Skólavarðan - 01.03.2005, Blaðsíða 32

SKÓLAVARÐAN 1.TBL. 5. ÁRG. 2005
32
Nú á að beita niðurskurðarhnífnum
aftur og skal nú skorið neðan af stærð-
fræði framhaldsskólans með því að færa
fyrsta áfangann (STÆ103) frá framhalds-
skólanum niður í grunnskólann samkvæmt
tillögum um styttingu náms til stúdents-
prófs. Þá verður fækkun eininga í stærð-
fræði í framhaldsskóla frá námskránni
sem gilti fyrir 2000 orðin 50% á eðlisfræði-
braut, 43% á náttúrufræðibraut, 80% á
félagsfræðibraut og 75% á málabraut.
Með þeirri gengisfellingu á stúdents-
prófi í stærðfræði sem þegar er orðin og því
gengissigi sem framundan er, er ástæða til
að hafa áhyggjur af stærðfræðikunnáttu
grunnskólakennara framtíðarinnar. Mikill
meirihluti þeirra nemenda sem fara í Kenn-
araháskólann eru nemendur á mála- og
félagsfræðibrautum framhaldsskólanna
og fæstir þeirra taka stærðfræði sem val-
grein. Þeir sem taka ekki stærðfræðival
ljúka aðeins fjórum einingum í stærðfræði
í KHÍ og af þessum fjórum einingum fara
tvær í kennslufræði stærðfræðinnar. Eftir
styttingu framhaldsskólans munu margir
þessara nemenda aðeins hafa lokið einum
stærðfræðiáfanga í framhaldsskóla (þeir
geta meira að segja lokið þessum eina
áfanga án eininga með einkunnina 4).
Leið þeirra getur svo legið í KHÍ þar sem
þeir bæta við sig tveimur einingum í stærð-
fræði og hafa síðan réttindi til að kenna
nemendum grunnskólans allt upp í 10.
bekk.
Á yfirreið menntamálaráðherra, Þor-
gerðar K. Gunnarsdóttur, milli framhalds-
skólanna ásamt fylgdarliði, lýstu menn
áhyggjum af skorti á menntuðum kenn-
urum til að sinna kennslu á unglingastig-
inu (8. - 10. bekk).
Lausnin virðist hins vegar fundin að
mati sumra sem benda á að með samruna
Tækniháskólans og Háskóla Reykjavíkur sé
kominn öflugur einkaskóli sem geti sinnt
því hlutverki að mennta kennara í stærð-
fræði og raungreinum til að kenna á ung-
lingastigi. Spurningin er bara hvort líklegt
sé að í þetta nám, þar sem há skólagjöld
verða innheimt, streymi nemendur sem
hyggist kenna unglingum stærðfræði á
lágum launum en kennsla á unglingastigi
er örugglega meðal þeirra starfa sem eru
hvað mest krefjandi? Sumum kynni að
finnast það nokkuð óraunhæf framtíðar-
sýn.
Er eftir allt saman hugsanlegt að fleiri
en kennara og skólastjórnendur skorti
heildaryfirsýn?
Ragna Briem.
Höfundur er deildarstjóri í stærðfræði í MH.
Mikill meirihluti nemenda sem fara í KHÍ eru af mála- og félagsfræðibraut-
um framhaldsskólanna og fæstir þeirra taka stærðfræði sem valgrein.
Þeir sem taka ekki stærðfræðival ljúka aðeins fjórum einingum í stærð-
fræði í KHÍ og af þessum fjórum einingum fara tvær í kennslufræði. Eftir
styttingu framhaldsskólans munu margir þessara nemenda aðeins hafa
lokið einum stærðfræðiáfanga í framhaldsskóla. Þeir geta meira að segja
lokið þessum eina áfanga án eininga með einkunnina 4,0.