Norðurslóð - 27.03.1996, Page 7

NORÐURSLÓÐ - 7
Þegar gæðin
skipta máli
Á þessu korti sést sú hugmynd um Iegu jarðganga milli Ólafsfjarðar og Siglufjarðar sem oftast hefur verið raedd, en
önnur leið hefur einnig verið rædd og væri þá farið upp Skeggjabrekkudal, sneitt framhjá Héðinsfirði og farið tölu-
vert sunnar en sýnt er á þessu korti.
Siglufjörður-Ólafsfjörður
Jarðgöng enn
á dagskrá
Nýtt líf hefur færst í umræður
um jarðgöng frá Siglufirði til
Ólafsfjarðar. Hópur sem kallar
sig „Ahugafólk um bættar sam-
göngur á Tröllaskaga“ sendi ný-
lega frá sér blaðið Samgang þar
sem ýmsir málsmetandi menn
tjá sig um málið. Einkuni er þar
velt upp spurningunni hvort
hagkvæmara sé að leggja í vega-
framkvæmdir yfir Lágheiði eða
gera göng úr Skútudal í Siglu-
firði yfir í Héðinsfjörð og þaðan
til Ólafsfjarðar.
Lágheiðarvegurinn er sem
kunnugt er lokaður mestan part
ársins og því er vegalengdin milli
nágrannabæjanna Siglufjarðar og
Ólafsfjarðar 234 km í stað 18 ef
farið væri í gegnum fjöllin. Gróf-
lega er reiknað með að Lágheiðar-
vegurinn kosti 650 millj. en jarð-
göngin þrisvar sinnum meira, eða
1.950 milljónir. Hins vegar ber á
það að líta að vegalengdin frá Ól-
afsfirði til Siglufjarðar verður um
18 km um göngin en 62 km yfir
heiðina. Þannig væri um verulegan
sparnað að ræða fyrir þá sem um
veginn fara. Menn spyrja sig því
hvort nemur þjóðhagslega meira
spamaður vegfarenda eða fjár-
magnskostnaðurinn af 1.3 millj-
arði sem er kostnaðarmunur á þess-
um tveim vegaframkvæmdum.
Jarðgöng myndu tengja Siglu-
fjörð við hið eyfirska atvinnu-
svæði og formælendur jarðganga
benda á að slíkt myndi styrkja at-
vinnusvæðið í heild sinni en sterkt
atvinnulíf er undirstaða velferðar-
kerfisins. Niðurstöður þessara
bollalegginga áhugamanna um
bættar samgöngur á Tröllaskaga
eru þær að þjóðhagslega sé mun
hagkvæmara að ráðast í jarðganga-
gerð en leggja nýjan veg yfir Lág-
heiði.
Rotþraernar eru meðfaerilegar,
auðveldar í niðursetningu og tenging
lagna er baeði einföld og örugg.
Rotþrærnar frá Sæplasti hafa fengið
viðurkenningu Hollustuverndar
ríkisins.
Framleiðum einnig brunna, brunnop og hita og kaldavatnsrör.
Hafið samband við sölumenn okkar og fáið nánari
upplýsingar
nlM'
POSTHOLF 50, 620 DALVIK, SIMI 466 1670, BREFSIMI: 466 1833,
GRÆNT SÍMANÚMER: 800 8670
Skíði
Málningartilboð
Björgvin
bikarmeistari
Björgvin Björgvinsson 15 ára
skíðakappi á Dalvík hefur verið
að gera það gott á skíðunum í
vetur. Hann hefur sigrað í
hverju skíðamótinu á fætur öðru
og er nú þegar búinn að tryggja
sér bikarmeistaratitil Skíðasam-
bandsins í flokki 15-16 ára þó
enn sé ekki öllum bikarmótum
lokið.
A dögunum hélt hann utan til
Noregs og keppti þar á óopinberu
norsku meistaramóti þar sem sam-
an voru komnir kappar frá öllum
Norðurlöndum. Þar hafnaði Björg-
vin í 8. sæti í svigi, 9. sæti í sam-
hliða svigi og 22. sæti í stórsvigi.
Keppendur voru 91 talsins. Dal-
víkingar binda að sjálfsögðu mikl-
ar vonir við þennan unga skíða-
meistara og er stefnan tekin á er-
lendan skíðaskóla næsta vetur.
En það eru fleiri Dalvíkingar að
gera góða hluti á skíðum og að
sögn kunnugra hafa Dalvíkingar
aldrei áður átt jafnglæsilegan hóp
afbragðs skíðafólks. Eva Björk
Bragadóttir hefur komið heim með
Björgvin Björgvinsson bikarmeist-
ari á skíðum.
þó nokkuð af góðmálmum fyrir
svig og stórsvig af bikarmótum
vetrarins og einnig hafa Harpa
Hilmarsdóttir, Valur Traustason,
Þorsteinn Magnúson og Skaftamir
Þorsteinsson og Brynjólfsson stað-
ið sig mjög vel.
20%
afsláttur
af innimálningu
fra Sjofn
til 3. apríl
BYGGINGAVORUR
DALVÍK
- 466 3204, 466 3201