Tímarit hjúkrunarfræðinga - 01.08.2006, Blaðsíða 10

Valgerður Katrín Jónsdóttir, valgerdur@hjukrun.is
„ÆTLAÐI ALLTAF AÐ VERÐA SJÚKRAKONA“
-Sigþrúður Ingimundardóttir, heiðursfélagi FÍH
„Frá því ég var fimm ára ætlaði ég að verða sjúkrakona, þegar ég yrði stór, það
var bara einhvern veginn þannig,“ svarar Sigþrúður Ingimundardóttir spurningu
um hvers vegna hún hafi ákveðið að læra hjúkrun. Hún er komin í heimsókn á
skrifstofu félagsins að Suðurlandsbraut 22, húsnæði sem keypt var í maí árið
1986, en þá var hún formaður Hjúkrunarfélags Islands. Viðmótið er hlýtt og
elskulegt en fasið jafnframt skörulegt og sjálf rifja ég upp í huganum orð sem
höfð eru eftir nemum sem unnu hjá henni um tíma, að Sigþrúður hefði lag á því
að láta öllum líða vel í návist sinni. Sigþrúður er ein þriggja hjúkrunarfræðinga
sem gerð var að heiðursfélaga FÍH á síðasta fulltrúaþingi, hinar tvær eru þær
Pálína Sigurjónsdóttir sem rætt var við í 4. tbl. 2005 og Bergljót Líndal sem
kynnt verður lesendum tímaritsins innan tíðar.
8
Tímarit hjúkrunarfræðinga - 3. tbl. 82. árg. 2006