Iðjuþjálfinn - 01.05.2003, Blaðsíða 35

þátta sem getur ákvarðað að hvaða marki
börn geta tekið þátt í skólastarfi. Nákvæm
greining og túlkun hreyfiörðugleika eykur
möguleika á áhrifaríkri íhlutun. Hérlendis
eru stöðluð hreyfiþroskapróf af skornum
skammti. Íslenskt fagfólk hefur notast við
óformlega þýdd próf þar sem erlend viðmið
eru notuð við túlkun niðurstaðna. Eitt þess-
ara prófa er matstækið Movement Assess-
ment Battery for Children (M-ABC) og til-
gangur rannsóknarinnar var að forprófa
það. Með forprófuninni var frammistaða ís-
lenskra sjö og átta ára barna könnuð. Aflað
var upplýsinga um hver heildarframmi-
staða sjö til átta ára íslenskra barna væri á
matstækinu, hvort munur væri á heildar-
frammistöðu íslenskra barna og bandarísku
prófstaðlanna og í framhaldi af því hvort
merkjanlegur munur væri á frammistöðu
þeirra á einstökum prófþáttum. Til að fram-
kvæma forprófun á M-ABC var valin meg-
indleg rannsóknaraðferð sem flokkast und-
ir aðferðafræðilegar rannsóknir og lýsandi
tölfræði var notuð við greiningu gagna.
Þátttakendur í rannsókninni voru sjö til
átta ára nemendur í öðrum bekk Giljaskóla
á Akureyri eða alls 47 nemendur. Kannaður
var sá hluti matstækisins sem snýr að ald-
urshópi þátttakenda. Niðurstöður rann-
sóknarinnar sýndu að aðeins var merkjan-
legur munur á frammistöðu íslensku og
bandarísku barnanna á einum prófþætti
innan matstækisins. Niðurstöðurnar leiddu
í ljós að merkjanlegur munur var á fín-
hreyfiverkefninu „blómaslóð" en á því
verkefni stóðu bandarísku börnin sig betur.
Einnig var það tilfinning matsmanna að
jafnvægisþættir matstækisins greindu ekki
nægilega vel á milli barna með og án
hreyfiörðugleika. Þessar niðurstöður ættu
að veita gagnlegar vísbendingar um hvern-
ig túlka beri niðurstöður íslenskra barna
á M-ABC og auka líkur á vali réttrar íhlut-
unar.
Rannsókn á matstækinu
Sensory Profile
Höfundar: Alís Freygarðsdóttir og
María Þórðardóttir
Leiðbeinandi: Snæfríður Þóra Egilson
Tilgangur verkefnisins er að kannaframmistöðu íslenskra barna á aldrinum
þriggja til tíu ára á matstækinu Sensory
Profile. Rannsakendur þýddu matstækið úr
ensku síðastliðið sumar. Matstækið veitir
sértækar upplýsingar um hvernig og hversu
vel börn á aldrinum þriggja til tíu ára
bregðast við skynáreitum í daglegu lífi.
Notkun matstækisins auðveldar markvissa
þjónustu við börn með færnivanda svo sem
vegna ofvirkni, einhverfu og misþroska.
Þegar niðurstöður Sensory Profile eru born-
ar saman við niðurstöður annarra matsað-
ferða fæst dýpri skilningur á færni barnsins
sem nýtist við greiningu og skipulagningu
íhlutunar.
Áður en almenn notkun matstækisins
hefst er mikilvægt að forprófa það með til-
liti til notagildis þess á Íslandi. Framkvæmd
rannsóknarinnar var á þann veg að úrtak
tæplega 100 barna var valið úr tveimur
grunnskólum og tveimur leikskólum á
Akureyri. Matstækið var sent til foreldra
þessara barna sem fylltu það út og sendu
aftur til rannsakenda.
Vonast er til að niðurstöður rannsóknar-
innar gefi vísbendingu um notagildi mats-
tækisins og íslenskrar þýðingar þess og veiti
matstækinu gott brautargengi á Íslandi.
IÐJUÞJÁLFINN 1 / 2003 - 35