Tíðindi Prestafélags hins forna Hólastiftis - 01.01.1984, Qupperneq 107

PRESTAFÉLAGS HINS FORNA HÓLASTIFTIS
111
í safnaðarheimili sóknarinnar. Eins og áður sagði, hafði verið
rekinn skóli á kirkjuloftinu í rúmlega tuttugu ár. Eftir að
kennslu lauk þar, var húsnæðið notað fyrir starfsemi kirkj-
unnar, æskulýðs- og barnastarf, starf systrafélags kirkjunnar,
sóknarnefnd sem og fyrir aðra félagsstarfsemi staðarins. Hús-
næðið eða innréttingarnar voru því komnar til ára sinna og
ákvað því sóknarnefnd að ráðast í verkið og ljúka því fyrir
afmælishátíðina 28. ágúst á fyrra ári. Var unnið sleitulaust í
átta mánuði við verkið, bæði af verktökum og sjálfboðaliðum.
Á afmælishátíðinni var verkinu lokið og biskup Islands, herra
Pétur Sigurgeirsson, vígði þá heimilið fullbúið húsgögnum.
Síðan heimilið var vígt hefir það verið mikið notað af hin-
um ýmsu félagasamtökum og fyrir almennt safnaðarstarf,
eins og barna- og æskulýðsstarf. Strax fyrstu helgina komu í
heimilið um átta hundruð manns og þáðu þar veitingar í boði
systrafélags kirkjunnar. Síðan hafa þar verið haldnar erfis-
drykkjur, brúðkaupsveislur, fundir um málefni ýmiss konar,
almennur safnaðarfundur, kirkjukvöld kirkjukórsins, héraðs-
fundur prófatsdæmisins og aðrir fundir.
Nýlega var fjallað um það í kirkjuritinu að kirkjan væri að
breytast frá sunnudagskirkjunni í það að vera lifandi samfé-
lag, sem væri að starfi alla vikuna. Þetta er rétt, þó að ekki
megi draga úr mikilvægi guðsþjónustu sunnudagsins, sem
ávallt er miðlæg í öllu kirkjustarfi. Safnaðarheimilin og það
starf sem þar fer fram, ættu frekar að hafa góð áhrif á guðs-
þjónustuna. Svo virðist mér vera staðreyndin hér, þó að vísu
sé of fljótt að dæma um það eftir eins árs starf í safnaðar-
heimilinu. En víst er um það, að aðstaða í safnaðarheimilum
víða um land eykur allt starf kirkjunnar.
Nýtt afmœlisrit.
Eins og komið hefur fram, réðst söfnuðurinn einnig í það að
gefa út veglegt rit, afmælisrit, í tilefni af vígsluafmælinu. I
ritinu er saga kirkjunnar í Siglufirði rakin mjög nákvæmlega.