Skólavarðan - 01.09.2006, Blaðsíða 18

18
NÁMSKEIÐ Í FÆREYJUM
SKÓLAVARÐAN 6.TBL. 6. ÁRG. 2006
Norrænu kennarasamtökin, NLS,
halda þriðja hvert ár sumarnámskeið
fyrir félagsmenn sína, til skiptis í
aðildarlöndunum. Að þessu sinni var
sumarnámskeiðið haldið í Þórshöfn í
Færeyjum 28. júní til 2. júlí undir yfi r-
skriftinni Gæði menntunar – samræður
og reynsla. Tilgangurinn var að efl a
skilning á því hve áríðandi fagleg þekking
og reynsla kennara eru þegar gerð er
krafa um kennslu sem stenst ítrustu
gæðakröfur og þróun kennslunnar í
takt við þróun samfélagsins.
Námskeiðið fór þannig fram að
þungamiðjan voru fyrirlestrar þriggja
fræðimanna en á milli þeirra ræddu þátt-
takendur saman í hópum um það sem
komið hafði fram í fyrirlestrunum. Þarna
ræddi Ulf Fredriksson frá Rannsóknarsetri
Evrópusambandsins í fullorðinsfræðslu
um það hvort unnt sé að bera saman gæði
mismunandi menntakerfa, Hans Laugesen
fjallaði um starf að gæðamælingu innan
Evrópusambandsins og Anders Rusk
fjallaði um árangur fi nnskra skóla í PISA-
rannsóknum.
Það fór ekki hjá því að athygli manna
beindist ekki síst að erindi hins síðast-
nefnda, enda hefur góð útkoma Finna
í PISA-könnunum vakið verðskuldaða
athygli víða um heim og verið notuð sem
viðmið fyrir menntakerfi annarra þjóða.
Í umræðum hér á landi og annars
staðar hafa komið fram hugmyndir um
eftirlitsmenn í skólakerfi nu til að stuðla að
því að skólarnir standi sína plikt gagnvart
nemendum, samræmd próf í grunnskólum
hafa verið talin nauðsyn hér á landi og ekki
þarf að segja lesendum Skólavörðunnar
frá baráttu kennarastéttarinnar fyrir
almennilegum launum. Það var þess
vegna fróðlegt að heyra það frá Anders
Rusk að engin samræmd próf fara fram
í grunnskólanum fyrir allt landið, hins
vegar geta nemendur valið að fara í
sambærileg próf til að kanna stöðu sína.
Engir eftirlitsmenn fara milli skóla heldur
eru gerðar úttektir á árangri skólastarfsins,
ýmist á vegum ríkis eða sveitarfélags.
Ekkert eftirlit er með kennslubókum en
kennt samkvæmt námsáætlun sem gildir
fyrir allt landið.
Þá lagði Anders Rusk áherslu á góða
kennaramenntun í Finnlandi og þá virðingu
sem kennarastarfi ð nyti í landinu, sem og
það sjálfstæði sem kennarar nytu í starfi
sínu. Einnig að kennarar væru ævinlega
hafðir með í ráðum sem fagmenn þegar
rætt væri um breytingar á skólakerfi nu
í Finnlandi. Hann sagði að Finnar hefðu
gott skólakerfi sem stuðlaði að jafnrétti
og næði til allra. Það mikilsverðasta við
PISA-árangurinn væri að skólakerfi nu
heppnaðist að ná góðum námsárangri auk
þess að minnka til muna áhrifi n af ólíkum
félagslegum bakgrunni nemendanna; það
væri árangur sem fólk í mörgum löndum
hefði talið vera ómögulegt að ná.
Sérlega fróðlegur fyrirlestur á að hlýða.
Auk þess að sitja á fundum eyddu
þátttakendur eftirmiðdegi í að kynnast
Færeyjum; hluti þeirra fór í siglingu frá
Vestmanna en aðrir heimsóttu Kirkjubæ.
Auk þess heimsóttum við leikhús sem
kynnti fyrir okkur færeyskan menningararf
í söngvum, sögum og dansi og héldum svo
norrænt kvöld þar sem þátttakendur frá
hverju landi sáu um stutt atriði.
Almenn ánægja var hjá íslenska hópnum
með innihald námskeiðsins, skipulagningu,
hótel og félagslega samveru. Mikið var
eins og fyrr segir um hópavinnu þar sem
margir gerðu sitt besta til að skilja og tjá
sig á öðru máli en móðurmáli sínu. Aðrir
vönduðu sig í hvívetna við að tala skýrt og
greinilega. Samt sem áður má ávallt gera
betur og kom sú hugmynd upp í íslenska
hópnum að NLS stæði fyrir gerð orðabókar
sem tæki fyrir helstu hugtök sem notuð
eru í uppeldis- og menntunarfræðum.
Þessi hugtök yrðu sett fram á öllum
norðurlandamálum ásamt ensku. Mjög
FINNSKA SKÓLAKERFIÐ:
• Engin samræmd próf
• Engir eftirlitsmenn
• Ekkert kennslubókaeftirlit
En hins vegar:
• Góð kennaramenntun
• Mikil virðing borin fyrir kennurum
• Kennarar alltaf hafðir með í ráðum
þegar rætt er um breytingar á skóla-
kerfi nu
Og afraksturinn:
• Fyrirmynd annarra þjóða – félagslegur
ójöfnuður minnkar - frábær útkoma
í PISA
Gæðakennsla í takt við kröfur tímans
Sumarnámskeið NLS í Færeyjum
LJ
ó
sm
yn
d
ir
: H
a
u
k
u
r
M
á
r
H
a
ra
ld
ss
o
n