Ritröð Guðfræðistofnunar - 01.09.2012, Blaðsíða 128
í umræðunni um barnaguðfræði í Þýskalandi, en sú umræða hefur einnig
haft áhrif á Norðurlöndum og víðar.
I grein sinni „Was ist und Wozu Kindertheologie?“ („Hvað er barna-
guðfræði og til hvers?“) setur Friedrich Schweitzer fram þrjár skilgreiningar
á hugtakinu barnaguðfræði þar sem hann notar fornöfn til að greina að
ólíkar áherslur:23
1. Guðfræði barna (Theologie von Kindern), sem er vangaveltur barna
um guðfræðileg efni.
2. Guðfræði fyrir börn (Theologie fiir Kinder), sem er andstæða akadem-
ískrar guðfræði sem leitast við að skýra allt með afleiðslu.
3. Guðfræði með börnum (Theologie mit Kindern), sem er trúarupp-
eldisfræðilegt viðfangsefni, þar sem guðfræðilegar spurningar eru
settar fram og þeim svarað með þátttöku barna.
Ég mun nú leitast við að gera nánari grein fyrir því hvað þessar skil-
greiningar fela í sér, en þær skarast að sjálfsögðu. Að því loknu mun ég
greina frá dæmi um guðfræði með börnum, sem eru samræður prófessors í
ritskýringu og níu ára gamals drengs um dæmisögu Jesú um verkamennina
í víngarðinum (Mt 20.1-16).
Guðfræði barna
Ýmsir þeirra sem tekið hafa þátt í umræðunni um barnaguðfræði hafa lýst
efasemdum sínum um að eitthvað sé í raun til sem kalla megi guðfræði
barna, í þeirri merkingu að þau geti á sjálfstæðan hátt hugleitt og túlkað
biblíutexta.
Ef á annað borð á að vera hægt að tala um guðfræði barna, verður að
ganga út frá því að barnið hafi eigin hugmyndir og geti velt fyrir sér á sjálf-
stæðan hátt hinum andlega eða trúarlega veruleika. Friedrich Schweitzer
hefur m.a. sagt um þetta:
Þegar talað er um barnaguðfræði, verður að ganga út frá því að börn hafi t.d.
eigin guðsmynd eða eigin skilning á Guði, en jafnframt að þau geti hugsað
sjálfstætt um þessar hugmyndir sínar og með því fundið svör við spurningum
23 Schweitzer, Friedrich. 2003. „Was ist und Wozu Kindertheologie?" í í Bucher A. o.fl. „Im
Himmelreich ist keiner sauer." Kinder als Exegeten. Jahrbuch fiir Kindertheologie Bd 2, 2003. bls.
9-18. Stuttgart. Calwer Verlag.
126