Breiðfirðingur - 01.04.1970, Blaðsíða 96

94
BREIÐFIRÐINGUR
hefur ekkert breytzt þótt árin hafi liðið og nú er oftast
sérstakur þáttur í ritinu, sem nefnist „Um strendur, dali,
annes og eyjar.í4 En eins og nafnið bendir til er þar sér-
staklega minnzt þess helzta, sem heima gjörist.
Hið sama má segja um þáttinn: „Fallnir foringjar“,
sem helgaður er minningu þeirra, sem fremst hafa staðið
í þeirri viðleitni, sem hér er rætt um á hverjum tíma og
sýnt mesta átthagatryggð á einn eða annan hátt.
Fyrstu ritstjórnina skipuðu þeir Ragnar Jóhannesson,
Andrés Straumland og Jóhann Jónasson, en afgreiðsluna
annaðist Jóhannes Jóhannsson, kaupmaður.
Síðar tók Jakob Smári við ritstjórn, þá Jón Sigtryggs-
son í nokkur ár síðan Gunnar Stefánsson, forstjóri, Stefán
Jónsson námstjóri og nú síðustu 15 árin hefur Árelíus
Níelsson haft ritstjórn á hendi, en afgreiðslu og fleira hef-
ur Jón Júlíus Sigurðsson lengzt annast.
Þetta er í stuttu máli ramminn um þetta tímarit, sem
átthagatryggðin hefur skapað og haldið við, ef verða mætti
til að brúa bilið milli kynslóðanna yfir ólgandi hyl í tím-
ans byltingaröst.
Og það tekur tryggðinni í skóvarp, sem tröllum er ekki
vætt. Erfiðleikarnir vaxa ekki í augum þeim, sem ann og
metur, ef eitthvað vinnst, sem getur varðveitt eilífðar-
gildi þess, sem unnað er.
Og átthagatryggðin ann sínum æskustöðvum og eyði-
byggðum hins bezta, þótt aðrir sjái þar ekki annað en
rústir og tóttir þess, sem einu sinni var mannabyggð, þótt
þögnin ein gægðist út um glugga, þar sem áður brostu glöð
barnsandlit við morgun ljóma og aftanbliki, þá yljar hver
minning, og hljóð kvölds og morguns verður svo hljótt,