Skólavarðan - 01.09.2006, Blaðsíða 30

30
SKIPTING MENNTASVIÐS, RÁÐSTEFNA
SKÓLAVARÐAN 6.TBL. 6. ÁRG. 2006
Fólk er orðið svo upptekið að ráðstefnu-
haldarar eru farnir að auglýsa með árs
fyrirvara og dugir stundum ekki til. Á
næsta ári verður haldin ráðstefna um
sérkennslu í Kaupmannahöfn, nánar
tiltekið 4. – 6. október 2007.
Norrænu sérkennslusamtökin NFSP
(Nordiska Förbundet för specialpeda-
gogik) halda norræna ráðstefnu um
málefni sérkennslu (specialpedagogik) í
Kaupmannahöfn dagana 4.-6. október
2007 í samvinnu við danska mennta-
málaráðuneytið, Landssamband danskra
sveitarfélaga og Kennarasamband Dan-
merkur.
Þema ráðstefnunnar er „Inklusion/
rummelighed i Europa med særlig op-
mærksomhed pa Norden.“ Hugtakið
inklusion eða aðlögun allra nemenda í
almennar bekkjardeildir skólanna hefur
verið eitt af aðalmarkmiðum í skóla-
málum Norðurlanda. Í mörgum hinna
Evrópulandanna eru sérkennsluúrræði
einnig skoðuð í þessu ljósi. Á ráðstefnunni
verður aðlögun fatlaðra barna og barna
með ýmsar sérþarfir skoðuð út frá
mismunandi sjónarmiðum. Sömuleiðis
verður rætt hvað er líkt og ólíkt með
Norðurlöndum og öðrum löndum Evrópu
hvað varðar þennan málaflokk.
Kennarar, skólastjórnendur, fræðimenn,
stjórnmálamenn, embættismenn og aðrir
sem tengjast sérkennslu/sérrúrræðum í
skólum eru velkomnir á ráðstefnuna.
Þeir sem vilja fá nánari upplýsingar um
ráðstefnuna geta snúið sér til Leif Sort,
Speciallærerforeningen ls@s81.dk,
sími +45 33 14 50 65.
• Um kröfur foreldra segir meðal annars:
„Foreldrar gera undantekningalítið
kröfu um leikskóladvöl fyrir börnin um
leið og fæðingarorlofi lýkur ... Þegar
kemur að því að börnin flytjast milli
skólastiga er það almenn krafa foreldra
að það sé vel undirbúið af hendi
kennara á báðum skólastigum svo að
flutningurinn verði sem eðlilegastur
og valdi sem minnstu óöryggi í hugum
barnanna ... Félögin telja að með því
að skipa málaflokknum á eitt svið/ráð
komi sveitarfélög betur til móts við
kröfur foreldra.“
• Um skipulag kennaramenntunar
segir meðal annars: „ Í nýjum tillögum
Kennaraháskóla Íslands er stefnan
að kennaranámið verði fimm ára
nám til meistaraprófs óháð því á
hvaða skólastigi fólk hyggst kenna. Í
tillögunum eru einnig hugmyndir um
að auka sveigjanleika þannig að hægt
sé að afla sér menntunar sem gefur
rétt til að kenna á mörkum skólastiga
í báðar áttir ... Félögin telja að stofnun
sérstaks ráð um leikskólamálaflokkinn
stangist algjörlega á við þessar tillögur
og gangi í þveröfuga átt.“
• Um forystuhlutverk höfuðborgarinnar
segir meðal annars: „Síðustu ár hafa
sveitarfélög séð jákvæð tækifæri
felast í því að fela einni nefnd og/eða
sviði að fjalla um skólamál sem eru á
forræði sveitarfélagsins, þ.e. leikskóla,
grunnskóla og tónlistarskóla. Mikill
meirihluti sveitarfélaga, m.a. öll stærstu
sveitarfélög á landinu, hafa stigið
þetta skref ... Eitt af markmiðunum
við flutning grunnskólans til
sveitarfélaganna var að færa þjónust-
una nær neytendum og samþætta
hana þeirri þjónustu sem var þá
þegar á hendi sveitarfélaganna, m.a.
