Iðjuþjálfinn - 01.05.2004, Blaðsíða 28

Þjónusta iðjuþjálfa á Landakoti
Starf iðjuþjálfa á Landakoti felst aðallega í
mati og þjálfun á eigin umsjá, svo sem að
klæðast, snyrta sig og borða. Einnig er unn-
ið með þætti sem lúta að heimilishaldi og
tómstundum. Til að meta færni við iðju eru
aðallega notuð eftirtalin matstæki: ADL-
Barthel index, A-One og AMPS, sem öll eru
stöðluð. Auk þess er notað áhorf, þar sem
fylgst er með einstaklingum vinna ýmis
verk. Minnisprófið MMSE (Mini Mental
State Examination) er notað til að skima
vitræna getu skjólstæðinga.
Mikilvægur þáttur í starfi iðjuþjálfa á
Landakoti er prófun, ráðgjöf og aðlögun á
hjálpartækjum. Í tengslum við útskrift fara
iðju- og sjúkraþjálfari gjarnan í heimilisat-
hugun og meta þörf á úrbótum eða hjálpar-
tækjum til að auðvelda skjólstæðingum að
athafna sig á eigin heimili.
Einnig er ökumat með skjólstæðingum
orðinn hluti af þjónustu iðjuþjálfa á Landa-
koti.
Fh. iðjuþjálfa á Landakoti,
Ása Lind Þorgeirsdóttir, iðjuþjálfi
28 - IÐJUÞJÁLFINN 1 / 2004
Ása iðjuþjálfi ásamt skjólstæðingum. Tómstundirnar eru margskonar t.d. tauþrykk, málun, smíðar og
margt fleira.