Breiðfirðingur - 01.04.1987, Blaðsíða 103
BREIÐFIRÐINGUR
101
Unglingsárin í Króksfjarðarnesi
Króksfjarðarnes var fyrirmyndarheimili. Ólafur Eggertsson
hreppstjóri var greindur maður og hvatamaður að mörgum
framkvæmdum í sveitinni. Hann var heilsuveill, þjáðist af
liðagigt. Þegar ég kom að Króksfjarðarnesi bjó hann með
konu sinni, sem hét Puríður og var Runólfsdóttir. Pau áttu
tvö uppkomin börn, er bæði voru heima, dóttirin Bjarney og
Jón Sigurður, sem þá var orðinn kaupfélagsstjóri á staðnum.
Vorið 1913 veiktist Puríður af heiftugri lungnabólgu og dó
eftir stutta legu. Þetta var mikill missir fyrir Ólaf, hún hafði
verið stoð hans og stytta í veikindum hans. Hann hafði einu
sinni legið rúmfastur í liðagigtinni í heilt ár. Þuríður var
hæglát en gæðamanneskja og framúrskarandi húsmóðir.
Tók Bjarney nú við húsmóðurstörfum hjá föður sínum.
Vorannir voru miklar í Nesi eins og það var kallað. Það
var vanalega farið í eyjarnar fyrst á vorin í maí. Báturinn,
sem notaður var var létt fjögurra manna far. í þessari fyrstu
ferð voru settar upp fuglahræður, rakað saman þurrum þara-
hrönnum og hvannaleggjum og öllu síðan brennt. Þetta var
allt gert til að fæla varginn í burtu, svo sem örn, hrafn og
kjóa, en veiðibjallan lét sig ekki fæla. í þessar ferðir fóru
allir, ungir og gamlir, sem hægt var að missa frá heimilis-
verkum. Þá var farið var um allar eyjarnar og hreinsað úr
gömlum hreiðrum. Allt þetta hændi æðarfuglinn að, sem að
eðlisfari er gæfur og mannelskur. Eftir tíu daga var farið
aftur og þá var tekið eitthvað af eggjum og dún. Aldrei var
tekið meira en tvö til þrjú egg úr hreiðri. Flestar kollur verpa
5-10 eggjum. Síðasta ferðin er farin þegar fuglinn hefur
ungað út. Er það kölluð hroðaleit.
Það liggja margar eyjar undir Króksfjarðarnes. Gefa þær
af sér mikil hlunnindi, s.s. dún, egg, sel og mikla vetrarbeit.
Seinna verður komið að selveiðinni.
Þetta fyrsta sumar í Nesi var ég á þrettánda ári og tók þátt
í öllum verkum, sem unglingum eru ætluð. Ég kunni vel við
mig og fólkið var mér gott. Tíminn líður og ég er orðinn 14