Tíðindi Prestafélags hins forna Hólastiftis - 01.01.1984, Page 63
PRESTAFÉLAGS HINS FORNA HÓLASTIFTIS
67
Guðrún lengi húsfreyja á Egilsstöðum, nú búsett í Reykjavík.
Stefán Erlendur prófastur á Dalvík. Yngstur er dr. Gunn-
steinn Armann, hæstaréttardómari og fyrr rektor Háskóla
Islands. Fósturdóttirin Guðrún Guðmundsdóttir, ljósmynd-
ari er húsfreyja í Garðabæ.
Þegar Valdimar lét af skólastjórn á Norðfirði fluttu þau
hjón í Svarfaðardal og áttu þar gott athvarf til enda hjá þeim
hjónum sr. Stefáni og konu hans Jónu Gunnlaugsdóttur.
Þangað hefur alltaf verið gott að koma, því að gestrisnin og
hjartahlýjan mæta öllum. Ekki var það lakara er Valdimar og
Stefanía lifðu. Valdimar var hrókur alls fagnaðar. Fróður og
fræðandi, hvetjandi til meira starfs fyrir kirkju íslands.
Valdimar var ötull starfsmaður alla tíð. Hann settist ekki í
helgan stein þó að hann hætti skólastjórn. Hann hafði um
langan aldur unnið að kristindómsmálum í skólum sínum og
víðar.
Það hefur verið hollt að byrja kennslu að morgni með
þessari bæn:
„Til náms í Jesú nafni,
til náms á glaðri morgunstund.
Gef dýrðleg fræ þín dafni,
ó, Drottinn Guð, í hreinni lund.“
Valdimar var óþreytandi að segja börnum og unglingum
frá fagnaðarboðskap Jesú. Hvar sem hann fór bar hann þeim
boðskap vitni. Hann tók þátt í kirkjulegum fundum víða og
lét til sín taka í umræðum. Hann fylgdist með mörgu og
hvatti til góðs er hann mátti. Mörg voru bréfin sem hann
sendi til ungra presta er hann hafði eitthvað kynnst. Hann
hvatti til starfs og örfaði á margan hátt. Ég minnist þess er ég
fékk bréfin frá honum. Þau voru full af eldmóði en um leið hlý
og uppörfandi fyrir ungan mann. Oft fylgdu sálmar og vers
með. Stundum var hann með ráð um aukið starf fyrir æskuna.
Alltaf var hann fræðandi. Oft var hann með okkur prestum
hér Norðanlands á fundum og alltaf aufúsugestur. Hann tal-