rekstur leikskólanna. Félögin telja að
sveitarfélög nái mun betur að uppfylla
þetta markmið með því að skólamálin
séu öll á einu sviði/ráði og með því
sparist bæði fjármunir og tími.“
• Um áherslur menntamálaráðherra
segir meðal annars: „Menntamálaráð-
herra hefur sl. vetur unnið í nánu
samstarfi við stjórn Kennarasam-
bandsins og félög innan þess að
ýmsu er varðar skólamál og tengist
markmiðum ráðherra um betra
skólakerfi og heildarendurskoðun á
námi og námsskipan skólastiganna
... Félögin telja að það að taka leik-
skólamálaflokkinn úr menntaráði sé í
algjörri andstöðu við áform ráðherra
og í engu samræmi við það sem
almennt er talin eðlileg þróun og að
skiptingin hindri frekar sveigjan-leika
og samræmingu.”
• Um stefnu og samvinnu innan KÍ segir
meðal annars: „Frá árinu 2000 hefur
hið nýja Kennarasamband starfað, en
þá tóku kennarar og skólastjórar í leik-,
grunn-, framhalds- og tónlistarskólum
þá ákvörðun að skipa sér saman í sveit
burt séð frá því hvaða skólastigi þeir
tilheyrðu ... Reynsla undanfarinna
ára hefur sannfært kennarahópana
um gildi þess að starfa náið saman
og það er óumdeilt í hugum kennara
að sameiningin hefur auðveldað
skoðanaskipti og stefnumörkun á
allan hátt. Félögin telja að það sama
eigi við um umfjöllun um skólamál
á vettvangi sveitarfélaganna, þ.e.
að eitt svið/ráð einfaldi og geri alla
umræðu skilvirkari og heildstæðari.“
• Um reynslu síðastliðið ár segir
meðal annars: „Það er skoðun
áheyrnarfulltrúa kennarahópanna í
menntaráði að málin hafi þróast vel
í vetur eftir að hópurinn stillti sig
saman og kynntist. Það er samdóma
álit þeirra að auðveldara sé að vinna
að stefnumörkun í skólamálum út frá
heildarsjónarmiði þegar um eitt ráð er
að ræða. Félögin telja því að þróunin
á fundum menntaráðs hafi verið í
rétta átt og að sú gagnrýni sem fram
hefur komið á umfang ráðsins réttlæti
alls ekki að skipta málaflokknum upp
og stíga þar með skref afturábak.“
• Um tíðar breytingar segir meðal
annars: „Það er skoðun mikils meiri-
hluta þeirra sem í hlut eiga að afar
óheppilegt sé að knýja að nýju fram
breytingar í kjölfar annarra sem ekki
er komin reynsla á. Þar að auki hefur
ekki farið fram formlegt mat á því
hvernig til tókst og því skilur fólk
ekki tilganginn, verður óöruggt, spyr
spurninga og vill skýr svör ... Félögin
sjá engin rök fyrir því að fara aftur
til baka í gamla fyrirkomulagið og
aðskilja skólastigin án þess að fram hafi
farið faglegt mat á þeim breytingum
sem gerðar voru og áhrifum þeirra.“
• Um nafngiftina segir meðal annars:
„Það er ekki í takti við þá þróun sem
rakin hefur verið hér á undan að tala
annars vegar um menntasvið/ráð
og hins vegar um leikskólasvið/ráð.
Félögunum finnst vegið að virðingu
leikskólans/leikskólakennara með því
að skilgreina hlutina á þennan hátt
og telja að með þessari skilgrein-
ingu séu leikskólamál ekki talin
menntamál.“
Norræn sérkennsluráðstefna að ári
SPECIALPEDAGOGIK
4. – 6. október 2007