Tíðindi Prestafélags hins forna Hólastiftis - 01.01.1984, Qupperneq 15

Grenjaðarstaður - tekið sumarið 1982. Ljósm. Ragnheiður Sigurðardóttir.
Nýr vígslubiskup Hólastiftis
Séra Sigurður Guðmundsson, prófastur á Grenjaðarstað hefur nú tekið
við embætti vígslubiskups í Hinu forna Hólastifti. Var hann vígður bisk-
upsvígslu 27. júní árið 1982.
Séra Sigurður er hjartanlega boðinn velkominn til starfa sem vígslu-
biskup. Hann hefur langa og góða reynslu í þjónustu kirkjunnar og hefur
talsvert fengist við stjórnunarstörf á þeim vettvangi og öðrum. Lengsta og
giftudrýgsta þjónustu hefur hann þó innt af hendi sem sóknarprestur á
Grenjaðarstað en þegar þetta er ritað eru rétt 40 ár frá því hann tók við
prestakallinu.
Vígslubiskupsembættið er virðingarstaða, sem í litlu er metin til starfs.
Næg eru þó verkefnin og þyrfti vígslubiskupinn að geta gefið sig að þeim
óskiptur. Vígslubiskupsembættið þarf að verða fullgilt biskupsstarf en ekki
metið sem hjáverk. Fyrir því hefur lengi verið áhugi innan prestastéttar og
hjá öðrum kirkjunnar mönnum að fullgildir þrír biskupar væru í landinu.
Liggur nú fyrir hinu háa Alþingi frumvarp þess efnis, — sem löngum fyrr.
Ég óska séra Sigurði og frú Aðalbjörgu til hamingju á tímamótum og
velfarnaðar í störfum og lífi.
Sauðárkróki, 1. júní 1984.
Sr. Hjálmar Jónsson.