Norðurslóð - 27.03.1996, Side 8
Svarfdælsk byggð & bær
TímamóT
Skírnir
Á nýársdag var skírður Orri Freyr. Foreldrar Telma Lind Baldurs-
dóttir (Friðlaugssonar), Reynihólum 8, Dalvík, og Jón Örvar Ei-
rfksson (Helgasonar), Skíðabraut 6, Dalvík.
25. mars var Nanna Amelía skírð á Akureyri. Foreldrar hennar eru
Heiðbjört Ófeigsdóttir og Baldur Snorrason (Snorrasonar). Heimili
þeirra er að Keilusíðu 2h, Akureyri.
10. mars var Arnór Reyr skírður í Dalvíkurkirkju. Foreldrar hans
eru Hólmfríður Stefánsdóttir (Friðgeirssonar) og Rúnar Júlíus
Gunnarsson (Friðrikssonar). Heimili þeirra er að Reynihólum 4,
Dalvík.
Afmæli
Þann 9. febrúar sl.
varð 75 ára
Guðrún
Jóhannsdóttir,
Efstakoti, Dalvík.
Þann 1. mars sl.
varð 75 ára Bára
Elíasdóttir,
Goðabraut 3,
Dalvfk.
Þann 10. mars sl.
varð 85 ára
Jónína
Vigfúsdóttir,
Dalbæ, Dalvik.
Þann 15. mars sl.
varð 90 ára
Soffía Gísla-
dóttir frá Hofi,
nú til heimilis að
Víðilundi 24,
Akureyri.
Þann 19. ntars sl.
varð 70 ára
Gunnlaugur
Tryggvason
bóndi,
Þorsteinsstöðum,
Svarfaðardal.
Norðurslóð
árnar heilla.
Messur um bænadaga og páska
Skírdagur: Tjarnarkirkja. Messa kl. 21. Altarisganga.
Föstudagurinn langi: Dalvíkurkirkja. Kyrrðarstund við krossinn
kl. 20.30.
Páskadagur: Dalvíkurkirkja. Hátíðarmessa kl. 8 árdegis. Altaris-
ganga. ^
Stœrri Arskógskirkja. Hátíðarmessa kl. 11. Altarisganga.
Urðakirkja. Hátíðarmessa kl. 14. Altarisganga.
2. páskadagur: Hríseyjarkirkja. Hátíðarmessa kl. 11. Altaris-
ganga.
Dalbœr. Hátíðarmessa kl. 14. Sóknarprestur
FréttahorN
Fjárhagsáætlun fyrir Svarfaðar-
dalshrepp hefur verið lögð
fyrir til fyrri umræðu. Áætlaðar
skatttekjur á árinu eru um 21,6
milljónir. Rekstur málaflokka að
frádregnum tekjum er áætlaður
kosta 15,6 milljónir, þaraf fara um
9 millj. nettó til fræðslumála, 2,5
millj. til yfirstjómar hreppsins,l,4
millj. til félagsþjónustu, um 1 ntillj.
til hreinlætismála og til vegamála
er áætlað að ráðstafa 700 þúsund
krónum. Sem kunnugt er er stefnt
að því að Ijúka framkvæmdum við
félagsheimili hreppsins og fara 15-
20 millj. í það verkefni á árinu.
á er í bígerð á vegum hreppsins
að koma fyrir svokölluðum
staðsetningarmerkjum niður við
vegamót sitthvoru megin í dalnum.
Um er að ræða skilti þar sem
merktir eru inn bæir sveitarinnar,
vegir og önnur kennileiti vegfar-
endum til glöggvunar. Málið er
enn í undirbúningi en vonast er til
að hægt verði að koma því í fram-
kvæmd nú í sumar.
Skólanefnd Húsabakkaskóla
hefur beint því til hreppsnefnd-
ar að tekinn verði upp skólaakstur
fyrir öll börn skólans frá lokum
apríl n.k. Nú er einungis yngri
bömum ekið daglega til skóla en
s.l. haust var öllunt börnum ekið
fram í október. Þannig er smám
saman verið að stytta dvalartíma
eldri nemenda á heimavist. Skóla-
nefnd mælti einnig með því að
næsta haust yrði tekinn upp akstur
fram í lok nóvember.
Flugleiðir hafa verið að endur-
skoða umboðsmannakerfi sitt.
