Skólavarðan - 01.11.2001, Blaðsíða 2
Allir félagsmenn í Kennarasambandi Íslands taka nú laun
samkvæmt nýjum kjarasamningum og lauk samningalot-
unni með því að kjarasamningur Félags tónlistarskóla-
kennara og Félags íslenskra hljómlistarmanna var endur-
nýjaður eftir rúmlega mánaðarverkfall og nær ári eftir að
eldri kjarasamningur rann út.
Dagvinnulaun kennara í grunn-, framhalds- og tónlist-
arskólum landsins taka langþráðum og verulegum breyt-
ingum til hins betra með kjarasamningum sem gerðir
hafa verið á árinu 2001. Sameiginlegt einkenni þeirra er
víðtækt endurmat til launa á kennarastarfinu, á menntun,
ábyrgð og kennslureynslu.
Tónlistarskólakennarar eru sigurvegarar
Enginn hópur launamanna gerir það að gamni sínu að
grípa til verkfallsaðgerða. Verkfall er lögbundinn réttur
launamanna til þess að fylgja eftir kjarakröfum sínum en
ljóst er að langlundargeð tónlistarskólakennara var mikið
áður en til átaka kom.
Framganga tónlistarskólakennara í nýafstöðnu verkfalli
hefur vakið aðdáun félaga þeirra í kennarastétt. Samn-
inganefndin gerði ávallt skipulega og yfirvegað grein fyrir
kröfum þeirra og augljóst var hverjum sem skilja vildi að
bæta þyrfti laun þeirra stórlega, annars horfði illa fyrir
tónlistarmenntun í landinu. Rödd tónlistarskólakennara
var sterk nú á haustdögum og áhrif af málflutningi þeirra
miklu meiri en ráða má af stærð þessa hóps, en hann er
lítill á venjulegan mælikvarða stéttarfélaga.
Launaþróun og ástand í efnahagsmálum
Kjarasamningur framhaldsskólakennara frá 7. janúar
2001 skilaði þeim sambærilegum árangri og önnur félög
háskólamenntaðra starfsmanna ríkisins höfðu áður náð
og er áfangi að því markmiði að dagvinnulaun í fram-
haldsskólum standist samanburð við eðlilega samanburð-
arhópa og dugi til framfærslu. Kjarasamningur grunn-
skólans breytir einnig grunnlaunum kennara á því skóla-
stigi þannig að með kjarasamningum tónlistarskólakenn-
ara nú síðast má segja að um viss tímamót sé að ræða í
þróun dagvinnulauna kennara á þessu samningstímabili.
En þó er að ýmsu að hyggja á löngum samningstíma,
einkum þar sem kennarar njóta jafnan ekki launaskriðs
neitt í líkingu við samanburðarhópa.
Ef dæmi er tekið af launaþróun framhaldsskólakennara
þá er hún nokkuð ásættanleg það sem af er árinu 2001, ef
marka má opinberar tölur, en jafnljóst að verðhækkanir á
vörum, þjónustu og opinberum gjöldum naga þann
ávinning sem náðist í kjarasamningum okkar, annarra
félagsmanna í Kennarasambandinu og launamanna
almennt.
Kennarasamband Íslands þarf að beina kröftum sínum
sérstaklega að því á næstu mánuðum að krefjast við-
bragða stjórnvalda og aðgerða til þess að varðveita megi
þær kjarabætur sem um var samið á árinu fyrir félags-
menn þess.
Markmið kjarasamninga og fjárveitingar til
framhaldsskóla
Í gildandi kjarasamningi fyrir framhaldsskóla hafa fulltrú-
ar fjármálaráðherra og stéttarfélag kennara sameinast um
þau markmið m.a. að laga störf og skilgreiningar starfa í
framhaldsskólum að breyttu starfsumhverfi og nýjum
kröfum stjórnvalda og samfélags.
Ljóst er að til að þessi markmið, sem eiga að styrkja
faglegt og kjaralegt umhverfi framhaldsskólans, verði
annað en orðin tóm þarf að auka fjárveitingar til hans.
Brýnasta viðfangsefnið á því sviði á fjárlögum ársins 2002
er að setja fé í úrbætur á reiknilíkani fyrir framhaldsskól-
ann, tillögur liggja fyrir en ekki er áætlað fé í það í fyrir-
liggjandi fjárlagafrumvarpi.
Í kjarasamningi framhaldsskólans eru nú í fyrsta skipti
ákvæði sem útfæra skal og semja um í einstökum skólum.
Samningagerð er í höndum samstarfsnefnda sem eru nú
teknar til starfa í framhaldsskólum. Þetta er eitthvert
stærsta viðfangsefni í kjaramálum sem félagið hefur tekist
á hendur til þessa og skiptir miklu hvernig til tekst.
Stjórnendur framhaldsskóla jafnt sem kennarar fá þarna
hlutverk brautryðjenda og jafnframt nýjar starfsskyldur.
Launakjör allra kennara verða ætíð að standast
samanburð
Mikilvægar breytingar hafa átt sér stað með kjarasamn-
ingum félagsmanna KÍ á árinu. Ætla má að skólar séu eða
verði á næstunni þokkalega samkeppnishæfir um dag-
vinnulaun á vinnumarkaði - a.m.k. við aðra vinnuveitend-
ur hins opinbera. Viðsemjendur allra kennara og þeir
sem stýra faglegum málum hjá ríki og sveitarfélögum
þurfa að slá skjaldborg um starfsskilyrði skóla og um kjör
kennara.
Elna Katrín Jónsdóttir
Formannspist i l l
Síðasti kennara-
samningurinn í höfn
3