Skólavarðan - 01.04.2005, Blaðsíða 9
9
SKÓLAVARÐAN 3.TBL. 5. ÁRG. 2005
sýn, en hún er í raun klofin í tvennt og það
er mjög miður.
Ef maður horfir aftur þá var það eitt
af markmiðunum með sameiningunni að
nýta hagkvæmni stærðarinnar og lækka
félagsgjöldin. Það hefur tekist. Félags-
gjöldin voru 2,4% hjá HÍK og KÍ fyrir sam-
einingu og á nýliðnu þingi var samþykkt
að lækka þau í 1,6% af grunnlaunum.
Auðvitað var margt sem tók á í byrjun.
Ekki var aðeins verið að sameina félög
heldur einnig vinnustaði. Starfsfólk af
þremur vinnustöðum var flutt yfir á einn
og sumir fengu nýtt eða breytt hlutverk.
Það tók dálítinn tíma að finna rétta
taktinn en það tókst og í Kennarahúsinu
er að mínu mati gott að vinna og notalegt
andrúmsloft.“
Þurfum að fá til okkar
fólk sem segir á okkur kost og löst
Þorsteinn Gunnarsson rektor Háskólans á
Akureyri gagnrýndi Kennarasambandið
í erindi sínu á nýliðnu þingi og sagði
umhugsunarvert að ekkert í stefnu-
mörkun KÍ sem lægi fyrir þinginu lyti að
rannsóknum á fræðasviði kennara. Hann
benti líka á að flestar fagstéttir sem vildu
láta taka sig alvarlega stæðu að útgáfu
ritrýnds fagtímarits. -Hvernig finnst þér að
Kennarasambandið eigi að bregðast við
þessari gagnrýni?
„Þessi gagnrýni er sett fram á jákvæðan
hátt og þannig eigum við að nota hana.
Mér finnst þetta sýna að það er rétt
ákvörðun hjá okkur að fá utanaðkomandi
aðila, eins og við höfum gert á undan-
förnum tveimur þingum, til að halda
erindi við setninguna og opna þar með
nýjar víddir. Þar fáum við aðila sem horfa
á okkur utan frá og segja okkur hvað þeim
finnst. Við þurfum að fá til okkar fólk sem
segir á okkur bæði kost og löst. Ég lít á orð
Þorsteins sem ábendingu um akur sem við
ættum hugsanlega að plægja betur. Ég er
hins vegar ekki sammála því að við séum
ekkert að gera á þessu sviði.
Kennarasambandið er fjármagnað af
félagsmönnum sjálfum og fær enga styrki
á faglega sviðinu. Þess vegna verður til
ákveðin forgangsröðun. Stefna okkar í
skólamálum liggur fyrir en þær tillögur
sem lagðar voru fyrir nýliðið þing lutu
að breytingum á stefnuskrá svo að ekki
má horfa eingöngu á þau þingmál sem
nú voru rædd. Við höfum skólastefnu og
styðjum margvísleg fagmál og verkefni.
Þar má nefna hina árlegu ráðstefnu Rann-
sóknarstofnunar KHÍ þar sem kynnt eru
rannsóknar- og nýbreytnistörf. Kennara-
sambandið er beinn þátttakandi í þessari
ráðstefnu og tekur þátt í að kosta hana.
Oft eru það félagsmenn KÍ sem kynna
þar vinnu sína. Rannsóknir þeirra hafa þá
verið studdar með styrkjum úr vísinda- eða
endurmenntunarsjóðum KÍ.
Hvað varðar útgáfumál þá var ákveðið
við sameininguna að leggja niður Ný
menntamál og BK blaðið og búa til nýtt
blað, Skólavörðuna, sem væri blanda af
hinum tveimur. Ég met það svo að vel hafi
tekist til. Útgáfumál þurfa þó alltaf að
vera í endurskoðun og í ljósi umræðna á
þinginu þarf stjórnin að skoða möguleika
á netútgáfu, okkur hefur til dæmis staðið
til boða að koma inn í Netluútgáfuna og
svo er spurning hvort KÍ eigi að gefa út veg-
legt fagtímarit sem kæmi kannski út einu
sinni á ári. Þetta eru mál sem við skoðum á
kjörtímabilinu. Svo má ekki gleyma því að
Kennarasambandið styrkir útgáfustarfsemi
fagfélaga, s.s. Samaka móðurmálskennara
o. fl. Í þetta fara nokkrar milljónir á ári.“
Samningurinn er tvöfalt betri
en það sem var í boði fyrir verkfall
Verkfallið í haust tók mjög á kennara
og forystu þeirra. Hvað ávannst í þessu
stranga verkfalli?
Eiríkur syndir gjarnan 1,5 km í senn
og eftir að hafa stundað golf í tvö ár er forgjöfin 20,9!
„Við vitum ekki hvað hefði áunnist
ef við hefðum ekki farið í verkfall en ef
við horfum á þetta verkall eitt og sér þá
tókst að brjóta ákveðna múra sem varða
kennsluskyldu í grunnskólum. Þeir aðilar á
vinnumarkaði sem höfðu samið á undan
okkur voru nánast orðnir sammála um að
samningur til fjögurra ára með 16 -18%
kostnaðarauka væri það sem kæmi í hlut
grunnskólakennara og stjórnenda. Það er
alveg ljóst að sá samningur sem gerður var
inniber 33% kostnaðarauka þannig að verk-
fallið braut niður þá láglaunastefnu sem
búið var að marka. Þau félög, sem gerðu
samninga á eftir Félagi grunnskólakennara
og Skólastjórafélaginu, hafa notið góðs af
því að samningsumhverfið breyttist. Það er
yfirleitt þannig þegar félög eins og FG og
SÍ lenda í hörðum kjaradeilum að þá eru
KYNNING FORYSTUMANNA