Skólavarðan - 01.08.2004, Blaðsíða 14
14
SUZUKI-NÁM
Lilja Hjaltadóttir er skólastjóri Suzuki-
tónlistarskólans Allegro en hann var
stofnaður af kennurum og foreldrum
haustið 1998. Um sjötíu nemendur
stunda nám við skólann hjá tíu kennur-
um. Hugmyndafræði Shinichis Suzuki
er til grundvallar þeim kennsluaðferð-
um sem beitt er í daglegu starfi skólans,
en þar er kennt á fiðlu, selló og píanó.
Fyrstu starfsárin var skólinn á hrakhól-
um en á fimm ára afmælinu, fyrir ári, flutti
hann í bjart og glæsilegt húsnæði í Trana-
vogi 5. Skólinn er þar í nágrenni við ýmiss
konar vinnuvéla- og trukkafyrirtæki líkt
og skrautblóm í stórgrýttri urð.
Skólavarðan náði tali af Lilju og lagði
fyrir hana nokkrar spurningar um stöðu
mála í tónlistarkennslu og um skólann
hennar.
Lilja komst snemma í kynni við hug-
myndafræði Suzukis, sem stundum er
nefnd móðurmálsaðferðin, og heillað-
ist svo af henni að hún ákvað að gera
hana að sinni. Fyrst Íslendinga lauk hún
meistaragráðu í Suzuki-kennslufræðum
frá háskóla í Illinois í Bandaríkjunum fyr-
ir tuttugu árum. Með meistaragráðunni
öðlaðist Lilja einnig réttindi til að þjálfa
verðandi Suzuki-kennara. Nú hafa um
fjórir tugir íslenskra tónlistarkennara til-
einkað sér þessa aðferð og dreifast þeir
um allt land.
Þriggja ára börn í hljóðfæranámi
Sérkenni aðferðarinnar marka sérstöðu
Suzuki-skólans Allegro gagnvart almenn-
um tónlistarskólum. Megin munurinn er
sá að ekki er um forskóla að ræða held-
ur byrja börnin mjög ung, eða frá þriggja
ára aldri, í hljóðfæranámi. Foreldrar fylgja
börnum sínum náið í náminu, mæta í tíma
og þurfa sjálfir að læra nokkuð á hljóðfær-
ið kunni þeir ekki á það fyrir. Tónlistin er
lærð eftir eyra í byrjun en nótnalestur er
kenndur síðar.
Lilja hóf kennsluferil sinn í Tónlistar-
skóla Akureyrar en þar var fyrir Michael
Clarke sem hafði sótt námskeið í Suzuki-
kennslufræðum og þekkti því aðferðina.
Það varð til þess að hugmyndir Lilju féllu í
góðan jarðveg þar strax frá upphafi. Síðan
þá hefur verið Suzuki-kennsla á Akureyri
og kennararnir hafa margir lært hjá Lilju.
„Ég vissi ekki hvernig þetta myndi allt
þróast þegar ég byrjaði að kenna hér fyrir
rúmum tuttugu árum. Hér er allt öðru vísi
þjóðfélag en í Japan eða Bandaríkjunum.
Ég fékk að heyra ýmsar gagnrýnisraddir
og sumir voru hreinlega á móti þessari
aðferð, álitu að krakkar spiluðu bara sam-
an í hópum og það væri engin músík. En
annað hefur komið á daginn. Nú sækjast
flestir fiðlukennarar mjög eftir að fá til
sín Suzuki-nemendur í framhaldsnám og
þeir ná frábærum árangri sem blasir við
á tónlistarsviðinu um þessar mundir. Mik-
ill fjöldi þeirra er í Tónlistarskólanum í
Reykjavík og allir fiðlunemendur í Lista-
háskóla Íslands, að einum undanskildum,
byrjuðu sem Suzuki-nemendur. Það hefur
sýnt sig að aðferðin er mjög árangursrík.“
Fræjum sáð til framtíðar
Nokkrir efnilegustu fiðluleikarar lands-
ins hófu nám sitt hjá Lilju og þeir setja
markið hátt. Má þar nefna Elfu Rún Krist-
insdóttur, dóttur Lilju, sem stundar fram-
haldsnám í Þýskalandi, Ingrid Karlsdóttur
og Helgu Þóru Björgvinsdóttur en báðar
síðarnefndu luku námi frá Listaháskóla
Íslands. Lilja brosir og bætir við að sumir
eldri nemenda hafi valið að helga líf sitt
öðru en tónlist en séu nú komnir til baka
með börnin sín. „Þannig að starfið skilar
sér ekki bara í afreksfólki, það sáir líka
fræjum frá kynslóð til kynslóðar.“
Nýsköpun í anda Suzukis
Að sögn Lilju hefur Suzuki-aðferðin
staðist tímans tönn og grundvallar
hugmyndin óumdeilanlega. „Kennsluefn-
ið, tíu kennslubækur sem Suzuki gaf út um
1950, eru mjög góðar en nú er kennurum
farið að finnast þær nokkuð einhæfar og
kannski svolítið gamaldags. Suzuki-kennar-
ar eru núorðið að bæta ýmsum nýjungum
inn í námskrána, þar má nefna tækniæf-
ingar og annað kennsluefni. Þetta skilar
enn frekari árangri. Kennarar, ekki síst í
SKÓLAVARÐAN 6.TBL. 4. ÁRG. 2004
Blómlegt starf í Suzuki-tónlistarskólanum Allegro
Alltaf nýr
Nú sækjast f lestir f iðlukennarar
mjög eftir að fá til sín Suzuki-
nemendur í framhaldsnám og
þeir ná frábærum árangri sem
blasir við á tónlistarsviðinu um
þessar mundir.
Lilja Hjaltadóttir