Ráðunautafundur - 20.02.1996, Blaðsíða 40

32
í fyrsta lagi verður öll framleiðsla lífrænna afurða að uppfylla skilyrði sem sett eru í
löggjöf viðkomandi lands til þess að geta rnerkt framleiðslu sína sem lífræna. Framleiðendur
geta síðan sett strangari skilyrði og rnerkt framleiðslu sína í samræmi við það, en aðeins eftir
að hafa tilkynnt opinberum yfírvöldum kröfur þar að lútandi.
í öðru lagi skal framleiðandi sem hyggst taka upp framleiðslu lífrænna afurða tilkynna
eftirlitsaðila um það. í framhaldi af því skal framleiðandi og eftirlitsaðili gera skýrslu um
framleiðsluaðferðir og staði ásamt aðstöðu fyrir vinnslu og pökkun afurðanna. Einnig skal
koma fram í skýrslunni hvaða ráðstafanir framleiðandi skal gera til að tryggja að farið sé eftir
ákvæðum viðkomandi reglugerða.
í þriðja lagi skal framleiðandi tilkynna eftirlitsaðila árlega fyrir ákveðinn dag fram-
leiðsluáætlun sína. Hann skal halda skýrslu sem gerir eftirlitsaðila kleift að átta sig á uppruna,
eðli og magni alls hráefnis sem keypt er og notkun þess. Einnig skal hann færa skriflega
skýrslu um alla sölu afurða frá búinu.
Eftirlitsaðilinn skal framkvæma fullkomið eftirlit á staðnum a.m.k. einu sinni á ári, auk
eftirlitsferða sem ekki er tilkynnt um fyrirfram. Að hverri eftirlitsferð lokinni skal eftirlitsaðili
semja skriflega skýrslu sem framleiðandi skrifar einnig undir.
Eftirlitsaðili getur bæði verið opinber aðili eða einkaeftirlitsaðilar sem hlotið hafa viður-
kenningu opinbers yfirvalds.
Eins og áður kom fram gilda lög nr. 162/1994 um lífræna landbúnaðarframleiðslu og
síðan í framhaldi af því var gefín út reglugerð nr. 219/1995 þar sem er að finna nánari reglur
um framleiðslu og dreifingu lífrænna afurða og hvernig eftirliti skuli háttað.
Einungis er heimilt að merkja, auglýsa og dreifa lífrænt framleiddum landbúnaðarafurð-
um að því tilskildu að framleiðslu- og vinnslustaðir hafi verið undir eftirliti viðurkenndrar
vottunarstofu.
Landbúnaðarráðherra veitir vottunarstofu starfsleyfi að fenginni faggildingu Löggild-
ingarstofunnar. Slíkt leyfi gildir í fimm ár. Einnig er hægt að veita vottunarstofu í fyrsta sinn
tímabundið starfsleyfi til tveggja ára samkvæmt meðmælum Löggildingarstofunnar.
Einungis vottunarstofur, sem hafa fengið faggildingu Löggildingarstofunnar og viður-
kenningu landbúnaðarráðuneytisins til að hafa eftirlit með og votta lífræna framleiðslu, hafa
leyfi til að starfa hér á landi.
Nú er komin út ný reglugerð um sértækt gæðastýrða landbúnaðarframleiðslu og verður
vikið nánar að henni í næsta erindi.