Dagblaðið Vísir - DV - 04.12.2015, Blaðsíða 14
14 Fréttir Helgarblað 4.–7. desember 2015
KirKjuheimsóKnir sKólabarna bannaðar í reyKjavíK
n Höfuðborgin með ströngustu reglurnar varðandi samskipti skóla og trúfélaga
R
eykjavíkurborg sker sig úr
varðandi reglur tólf helstu
sveitarfélaga landsins um
samskipti skóla við trú- og
lífsskoðunarfélög. Misjafnt
er hvort sveitarfélögin hafi yfirhöfuð
sett slíkar reglur og þá einnig hversu
ítarlegar þær eru. Að mati vara-
borgarfulltrúa Vinstri grænna er
hvorki heimilt samkvæmt reglum
borgarinnar að skólar fari í kirkju-
heimsóknir á aðventunni né taki
við gjöfum eins og Nýja testamenti
Gídeonfélagsins á Íslandi.
Umdeildar kirkjuheimsóknir
Það er nánast orðin árleg jólahefð
að landsmenn takist á um samskipti
skóla við trú- og lífsskoðunarfélög.
Yfirleitt er það í tengslum við kirkju-
ferðir barna um jólin eins og nýlegt
dæmi í tengslum við Langholtsskóla
sýnir. Eins og DV greindi frá var ár-
leg kirkjuferð nemenda við skólann
blásin af í ár og vísaði skólastjóri í
reglur Reykjavíkurborgar varðandi
samskipti við trúfélög. Greinin sem
vísað var í er svohljóðandi: „Heim-
sóknir á helgi- og samkomustaði
trúar- og lífsskoðunarfélaga á skóla-
tíma skulu eiga sér stað undir hand-
leiðslu kennara sem liður í fræðslu
um trú og lífsskoðanir, samkvæmt
gildandi lögum og aðalnámskrá.“
Óhætt er að segja að fréttin hafi
vakið mikil viðbrögð og því fór DV
á stúfana til þess að kanna hvernig
málum er háttað varðandi sam-
skiptareglur skóla við trú- og líf-
skoðunarfélög í tólf helstu sveitarfé-
lögum landsins.
„Ekki sjálfgefið að skólar hætti
að heimsækja kirkjur“
Fjögur sveitarfélög hafa ekki séð
ástæðu til þess að setja reglur eða
tilmæli um þessi samskipti. Um
er að ræða Ísafjörð, Reykjanesbæ,
Akraneskaupstað og Akureyrarbæ.
Að sögn Soffíu Vagnsdóttur,
fræðslustjóra Akureyrar, skipuleggja
skólarnir sjálfir hvernig málum er
háttað. Varðandi heimsóknir skóla-
barna í kirkjur bæjarins segir Soff-
ía: „Mér finnst ekki að það sé sjálf-
gefið að skólar hætti að heimsækja
kirkjur á aðventunni. Það er löngu
liðin tíð að heimsóknir í kirkjur séu
innræting á trú.“ Soffía telur ólíklegt
að 30 mínútna heimsókn í fallega
byggingu þar sem fjallað er um kær-
leikann, vináttuna, samkenndina og
hlustað á jólalög eða orgelleik geti
skipt sköpum í innrætingu á því að
börn eigi að trúa á Guð. „Ég held
nú að áhrif foreldra á uppeldi barna
sinna séu meiri en svo að þetta geti
skaðað þau með nokkrum hætti.
Nemendur læra í skólum um allar
tegundir trúar. Þetta heitir fræðsla
en ekki innræting. Það að fræðast
sem mest um ólíkar tegundir trúar
eða trúleysis eykur víðsýni og kemur
í veg fyrir fordóma. Þetta þurfum
við að leggja enn frekari áherslu
á, ekki síst þar sem okkar samfé-
lag verður fjölmenningarlegra með
hverju árinu,“ segir Soffía.
Heimsóknir í kirkjur
hluti af fræðslu
Alls hafa sex sveitar-
félög gert tillögur
mennta- og menn-
ingarmála-
ráðuneytis-
ins að sínum,
annað-
hvort
orð-
rétt
eða
þá keimlíkar
reglur sem eru greini-
lega innblásnar af tillögum ráðu-
neytisins. Sveitarfélögin sem um
er að ræða eru Kópavogsbær, Mos-
fellsbær, Garðabær, Árborg, Fljóts-
dalshérað og Seltjarnarnes. Forsaga
tillagnanna er sú að ráðuneytið
skipaði starfshóp þann
4. október
2012 þar
sem full-
trúar hags-
munaafla
eins og
Biskupsstofu, Heimila og skóla,
Kennarasambands Íslands, Sam-
bands íslenskra sveitarfélaga, Sið-
menntar auk fulltrúa ráðuneytisins
áttu sæti.
Í tillögunum er í stuttu máli
lögð áhersla á mikilvægi vandaðrar
trúarbragðafræðslu. Vettvangs-
heimsóknir til trúfélaga myndu
flokkast sem slík fræðsla sem og
heimsóknir fulltrúa trúfélaga að því
gefnu að tilgangur slíkra ferða og
heimsókna sé fræðsla en feli ekki
í sér innrætingu tiltekinna trúar-
skoðana né tilbeiðslu. Heimsóknir
í kirkjur í tengslum við stórhátíðir
kristninnar, eins og jólanna, teljast
hluti af fræðslu um trúarhátíðir og
menningarlega arfleið þjóðarinnar.
