Morgunblaðið - 12.08.2017, Blaðsíða 6
6 FRÉTTIRInnlent
MORGUNBLAÐIÐ LAUGARDAGUR 12. ÁGÚST 2017
Hlíðarsmára 6, 201 Kópavogi – S. 564 6464 – fasthof.is
að f m
viðskiptum
Elsa Alexandersdóttir
Aðstoðarmaður
fasteignasala
Evert Guðmundsson
Nemi til löggildingar
fasteignasala
Guðmundur Hoffmann
Steinþórsson
lögg. fasteignasali
Guðmundur Magnússon
gudmundur@mbl.is
Margt bendir til þess að minjar allt
frá 9. öld séu á meðal þess sem kom í
ljós við fornleifauppgröftinn á
Landssímareitnum í miðbæ Reykja-
víkur sem fram fór í fyrra. Mann-
vistarleifarnar sem um ræðir voru
að mestu leyti horfnar vegna seinni
tíma framkvæmda en þó benti ým-
islegt til þess að
heiðin mannvirki
hefðu verið þarna
i jörðu fyrir rúm-
um 1.100 árum og
tengja mætti þau
við útfararsiði og
legstaði heiðinna
manna. Þó er
ótímabært að
fullyrða slíkt.
Minjarnar, sem
eru mjög brotakenndar, voru í og
undir öskulagi úr eldgosi frá um 871.
Þetta staðfestir dr. Vala Garðars-
dóttir fornleifafræðingur, sem
stjórnaði uppgreftrinum, í samtali
við Morgunblaðið.
Allt skráð og kortlagt
Fornleifafræðingarnir rannsök-
uðu og kortlögðu þessar elstu mann-
vistarleifar af nákvæmi en fjarlægðu
þær síðan, í samráði við fulltrúa
Minjastofnunar, eins og aðrar minj-
ar sem fundust við uppgröftinn. Þær
verða nú rannsakaðar frekar, m.a.
aldursgreindar á rannsóknarstofu í
Bandaríkjunum. Er vonast til að
niðurstöður liggi fyrir í haust eða
fyrir áramót.
Meðal þessara minja eru gripir
frá víkingaöld er teljast klassískir,
en þeir gripir eru enn til rann-
sóknar. Ekki er útilokað að sumir
þessara grípa geti talist sem haugfé
eða álíka sem tíðkaðist við helgihald
heiðinna manna.
Óhætt er að segja að það myndu
teljast stórtíðindi ef staðfest yrði að
á einum og sama staðnum þar sem
landnámsbyggð Reykjavíkur var í
öndverðu væru leifar átrúnaðar og
grafreita fyrir og eftir kristni.
Vildi vekja til vitundar
Séra Þórir Stephensen, fyrrver-
andi dómkirkjuprestur, vakti máls á
því í grein í Morgunblaðinu í gær að
merkar minjar sem væru eldri en
Víkurkirkjugarður hefðu komið í
ljós við fornleifauppgröftinn á bíla-
stæðinu við gamla Landssímahúsið.
Gamli kirkjugarðurinn nær að hluta
til inn á reitinn þar sem bílastæðið
var. Í samtali við Morgunblaðið
kvaðst séra Þórir ekki geta greint
nánar frá þessu, en hann hefði haft
orð á þessari vitneskju sinni til að
vekja fólk til vitundar um nauðsyn
þess að verja friðhelgi kirkjugarðs-
ins forna og fresta framkvæmdum
við fyrirhugaða hótelbyggingu á
staðnum. Frestur til að gera athuga-
semdir við hana rennur út 15.
september. Séra Þórir er í hópi
manna sem að undanförnu hafa
hvatt til þess að áform um hót-
elbygginguna verði endurskoðuð.
Dagur B. Eggertsson borgarstjóri
hefur sagt í samtali við Morgun-
blaðið að þar sem svæðið þar sem
hótelbyggingin rís hafi reynst vera
mjög raskað í framkvæmdum síð-
ustu aldar og þær fornleifar sem
fundist hefðu verið fluttar til for-
vörslu og varðveislu væri ekki
ástæða til að endurskoða byggingar-
áformin.
