Tíðindi Prestafélags hins forna Hólastiftis - 01.01.1984, Side 14

18
TIÐINDI
vígslubiskup, og frú Stefanía höfðu þá góðu venju meðan ég
var í guðfræðideild að bjóða stúdentum austur í Hraungerði.
Ræða við okkur, kenna okkur og gjarnan að fá okkur til að
predika. Þetta var hollur skóli og góður. — Þökk sé þeim
hjónum frá Hraungerði.
— A háskólaárum mínum kynntist ég starfi sr. Friðriks
Friðrikssonar í KFUM. Var ég snortinn af því og þeim áhuga
og innileik er þar ríkti. Hafði það mikil áhrif á trúarviðhorf
mín. Eignaðist ég marga góða vini úr þeim hópi, er hafa sýnt
mér tryggð og traust til þessa.
— Er ég hafði verið prestur í tvö ár fór ég til framhaldsnáms
til Danmerkur og Svíþjóðar. Dvaldist ég þar vetrarlangt,
lengst af við nám við Kaupmannahafnarháskóla. Kynntist ég
þar ýmsum mætum mönnum. — Einnig fór ég í námsferð til
Svíþjóðar síðar, þá á vegum Lutherska heimssambandsins.
Fór ég víða — tók þátt í námskeiðum og kynnti mér sérstak-
lega uppbyggingu sænsku stiftsgarðanna og skipulag æsku-
lýðsstarfs sænsku kirkjunnar.
Árið 1959 var stofnað Æskulýðssamband kirkjunnar í
Hólastifti. Var það að forgöngu núverandi biskups og lengi
undir hans forystu. Þar var gott að starfa og hefur starf þess
áreiðanlega haft veruleg áhrif á starf kirkjunnar í Hólastifti.
Sumarbúðirnar við Vestmannsvatn voru reistar á fyrstu árum
ÆSK og er þar margs að minnast og þakka. Ég tel starfið þar
hafa verið og vera mikilvægt fyrir kirkju og kristni. Var ég þar
í stjórn lengi og formaður í nokkur ár.
Þetta æviágrip er gert samkvæmt hefð og skyldu vegna
vígslu minnar til vígslubiskups í hinu forna Hólastifti og lýk
ég því með þökk til Guðs fyrir handleiðslu hans og miskunn
við mig og mína. —
Ég bið Guð um styrk í starfi öllu. Bið að orð hans og andi
megi leiða okkur öll. Bið að ég fái þjónað Drottni með gleði og
í auðmýkt. —Jesús Kristur er hinn sami í gær, í dag og að
eilífu. — í hans nafni sigrar kirkjan. Dýrð sé Guði. Blessun
hans hvíli yfir kirkju hans, yfir landi okkar og þjóð.