Í reglunum er sagt mjög mikilvægt
að nemendur og foreldrar séu ekki
settir í þá aðstöðu að þurfa að gera
grein fyrir lífsskoðunum sínum og
almennar kynningar eða auglýs-
ingar á starfsemi trúfélaga í skólum
lúta sömu reglum og um kynningar
á öðrum félagasamtökum.
Kirkjuheimsóknir
heimilaðar í Hafnarfirði
Tvö sveitarfélög; Reykjavíkurborg
og Hafnarfjörður, hafa sett ítarlegri
reglur en önnur um samskiptin. Höf-
uðborgin reið á vaðið en rúmu hálfu
ári síðar tók Hafnarfjörður upp regl-
ur sem eru mjög innblásnar af regl-
um Reykjavíkurborgar. Hins vegar
er veigamikill munur á reglunum
sem gerir að verkum að í Hafnarfirði
mælir ekkert gegn því að til dæm-
is tekið sé við Nýja testamentinu og
að nemendur fari í kirkjuheimsókn-
ir á aðventunni. Slíkt heimila reglur
Reykjavíkurborgar ekki.
„Skólastjórum er í sjálfsvald
sett hvort þeir taki við Nýja testa-
mentinu til dreifingar. Það er ekkert
í reglunum sem bannar slíkt. Hins
vegar er það alltaf val foreldra hvort
börnin fái gjafirnar í hendur,“ segir
Magnús Baldursson, fræðslustjóri
Hafnarfjarðar.
Erfitt að tengja kirkjuheim-
sóknir við fræðslu
Reglur Reykjavíkurborgar eru ítar-
legastar varðandi samskipti skóla
við trú- og lífsskoðunarfélög og
samkvæmt þeim mega skólar ekki
taka við gjöfum á borð við Nýja
testamentið á skólatíma og að mati
varaborgarfulltrúa eru kirkjuheim-
sóknir á aðventunni brot á reglum.
„Eftir að reglur Reykjavíkur-
borgar voru settar virðist sem sumir
skólar hafi verið seinni til en aðrir
að fara yfir framkvæmdina varðandi
aðventuheimsóknir skólabarna í
kirkjur og meta hvort þær séu í sam-
ræmi við reglurnar. Reglurnar eru
samt skýrar að þessu leyti og bjóða
ekki upp á mikla túlkun,“ segir Líf
Magneudóttir, vara borg ar full trúi
Vinstri grænna.
Í reglum Reykjavíkurborgar segir
að heimsóknir á helgi- og samkomu-
staði trú- og lífsskoðunarfélaga á
skólatíma grunnskóla skuli eiga sér
stað undir handleiðslu kennara sem
liður í fræðslu. Líf segir ákveðinn
fyrirslátt hafa verið varðandi túlkun
á þessum lið. „Tökum dæmi: Sam-
kvæmt skólanámskrá eiga nemend-
ur í 2. bekk að fræðast um ýmiss
konar trúarbrögð. Í því tilfelli mætti
kannski tengja fræðsluna við heim-
sókn í kirkju á aðventunni en þá gæta
samræmis og heimsækja önnur trú-
félög í tengslum við þessa trúar-
bragðafræðslu. Þegar þú ferð hins
vegar með 1–10. bekk á hverju ein-
asta ári til þess að hlýða á prest segja
frá jólaguðspjallinu þá er erfiðara að
tengja það þessum lið reglnanna og
maður veltir fyrir sér fræðslugildinu.
Í mínum huga myndi það flokkast
sem trúboð og samræmist því ekki
reglunum sem Reykjavíkurborg hef-
ur samþykkt,“ segir Líf.
Soffía Vagnsdóttir „Mér finnst ekki að
það sé sjálfgefið að skólar hætti að heim-
sækja kirkjur á aðventunni,“ segir Soffía.
Björn Þorfinnsson
bjornth@dv.is
Líf Magneudóttir Segir reglurnar skýrar
í Reykjavík og ekki sé mikið rými til túlkunar.
Kirkjuferðir á vegum grunnskóla borgarinnar á
aðventunni eru einfaldlega bannaðar.
„Við bönnum
okkar fulltrúum
að ástunda nokkuð sem
gætir flokkast sem
trúboð eða tilbeiðsla.
Böðvar Björgvinsson,
framkvæmdastjóri Gídeonfélagsins
Kirkjuferðir Misjafnt
er hvort tólf helstu
sveitarfélög landsins
hafi sett sér reglur
varðandi samskipti
skóla og trúfélaga. Ef
þær eru til staðar þá eru
þær misítarlegar.
Engar reglur:
Akranes
Engar reglur:
Ísafjörður
Engar reglur:
Reykjanesbær
GÓLFMOTTUR
Við leigjum út gólfmottur í anddyri.
Haltu fyrirtækinu hreinu og minnkaðu
ræstingakostnað.
Við sækjum og sendum.
Fáðu verðtilboð!
511 1710
svanhvit@svanhvit.is
www.svanhvit.is