Breiðfirðingur - 01.04.1956, Page 12

10
BREIÐFIRÐINGUR
eyingur", Hermann Jónsson, formaður og skipstjóri. En
á þessu ári, 1956, eru 100 ár liðin frá því er hann var í
þennan heim borinn.
Engan mundi hafa grunað það á æskudögum lians né
manndómsárum að sú gerbreyting yrði á þjóðlífi um ævi
hans, að hans elskaða Flatey kæmist á vonarvöl, að hann
og þeir Snæbjörn í Ilergilsey ætti að róa síðasta róðurinn
á þúsund ára langri vertíð, að þeirra sigling skyldi síðust
verða á tíu alda för breiðfirzkra sjógarpa, að þeir skyldi
síðastir iðka þá íþrótt óbreytta, sem Þórólfur Mostrarskegg
flutti inn á Breiðafjörð fyrir nær ellefu öldum. En svona
skráði sagan sjálfa sig.
Hermann Sigurður Jónsson, svo sem hann hét fullu nafni,
var fæddur í Flatey 2. júlí 1856. Faðir hans var Jón
„formaður“ Jónsson, kynjaður af landi ofan í Breiðafirði,
úr Reykhólasveit, kom um tvítugt út í Flatey til róðra, gerð-
ist sjómaður og formaður mikill. Um hann er sagt, að hann
rataði hverja leið sem hann hafði eitt sinn farið, hvernig
sem viðraði. Bækur voru hans eini andlegi munaður, Is-
lendingasögur beztar allra. Iðjuleysi var hans mesta böl.
Kona hans varð Kristín Guðmundsdóttir, fátæk stúlka úr
Flatey, en ættir hennar allar úr Vestureyjum. Þau bjuggu
við allerfið kjör, en frið og eindrægni. Jón varð hafnsögu-
maður í Flatey, og vegnaði þeim vel eftir það.
Hermann sonur þeirra var elztur barnanna. Hann réðist
13 ára gamall fyrst á sjóinn, á haustvertíð í Oddbjarnar-
skeri, þá á hákarlaskip úr Flatey; síðan var hann öll sín
æskuár á sjótrjánum, opnum bátum og þilskipum, en það
var svo sein sjálfsagður framavegur hverjum Breiðfirðingi
sem mannsmót var að. En 28 ára gamall varð hann skip-
stjóri á þilskipi, einmastraðri jakt úr Flatey. Síðan var
hann skipstjóri um þrjá áratugi.
Flermann kvæntist ungur, 23 ára, Þorbjörgu Jónsdóttur;