn voru
Sigfinnur Sigurðsson og Sigurður Þórðarson.
Stjórn Skýrslutæknifélagsins í upphafi starfsársins 2007 – 2008. Í efri röð frá vinstri eru þau
Jónína S. Lárusdóttir viðskiptaráðuneytinu, Einar H. Reynis Símanum, Ásrún Matthíasdóttir
Háskólanum í Reykjavík, Jón Heiðar Þorsteinsson Kaupþingi og Jóhann Kristjánsson
Iceland Travel. Í neðri röð frá vinstri eru þau Magnús Hafliðason Símanum, Svana Helen
Björnsdóttir Stika og Eggert Ólafsson hjá upplýsingatæknisviði Reykjavíkurborgar.
Tölvumál, fagtímarit
um upplýsingatækni.
Blaðið kom fyrst út í
nóvember 1976. Í fyrsta
tölublaðinu kemur fram
að blaðið var upphaflega
hugsað til þess að gefa
félagsmönnum yfirlit yfir
fundi félagsins en auk
þess vonaðist ritnefnd
til þess að blaðið
gæti orðið vettvangur
umræðna og fróðleiks
á sviði félagsmála og
tölvutækni.