Allntörg umboð úti á landi hafa
verið lögð niður og aðeins fáir um-
boðsmenn verða fyrir utanlands-
flugið hjá félaginu. Til greina kom
að leggja umboðið á Dalvík niður
en ákveðið hefur verið að umboðið
verði hér að minnsta kosti næsta
árið. Síðustu tvo áratugina hefur
untboðið verið í Versluninni Sogni
hjá Sólveigu Antonsdóttur. Nú
liggur fyrir að þær systur Sólveig
og Guðlaug Antosndætur ætla að
hætta með verslunarrekstur á næst-
unni og hyggjast selja reksturinn
og húsnæðið í Goðabrautinni en
halda áfram með umboð bæði fyrir
Flugleiðir og happdrættin á öðrum
stað þegar verslunarhúnæðið verð-
ur selt.
s
Utgerðarfélag Dalvíkinga h/f
og Snæfellingur h/f í Ólafsvík
hafa stofnað útgerðarfégið Njörð
h/f sem hefur sitt heimili og vam-
arþing á Dalvík. Þetta fyrirtæki
keypti togarann Otto Wathne frá
Seyðisfirði. Skipið átti að afhenda
seinast í febrúar en afhendingin
hefur dregist, meðal annars vegna
óhapps sem varð við slipptöku
skipsins í Reykjavík. Nú styttist t
afhendingu og liggur fyrir að skip-
ið mun heita Snæfell SH 740 og
verður heimahöfn þess Ólafsvík.
Nafn skipsins er afar heppilegt þar
sem Snæfell EA 740 var á sínum
tíma frægt skip sem gert var út af
KEA en auðvitað vísar nafnið til
staðhátta fyrir vestan. Fram-
kvæmdastjóri Njarðar h/f verður
Valdimar Bragason á Dalvík.
á mun verslunin Dröfn, eða
„Séllið" eins og það heitir á
máli heimamanna skipta um eig-
endur næstu daga og er „Bjarni í
Séllinu" á leið til sjós.
Athafnasvæði Sæplasts hf. við Gunnarsbraut. Dalvíkurbær hefur keypt húsið Jaðar fyrir 8 milljónir króna og verður
það fjarlægt til að rýina fyrir viðbyggingu við verksmiðjuhúsnæði Sæplasts.
Sæplast hf.
Gengi hlutabréfa stórhækkar
Framkvæmdir við 1.700 m2 viðbyggingu hefjast á næstunni
MÁ ÉG KYNNA?
Okkar
stúlka í
fegurð-
arsam-
keppni
Rannveig Vilhjálmsdóttir heitir
þessi 17 ára svarfdælska mær.
Hún keppir til úrslita ásamt tíu
öðrum fegurðardísum í Sjallan-
um á Akureyri nk. föstudags-
kvöld, 29. mars, um titilinn Ung-
frú Norðurland.
Rannveig er dóttir Vilhjálms
Þórs Þórarinssonar og Ástu Sigríð-
ar Guðnadóttur í Syðra-Garðshomi.
Aðalfundur Sæplasts hf. var
haldinn á Dalvík laugardaginn
16. mars sl. og að vanda kom þar
fram að hagur félagsins er góð-
ur. Reyndar hefur hann sjaldan
verið blómlegri því á árinu 1995
var hagnaður af rekstrinum 35,9
milljónir króna.
Það er útflutningurinn sem
skýrir velgengni fyrirtækisins því í
fyrra komu 52% af tekjum félags-
ins utanlands frá. Stjórnendur fyr-
irtækisins sjá fram á enn frekari
vöxt á þessu ári og gera rekstrar-
áætlanir ráð fyrir 10% tekjuaukn-
ingu.
Helsta ástæðan fyrir þessari
bjartsýni er sú að mikil vinna hefur
verið lögð í vöruþróun hjá fyrir-
tækinu og hefur vörutegundum
fjölgað fyrir vikið. Nefna má sem
dæmi að sala á plaströrum hófst
árið 1994 og jókst um 30% í fyrra.
Þá jókst sala á rotþróm, tönkum og
brunnum um 18% á árinu. Voru
hitaþolin plaströr seld til fjarlægra
plássa á borð við Kópasker og
Kínaveldi.
Augljóst er að fjárfestar deila
bjartsýninni með stjómendum Sæ-
plasts því gengi hlutabréfa í fyrir-
tækinu á Verðbréfaþingi íslands
hefur stórhækkað það sem af er
árinu. Meðalgengi ársins 1995 var
3,13 en er nú að nálgast 5.
I ljósi þess hve sterk eiginfjár-
staða fyrirtækisins er var ákveðið
að ráðast í stækkun húsnæðisins
við Gunnarsbraut. Framleiðslu-
húsnæðið verður stækkað um
1.300 m: og húsnæði fyrir skrif-
stofur og starfsmannaaðstöðu um
400 m2. Við þetta stórbatnar að-
staða hverfisteypudeildarinnar sem
orðin er allt of þröng. Stækkunin
gerir fyrirtækinu kleift að anna
eftirspurn en nokkuð hefur skort
upp á það að undanfömu. Stefnt er
að því að auka afkastagetuna um
30-50%.
Nú er unnið að hönnun við-
byggingarinnar en gera má ráð
fyrir að fyrsti áfangi byggingar-
innar verði boðinn út á næstu vik-
um. Gangi áætlanir eftir verður
hægt að taka nýtt verksmiðjuhús-
næði í notkun í haust. Áætlaður
byggingarkostnaður er um 100
ntilljónir króna.
Viðbyggingin eykur verkefni
hjá verktökum og iðnaðarmönnum
á Dalvík en til frambúðar má búast
við að nokkur störf bætist við hjá
Sæplasti hf. -ÞH