Iðjuþjálfinn - 01.05.2004, Blaðsíða 27
Iðjuþjálfun á Landakoti er staðsett á þriðju
hæð K-álmu ásamt sjúkraþjálfun. Alls starfa
þar sex iðjuþjálfar í 5,4 stöðugildum og
tveir aðstoðarmenn. Á öllum deildum er
lögð áhersla á teymisvinnu og er iðjuþjálfi
hluti af henni. Nemar í iðjuþjálfun frá Há-
skólanum á Akureyri koma í vettvangsnám
á Landakot.
Húsnæði iðjuþjálfunar á Landakoti er
rúmgott og bjart. Í vinnustofu er skjólstæð-
ingum gefið tækifæri til að hittast og ræða
saman á meðan unnið er að ákveðnum
tómstundartengdum verkefnum sem veita
ánægju. Tómstundirnar eru margskonar
t.d. tauþrykk, málun, smíðar og margt
fleira.
Einnig er rúmgóður æfingasalur, með
vaxpotti og hinum ýmsu æfingatækjum til
að þjálfa samhæfingu, fínhreyfingar og
styrk handa. Vaxhópar eru fyrir þá sem eru
með gigt í höndum eða verki og stirðleika.
Hitinn dregur úr verkjum og auðveldar
hreyfingu handa. Handaæfingar eru gerðar
eftir vaxmeðferð.
Í æfingaeldhúsi er hægt að meta skjól-
stæðinga og prófa hin ýmsu smáhjálpar-
tæki sem eru á markaðnum t.d. hnífapör
með þykkari sköptum og ýmislegt til að
auðvelda opnun á krukkum. Einnig er bað-
herbergi á deildinni þar sem hægt er að
sýna og þjálfa skjólstæðinga í notkun
hjálpartækja, ásamt því að meta færni á
baðherbergi.
Á deildinni er tölvuherbergi fyrir skjól-
stæðinga, þar sem hægt er að kynna áhuga-
sömum internetið og ferðast þar um landið
og heim allan.
Betri stofan er okkar stolt og yndi að
kynna öllum. Það er gamaldags heimilisleg
stofa, sem minnir á heimili frá síðustu öld.
Þar hefur verið komið upp safni ýmissa
hluta sem fólk þekkir frá fyrri tíð.
Þar fer fram margvíslegt skipulagt hópa-
starf fyrir skjólstæðinga frá öllum deildum
hússins. Dæmi eru endurminningahópar
fyrir minnisskerta, þar sem rifjaðar eru upp
góðar minningar frá liðnum æviskeiðum
og bætir það oft líðan og styrkir sjálfstraust.
Einnig eru umræðuhópar þar sem mark-
miðið er að auka tjáningu og draga úr ein-
manaleika og félagslegri einangrun. Rætt er
um málefni líðandi stundar og/eða rifjaðir
upp gamlir tímar.
Deildir á Landakoti
Á Landakoti eru átta deildir. Fyrst má nefna
dagdeild sem tekur á móti 64 skjólstæðing-
um. Þangað koma heimabúandi eldri borg-
arar 2-3 sinnum í viku, í færnimat og end-
urhæfingu. Skjólstæðingarnir eru frá 4-12
vikur á dagdeildinni. Ýmist koma skjól-
stæðingar beint úr heimahúsi eða í áfram-
haldandi meðferð af öðrum deildum.
Tvær 18 rúma deildir fyrir minnissjúka
eru starfræktar í húsinu. Mjög misjafnt er
hversu löng innlögnin er hjá hverjum
skjólstæðingi. Sumir koma í 3 vikna hvíld-
arinnlögn, aðrir í nokkrar vikur þar sem
fram fer færnimat, greining og endurhæf-
ing og enn aðrir bíða alllengi eftir viðeig-
andi hjúkrunarrými.
Tvær 5-daga endurhæfingardeildir eru
starfræktar með 20 rúmum hvor. Skjólstæð-
ingar koma annað hvort að heiman eða frá
öðrum deildum spítalans og eru í 4-8 vikur.
Á þessum deildum fer fram færnimat og
endurhæfing. Þar eru skjólstæðingarnir frá
mánudegi til föstudags og eru heima um
helgar.
Ein 7-daga endurhæfingardeild með 18
rúmum er í húsinu. Hún skiptist í níu rúm
fyrir sjúklinga með langvinna lungnasjúk-
dóma og níu rúm fyrir 7-daga endurhæf-
ingu þar sem sjúklingarnir eru í meiri þörf
fyrir hjúkrun og eru almennt veikari fyrir
en þeir sem koma á 5-daga deild.
Líknardeild er í húsinu með níu rúmum.
Þar er aðallega fólk sem fær líknandi með-
ferð vegna langt gengins krabbameins.
Þjónusta iðjuþjálfa á þessari deild felst aðal-
lega í að stuðla að virkni skjólstæðinganna
og sækja um hjólastóla fyrir þá sem þurfa.
Göngudeildarþjónusta í húsinu felst í al-
mennri mótttöku, minnismóttöku og
byltu- og beinverndarmótttöku. Iðjuþjálfi
er starfandi í Byltu- og beinverndarmót-
tökuteymi og felst þjónustan í viðtali þar
sem metin er hræðsla viðkomandi við að
detta (stuðst er við Fear of falling-spurning-
arlistann), gefnar ráðleggingar varðandi
byltuvarnir og heimilisathugun.
Þjónusta iðjuþjálfa við skjólstæðinga á
minnismóttöku er í mótun.
IÐJUÞJÁLFINN 1 / 2004 - 27
Iðjuþjálfun á öldrunarsviði
LSH Landakoti
Í vinnustofu er skjólstæðingum gefið tækifæri til að hittast og ræða saman á meðan unnið er að
ákveðnum tómstundartengdum verkefnum sem veita ánægju.