Morgunblaðið - 14.02.2017, Blaðsíða 13

háfjallaveiki núna í Everest-göngunni. En við
þurftum tvívegis á leiðinni upp að halda kyrru
fyrir til að aðlagast loftslaginu. Landslagið
minnti mig oft á íslenskt landslag, nema það var
hrikalegra. En kuldinn kom mér mest á óvart,
það var tuttugu stiga frost og við gistum í óupp-
hituðum tehúsum og höfðum ekkert rafmagn,
því það var bilað í öllum dalnum allan tímann.“
Hún segir að vissulega hafi reynt á sam-
skiptin í fjórtán manna hópi við þessar erfiðu
aðstæður. „Hópurinn náði samt vel saman og
þetta var mjög gaman, allir voru góðir vinir og
það var grín og glens allan tímann. Við bjuggum
til dæmis til veðmálið vom.com, um hver kæmist
í gegnum þessa ferð án þess að æla, og ég get
státað af sigri þar sem ég deildi með einum
Ástralanum. Þar sem ég var elst þá gat ég leyft
mér að draga mig aðeins út úr hópnum og fylgj-
ast með hinum, sem var skemmtilegt. Til dæmis
var lítill og rindilslegur Skoti í hópnum sem
hafði mikla þörf fyrir að sanna sig, hann fór allt-
af í ískalda sturtu, þótt það væri nánast bannað
og hann hélt sig fremst. Hann sagði ekki orð og
gaf ekkert af sér alla leiðina, en á síðasta degi
okkar saman þegar við vorum komin niður, þá
datt hann duglega í það og galopnaði sig.“
Þeir ríkustu voru nískastir á þjórféð
Gréta segir að ekki hafi allir í hópnum
komist alla leið upp og niður, fjórir voru sendir
til baka í þyrlum. „Allir fengu matareitrun
nema ég og einn Ástralanna og einn kastaði svo
mikið upp af þessum sökum að hann endaði á
spítala. Einn þurfti frá að hverfa vegna há-
fjallaveiki og óstöðvandi blóðnasa og annar
hafði verið lasinn frá degi tvö og örmagnaðist.
Svo var einn sem lét þyrlu sækja sig þegar við
náðum upp í grunnbúðirnar, hann nennti ekki
að ganga niður, en það er stór hluti af göngunni
að fara til baka. Þetta var þrettán daga ganga
hjá okkur sem fórum alla leið upp í grunnbúð-
irnar og til baka niður.“
Leiðsögumaðurinn í göngunni var nepalsk-
ur sem og aðstoðarmaðurinn, og ýmist voru það
jakuxar eða fólk sem sá um að bera allar vistir
og farangur hópsins. „Við vorum með litla poka
á bakinu fyrir hvern dag en fimm sjerpar sáu
um að bera dótið okkar. Í lok ferðar ætluðu þeir
ríkustu í gönguhópnum ekki að tíma að borga
þessum sjerpum þjórfé, en við vitum að þeirra
laun byggjast mest á þjórfé,“ segir Gréta og
bætir við að það hafi verið lærdómsríkt að fylgj-
ast með þeim í hópnum sem kunnu ekki aura
sinna tal og eru vanir að fá allt sem þeir vilja.
„Ég komst líka að því að íslenska viðhorfið
„konur geta jafnmikið og karlar“ á ekki við í
þessum heimshluta og íslenska sjálfstæða Gréta
þurfti stundum að passa sig. En hún er líka
þakklát fyrir að íslenskar konur hafi öll þau
tækifæri sem þær hafa.“
Gréta fer til Balí í mars til að vinna í bók
um Everestferðina, einhvers konar dagbók.
„Ég skrifaði á hverjum degi í ferðinni, um allt
sem ég upplifði og hugleiðingar um lífið og til-
veruna. Með þessari bók vil ég bjóða fólki með
mér í þetta ferðalag, fólki sem hefur kannski
ekki tök á að fara sjálft á Everest.“ Gréta segir
að hún muni aldrei gleyma bjölluhljómi jakux-
anna, niðnum frá Mjólkuránni og öllu því ynd-
islega fólki sem hún mætti, bæði fyrir göngu, í
litlu þorpunum í göngunni og eftir göngu, en
hún kom við á Indlandi á leiðinni heim.
Hversdagur Gréta tók þessa mynd á leið frá Nagarkot að Bhaktapor, í litlu þorpi í Nepal. Unglingur í símanum.Hópurinn Gréta með göngufélögum og leiðsögumönnum á áfangastað.
Í friðarpilsi Gréta komin alla leið í grunnbúðir án þess að æla. Stolt.
DAGLEGT LÍF 13
MORGUNBLAÐIÐ ÞRIÐJUDAGUR 14. FEBRÚAR 2017
Kringlunni • Sími 568 7777 • heyra.is
Beltone Legend gengur með iPhone 6s og eldri gerðum, iPad Air, iPad (4. kynslóð), iPad mini með Retina, iPad mini og iPod touch (5. kynslóð) með iOS eða nýrra stýrikerfi. Apple, iPhone, iPad og iPod touch eru vörumerki sem tilheyra Apple Inc, skráð í Bandaríkjunum og öðrum löndum.
HEYRNARSTÖ‹IN
Beltone Legend
™
Enn snjallara heyrnartæki
Nýja Beltone Legend™ heyrnartækið tengist þráðlaust beint í iPhone, iPad og iPod touch.
Komdu í ókeypis heyrnarmælingu og fáðu heyrnartæki lánað til reynslu.
Ókeypis
heyrnarmælingsíðan 2004