Tímarit hjúkrunarfræðinga - 01.10.2007, Blaðsíða 25

Fulltrúaráðið - The Council of National
Representatives (CNR) sem er æðsta
stjórnvald ICN - hélt fund sinn 27. til 29.
maí með þátttöku fulltrúa hjúkrunarfélaga
frá 82 löndum. Fulltrúarnir ræddu m.a.
forgangsröðun og stefnu fagsins. Fjögur
meginefni voru tekin til umræðu í vinnu-
hópum:
I. Að búast hinu óvænta - með hliðsjón
af fagi, félagshagfræði og stjórnun
Mismunandi aðstæður skapa hið óvænta.
Náttúruhamfarir, stríð, hryðjuverk, hungurs-
neyð, sjúkdómar, vinnuskilyrði, vöntun
á viðbragðsáætlunum, mannréttindabrot
og gróðurhúsaáhrif eru dæmi um þætti
sem valda óvæntum aðstæðum sem
hjúkrunarfræðingar þurfa að takast á við
í starfi sínu.
II. Úthlutun verkefna og umsjón
Nauðsynlegt er að meta þarfir sjúklingsins
og getu þess starfsmanns, sem falið er
að uppfylla þær þarfir, um leið og verk-
efninu er úthlutað. Umsjón felur í sér
leiðbeiningar og eftirlit með því hvernig
úthlutuð verkefni eru leyst. Umræður fóru
fram m.a. um nauðsyn þess að skilgreina
hlutverk einstakra faghópa sem starfa
við heilbrigðiþjónustu til að Ijóst sé að
sá sem felur öðrum verkefni og sá sem
er falið verkefni hafi til þess tilskilda getu
og menntun.
III. Rýnt í menntun - klínískt bil með
áherslu á klínískar leiðbeiningar
Margoft hefur verið skrifað um bilið milli
hjúkrunarmenntunar og hjúkrunarstarfs-
ins þegar á hólminn er komið. Þetta bil
lýtur að ósamræminu milli þess sem
nemum er kennt á skólabekk og þess
sem mætir þeim í starfi. Vinnuhópurinn
ræddi um ástæður þess og hvernig brúa
má bilið.
IV. Breytt hlutverk hjúkrunarfræðinga
og skortur á hjúkrunarfræðingum
Áhugi er fyrir skilgreiningum á fjölda
sjúklinga á hvern sjúkling en Ijóst að vinna
að slíku mun ekki skila neinu hnattrænu
líkani. Skortur á hjúkrunarfræðingum til
starfa nær yfir allan heiminn. Hann er
þó af mismunandi orsökum. í Hollandi
fást nýútskrifaðir ekki til starfa eða hætta
fljótlega eftir ráðningu vegna launa, í
Japan hafa 500.000 hjúkrunarfræðingar
hætt störfum vegna vinnuumhverfis,
m.a. að það sé þeim hættulegt, og
í El Salvador er nægt framboð af
hjúkrunarfræðingum en engir peningar til
að ráða þá og enn annars staðar annar
útskrift hjúkrunarfræðinga ekki eftirspurn.
Sláandi upplýsingarnar um mismun á
aðstöðu hjúkrunarfræðinga, verkefnum
þeirra og fjölda lágu frammi.
Venjuleg fundarstörf
Samþykkt var að stjórn ICN sendi
Alþjóðaheilbrigðismálastofnuninni (WHO)
mótmæli við því hversu fáir starfsmanna
WHO eru hjúkrunarfræðingar en þeir eru
aðeins 1,3% en 91,6% eru læknar og
1,8% næringarfræðingar.
í nóvember 2006 mælti nefnd á vegum
Sameinuðu þjóðanna með því að sett yrði
á stofn sérstök kvennastofnun (Dedicated
Women's Agency). Af þessu hefur ekki
orðið og skoraði fulltrúaráð ICN í nafni
13 milljóna hjúkrunarfræðinga alls staðar
úr heiminum á framkvæmdastjóra SÞ að
vinna hratt að lausn þessa máls.
Lögð var fram tillaga að ályktun um að
krefjast skjótvirkrar og réttlátrar meðferðar
máls búlgörsku hjúkrunarfræðinganna
og palestínsks læknis sem ákærð voru
af líbýskum yfirvöldum fyrir að hafa
smitað líbýsk börn með HIV. Tillagan
var borin upp og samþykkt samhljóma
eftir að fulltrúi Jórdaníu gekk af fundi í
mótmælaskyni.
Framkvæmdastjóri kveður
Forseti ICN, Hiroko Minami tilkynnti í lok
fundar að Judith A. Oulton, framkvæmda-
stjóri ICN, væri að eigin óska að láta af
störfum og að undirbúningur að ráðningu
nýs framkvæmdastjóra væri kominn í
gang. Fundurinn þakkaði henni vel unnin
störf um margra ára skeið.
Ráðstefna ICN hófst að fulltrúafundinum
loknum. Þar hittust meira en 3.000
fulltrúar fjölmargra landa til að ræða
viðbrögð við hinu óvænta, vinnuumhverfi
hjúkrunarfræðinga og skort á hjúkrunar-
fræðingum. Hjúkrunarfræðingar frá 96
löndum fluttu verkefni sín og kynntu
veggspjöld sem snérust um meginþema
ráðstefnunnar.
Sjá einnig www.icn.ch.
Frá ráðstefnunni Jón Aðalbjörn Jónsson
Tímarit hjúkrunarfræðinga - 4. tbl. 83. árg. 2007
23