Tíðindi Prestafélags hins forna Hólastiftis - 01.01.1984, Síða 130

134
TIÐINDI
Þann 7. apríl 1979 hélt kirkjukór Reykjahlíðarkirkju sam-
söng í kirkjunni og samsæti að því loknu, þar sem glaðst var
yfir 70 ára starfi kórsins. En hann var stofnaður veturinn
1908-1909 af Sigfúsi Hallgrímssyni í Vogum, sem var þá
organisti kirkjunnar. 18 manns voru í kórnum í upphafi og
hefur starfsemin haldist óslitið til þessa dags. Núverandi org-
anisti og söngstjóri er Jón Árni Sigfússon, sonur stofnandans.
Á árinu 1979 var hafist handa um endurgerð og stækkun á
kirkjugarðinum. Nákvæm mæling var gerð af grafreitnum
gamla og þeim leiðum sem þar voru þekkt. Veggjahleðslur
gamla kirkjugarðsins, sem allar voru illa farnar, voru teknar
burt en mjög myndarlegir veggir hlaðnir að nýju að norðan,
austan og að hluta að sunnan og þar í sett veglegt sáluhlið.
Grunnur gömlu Reykjahlíðarkirkju sem byggð var 1876 en
tekin ofan 1972 var snyrtur og tóftabrotin þakin torfi.
Á undanförnum árum hafa ýmsir gefið kirkjunni gjafir,
einkum peninga og ekki síst í orgelsjóð, en nú er á döfinni að
endurnýja orgel kirkjunnar. Margt er enn ógert og bíður
þeirra sem málum vilja sinna.
Birgir Fanndal.
Fréttir frá Garðskirkju í Kelduhverfi
Það helsta sem gerst hefur síðustu árin í málum kirkjunnar
hér. Peningagjafir margar hafa kirkjunni borist. Árið 1977 var
kirkjunni gefinn ljósakross á turn hennar.
Skipt var um glugga í kirkjunni 1979 og sett í þá litað gler.
Margt hefur verið lagað og endurnýjað í kirkjunni, nýjar
útihurðir settar og er kirkjan nú í ágætu standi.
Söfnuðurinn er fámennur og gjaldendur fáir. En söfnuður-
inn er áhugasamur um að kirkjan sé í góðu standi. Gjafir eru
því miklar árlega bæði koma þær frá söfnuðinum og frá
burtfluttum sóknarbörnum.