Tíðindi Prestafélags hins forna Hólastiftis - 01.01.1984, Síða 127

PRESTAFÉLAGS HINS FORNA HÖLASTIFTIS
131
að innanmáli og 4% al. á hæð. —Upp úr toppi turnsins, sem
er jafn dreginn á fjóra vegu er stöng með þremur húnum og
veðurvita. I turni er búið um tvær klukkur í ramböldum.“
Lýsingunni lýkur með þessum orðum: „Allur frágangur á
kirkjunni bæði hvað múrsmíði og timbursmíði snertir er hinn
vandaðasti og verkið prýðilega af hendi leyst.“ Allur innbún-
aður kirkjunnar var nýr og smíðaður að mestu eða öllu af Jóni
bónda Jóakimssyni.
Altaristafla ný kom í kirkjuna um þetta leyti máluð af
Arngrími Gíslasyni frá Skörðum.
Kirkjunni hefur alltaf verið haldið vel við. Að utan er hún
hvítmáluð og að innan eru veggir hvítir, en hvelfing blá með
stjörnum. Alltaf hefir verið gert við skemmdir er koma fram,
einkum í múrhúðun kringum glugga. Kirkjan er nú raflýst og
rafhituð.
Heimamenn á Þverá hafa alltaf látið sér annt um kirkjuna.
I öllum vísitasíum frá upphafi til þessa dags er tekið fram að
kirkjan sé vel hirt og umgengni sérlega góð. Enda eiga allir
kirkjubændur á Þverá þessi hundrað ár sammerkt i því að
vera sérstakir hirðumenn og snyrtimenn hinir mestu. Og
hlutur húsfreyjanna á Þverá er síst minni. Gestrisni hefur ætíð
verið til fyrirmyndar við kirkjugesti á Þverá.
Þverársókn hefur alltaf verið fámenn. Þegar kirkjan var
reist 1878 var tæplega 130 manns í sókninni. Hin síðari ár
hefur fækkað mjög. Á hundrað ára afmæli kirkjunnar voru
þeir um 30 og gjaldskyldir sóknarmenn 18. Og enn hefur
fækkað. Er þetta nú fámennasta sókn prófastsdæmisins.
Þann 3. sept. 1978 var minnst aldarafmælis kirkjunnar.
Mættir voru átta prestar og á annað hundrað manns víða að.
Sr. Sigurður Guðmundsson prófastur predikaði, en altaris-
þjónustu ásamt honum önnuðust sr. Bolli Gústavsson og sr.
Gylfi Jónsson. Organisti kirkjunnar, Friðrik Jónsson frá
Halldórsstöðum í Reykjadal, sá um sönginn. Friðrik hefur
verið organisti Þverárkirkju síðan 1947.
I messulok var saga kirkjunnar rakin í stuttu máli af for-