Skólavarðan - 01.12.2015, Blaðsíða 27
DESEMBER 2015 27
„Dagurinn fór langt fram úr mínum
björtustu vonum. Húsfyllir var allan tímann
og við sem að þessu stóðum áttum engan
veginn von á öllum þessum fjölda,“ segir
hin kampakáta Sara Björg Sigurðardóttir í
samtali við Skólavörðuna, en hún var bæði
hugmyndasmiður og aðalsprauta hátíðar-
innar.
Sara Björg hefur búið í Breiðholtinu
undanfarin ár og á sjálf ung börn sem ganga
í grunn- og leikskóla hverfisins. Aðspurð
um hvað hún hafi verið ánægðust með,
segir hún það hafa verið hversu margir voru
tilbúnir að leggja sitt af mörkum til að gera
hátíðina jafn glæsilega og fjölbreytta og
raunin varð.
Um sannkallað grasrótarverkefni
var að ræða sem foreldrar barna í Neðra-
Breiðholti unnu í samvinnu við stjórnendur
Breiðholtsskóla og leikskóla hverfisins,
sem og foreldrafélög þeirra. Á hátíðinni var
hægt að kynna sér matarmenningu fjórtán
ólíkra landa víðsvegar um heiminn, leik og
dans. Þar var meðal annars hægt að smakka
hvít-rússneskar kjötbollur, marokkóskt te
og tælenskt grænmetisskraut sem boðið var
upp á innan um fjölda litskrúðugra þjóðbún-
inga. Þá var boðið upp á söng- og dansatriði
og helstu íþróttafélög Breiðholts kynntu
starfsemi sína. Hátt í fimmtíu foreldrar
og börn úr hverfinu lögðu hönd á plóg við
framkvæmd fjölmenningarhátíðarinnar.
Hugmynd sem spratt upp úr gras
rótinni
Sara Björg segist hafa gengið lengi með
hugmyndina að hátíðinni í maganum. Svo
þegar Reykjavíkurborg hafi samþykkt að
veita fjölmenningarhátíðinni peningastyrk
hafi ekki verið aftur snúið. „Mig langaði að
tengjast betur foreldrum barnanna í hverf-
inu og gera þau virkari í nærsamfélaginu
samhliða því að kynna fyrir mínum börnum
uppruna barnanna sem þau umgangast og
hitta daglega í skólunum sínum, þannig
að þau beri strax í upphafi virðingu fyrir
þeirra uppruna, tungumálum og hvað geri
þau að þeim einstaklingum sem þau eru.
Kenna þeim að það þekkja ekki öll börn á
Íslandi grjónagraut og slátur eða flatköku
með hangikjöti. Við erum öll einstök en á
sama tíma eigum við að fagna fjölbreytn-
inni og virða hvort annað. Ávinningurinn
verður vonandi betra nærsamfélag, þar sem
nágrannar fara að heilsast, leyfa börnunum
Gestir gæða sér á kræsingunum sem voru í boði. Maturinn var frá 14 löndum og má þar nefna hvít-
rússneskar kjötbollur, marokkóskt te og grænmeti að taílenskum sið. MYNDIR: ANTON BRINK
Ægir Þór Eysteinsson