Tímarit hjúkrunarfræðinga - 01.04.2011, Blaðsíða 16
Tímarit hjúkrunarfræ›inga – 2. tbl. 87. árg. 201112
þá gætu sparast stórar fjárhæðir í
heilbrigðiskerfinu. Við erum þó fyrst og
fremst að vinna að betri líðan sjúklinga.“
Vantaði rannsóknir
Sigríður er í hálfu starfi á Landspítala og
gegnir þar stöðu forstöðumanns fræðasviðs
í krabbameinshjúkrun auk þess sem hún
er í hálfu starfi sem dósent við Háskóla
Íslands. Rannsóknin er samvinnuverkefni
þessara tveggja stofnana.
Sigríður útskrifaðist í hjúkrunarfræði frá
Háskóla Íslands árið 1997. „Mér fannst
mjög gefandi að starfa við hjúkrun eftir
útskrift. Ég starfaði á krabbameinsdeild,
skurðdeild og bráðamóttöku og
notaði tímann til að undirbúa mig fyrir
áframhaldandi nám. Mér fannst það trufla
mig svolítið hvað vantaði oft rannsóknir
sem hægt væri að styðja sig við. Það
vakti því fljótlega áhuga minn á að fara
út í rannsóknir. Ég hélt í meistaranám
til Bandaríkjanna árið 1998 og fór í
doktorsnámið í beinu framhaldi af því,“
segir Sigríður en eiginmaður hennar,
Magnús Haraldsson, var samtímis í
sérnámi í geðlækningum. Þau stunduðu
nám sitt í Madison í Wisconsin.
Sigríður kom heim árið 2003 og lauk
doktorsritgerðinni. Auk þess starfaði hún
á Rannsóknarstofnun í hjúkrunarfræði og
eignaðist sitt fyrsta barn árið 2004, sama
ár og hún varði ritgerðina.
eiga eftir að koma góðar niðurstöður ef allt
fer vel. Það er svo ótalmargt sem spilar
inn í að þetta gangi upp. Sigríður Zoega
hjúkrunarfræðingur hefur unnið mikið
með mér en hún byrjaði í doktorsnámi
við Háskóla Íslands í janúar og mun nýta
hluta af rannsóknargögnunum í sinni
doktorsritgerð. Síðan er svigrúm til að
vera með tvo nema í meistaraverkefni. Ég
hef því trú á að ýmislegt áhugavert eigi
eftir að koma fram,“ segir hún.
„Mér finnst afar mikilvægt að við sem
störfum í hjúkrunarsamfélaginu séum
tilbúin til að vinna saman að rannsóknum.
Það þarf að sameina kraftana og hugsa
til framtíðar. Þessi rannsókn snýr bæði að
sjúklingum og hjúkrunarfræðingum. Þegar
við söfnuðum svörum frá sjúklingunum
fengum við um 80% svarhlutfall og þar
er um mjög veikt fólk að ræða. Þessir
einstaklingar gáfu sér tíma til þess að
vera með. Það gekk hins vegar hægar
í upphafi að fá hjúkrunarfræðingana
með. Til að hægt sé að meta árangur
skiptir öllu máli að hjúkrunarfræðingarnir
séu tilbúnir að taka þátt líka. Ég veit
að það gefst ekki mikill tími í vinnunni
og mann langar ekki til að setjast yfir
spurningablöð þegar heim er komið. En
þar liggur árangurinn að rannsókninni.
Það er því mikill ábyrgðarhluti að vera
þátttakandi í svona rannsókn,“ segir
Sigríður Gunnarsdóttir að lokum.
„Mér fannst það trufla
mig svolítið hvað vantaði
oft rannsóknir sem hægt
væri að styðja sig við.“
Sumum finnst hjúkrunarfræðin vera langt
og mikið nám, jafnvel of mikið. Sigríður
er ekki sammála því. Hún segir að það
hafi verið allt önnur hugsun í hjúkrun
á árum áður. „Við erum í fararbroddi
í Evrópu varðandi hjúkrunarmenntun á
háskólastigi. Ég tel að við ættum að
fjölga hjúkrunarfræðingum sem hafa
lokið meistara og doktorsnámi til að
efla sérfræðiþekkingu okkar. Það er
afar mikilvægt í breyttri og kröfuharðari
heilbrigðisþjónustu. Öll meðferð er flóknari
en áður var. Fólk lifir lengur, er með flókin
heilbrigðisvandamál og það þarf mjög
þjálfað fólk til að annast það. Einnig er
verið að sinna veikara fólki úti í samfélaginu
á göngudeildum og í heimaþjónustu. Það
er því mikil þörf fyrir sérfræðiþekkingu í
hjúkrun. Þótt Háskóli Íslands sé góður
skóli er ég hlynnt því að fólk sæki sér
að auki menntun í útlöndum. Það eykur
víðsýni og maður kynnist nýjum hlutum.
Við megum ekki verða einsleit í faginu.“
Hugsað til framtíðar
Þegar rannsóknarverkefni Sigríðar lýkur
verður það kynnt víða um heim. „Vonandi
Hugsaðu
dæmið til enda
Fáðu ráðgjöf í síma 595 3400
Hvar er þínum séreignarsparnaði best borgið?
Allianz Ísland hf. | Digranesvegi 1 | 200 Kópavogi | 595 3300 | allianz@allianz.is | allianz.is
Ó
· 1
31
75
Í desember sl. gaf Háskólaútgáfan út bókina
„Ofbeldi: margbreytileg birtingar mynd.“
Haldið var málþing 2. desember þar sem
bókin var kynnt. Höfundar eru fjórir íslenskir
hjúkrunarfræðingar. Þeir eru Erla Kolbrún
Svavarsdóttir prófessor, sem jafnframt er
ritstjóri bókarinnar, Kolbrún Kristiansen
meistara nemi, Sigríður Sía Jónsdóttir, ljós-
móðir og hjúkrunarfræðingur, og Brynja
Örlygsd óttir lektor.
Ofbeldi gegn konum er víðtækara samfélags-
mein en flestir gera sér grein fyrir. Umfang
og afleiðingar ofbeldis koma vel fram í þeim
rannsóknum sem kynntar eru í bókinni. Á
málþinginu, sem var haldið í samstarfi við
Rannsókna stofnun í hjúkrunarfræði, var
farið vel yfir efni bókarinnar og sagt frá
niðurstöðum rannsóknanna fjögurra sem
fjallað er um í bókinni.
Í bókinni eru einnig klínískar leiðbein ingar
fyrir fagfólk til að auðvelda því að greina
vandamálið. Þar er hægt að fræðast um
hvernig best er talið að bregðast við og
veita fagleg úrræði til að vinna að því að
draga úr víðtækum áhrifum ofbeldis.
Bók um ofbeldi gegn konum