Merkur fundur í Víkurgarði
Fornleifar sem tengjast heiðnum átrúnaði líklega fundnar í elsta kirkjugarði Reykjavíkur
Minjarnar hafa verið fjarlægðar Voru mjög brotakenndar Kalla á túlkun og meiri rannsókn
Morgunblaðið/Hanna
Merkar minjar Hið gamla bílastæði Landssímans og þar á undan hluti Víkurkirkjugarðs hins forna, þar sem fornleifauppgröftur fór fram í fyrra. Beðið er
eftir að ákveðið verði um framtíðina. Samkvæmt skipulagi á þarna að rísa hótelbygging sem nær alveg út að Kirkjustræti.
Morgunblaðið/Golli
Uppgröftur Frá fornleifauppgreftrinum í fyrra. Fjöldi beina og beinagrinda
kom upp við rannsóknina. Einnig fjöldi annarra minja.
Samkvæmt auglýsingu borgaryfirvalda hafa Reykvíkingar frest til 15.
september til að gera athugasemdir við tillögu að breytingu á deiliskipu-
lagi á Landssímareitnum í miðbænum. Til stendur að rífa viðbyggingu
frá 1967 við gamla Landssímahúsið og byggja á lóðinni hótel sem teng-
ist gamla húsinu og liggur á milli hins forna Víkurkirkjugarðs (Fógeta-
garðs) og Thorvaldsensstrætis. Hótelbyggingin er ástæðan fyrir forn-
leifauppgreftrinum sem fram fór á svæðinu.
Tillöguna er hægt að skoða nánar á skjá og í tölvu í þjónustuveri
Reykjavíkurborgar að Borgartúni 12-14.
Hótelbygging fram undan
LANDSSÍMAREITURINN
Miðbær Þannig mun nýja hótelið við Kirkjustræti líta út.
Talsvert færri þreyttu A-próf Há-
skóla Íslands í ár en í fyrra. Rétt um
300 manns tóku prófið í mars árið
2016 og 2017 en í júní í ár fækkaði
þeim talsvert þegar einungis 125
manns þreyttu prófið samanborið
við 189 manns á sama tíma í fyrra.
Sigurður Ingi Árnason, verkefna-
stjóri Háskóla Íslands, segir ýmsar
ástæður geta legið að baki. „Það
verður að hafa það í huga að nem-
endum er heimilt að þreyta prófið
eins oft og þeir vilja, nýjasta ein-
kunn gildir alltaf. Þannig að sami
nemandi getur komið fram á tveim-
ur eða fleiri dagsetningum. Til dæm-
is hefur einhver hluti þeirra nem-
enda sem taka inntökupróf
læknadeildar í júní ár hvert tekið A-
prófið um vorið til að æfa sig,“ segir
Sigurður, en A-prófið er haldið
tvisvar ár hvert og hafa lagadeild,
hjúkrunarfræðideild og læknadeild
Háskóla Íslands stuðst við prófið
undanfarin ár við inntöku.
Svipaður fjöldi umsókna
Þrátt fyrir dræma þátttöku í próf-
inu í júní hefur umsóknum í laga- og
hjúkrunarfræðideild lítið sem ekk-
ert fækkað. Í ár bárust 114 umsókn-
ir um 90 laus sæti en í fyrra voru
umsóknirnar 124 talsins. Í hjúkr-
unarfræðideild háskólans er svipað
upp á teningnum, þar sem 168 um-
sóknir hafa borist um 120 laus sæti,
sem er sami fjöldi og árið áður. Sig-
urður segir að oft á tíðum sé erfitt að
rýna í tölur um umsóknir enda dragi
alltaf einhverjir nemendur umsókn-
irnar til baka. aronthordur@mbl.is
Færri þreyttu A-próf
Háskóla Íslands í ár
Morgunblaðið/Ómar Óskarsson
Háskóli Íslands Deildir innan skól-
ans styðjast við prófið við inntöku.
Umsóknarfjöld-
inn helst svipaður
Vala Garðarsdóttir