Morgunblaðið - 19.11.1988, Blaðsíða 18

18
MORGUNBLAÐIÐ, LAUGARDAGUR 19. NÓVEMBER 1988
Lokabindi minninga
Huldu A. Stefansdóttur
ÚT ER komið hjá Erni og Örlygi
lokabindi endurminninga Huldu
Á. Stefánsdóttur sem hún nefhir
Skólastarf og efri ár.
Þessu lokabindi minninga sinna
skiptir Hulda í tvo meginhluta. í
hinum fyrri sem nefnist „Tveir skól-
ar“ segir hún frá Kvennaskólanum
á Blönduósi þar sem hún var tvisv-
ar skólastjóri og Húsmæðraskóla
Reykjavíkur sem stofnaður var á
stríðsárunum og hún veitti forstöðu
í meira en áratug. Jafnframt lítur
hún aftur til 19. aldar og rekur að
nokkru sögu kvennaskólanna og
húsmæðrafræðslunnar í landinu. I
síðari hlutanum, „Við gluggann
minn“, situr hún við gluggann sinn
í Reykjavík, drepur á nokkur gömul
og ný áhugamál og lætur hugann
reika.
Loks eru í lokabindinu sem hinum
fyrri ljósmyndir frá ýmsum tímum
sem tengjast efninu og ítarlegar
skrár um öll manna- og staðanöfn
sem skipta þúsundum í bindunum
fjóram.
I kynningu útgefenda segir m.a.:
„Minningabókum Huldu hefur verið
afburðavel tekið af almenningi og
gagnrýnendum. Ein skýringin er
efalaust sú að bækur hehnar eru
miklu meira en persónulegar minn-
ingar hennar. Þær eru ekki síður
merkisheimildir um menn og tíma
— menningarsaga samtíðar hennar,
skráð af yfirsýn og glöggu minni
aldraðrar konu sem gæðir frásögn
sína stíl og kímni og góðvild og
segir umfram allt yfirlætislaust og
eðlilega frá á íslensku sem öðrum
mætti vera til fyrirmyndar."
Nefiidir iðnaðarráðherra í álmálinu:
Mótmælum skipan nefiidanna
og vinnubrögðum við hana
Kór Menntaskólans við Hamrahlíð og Hamrahlíðarkórinn syngja í Logalandi í Reykholtsdal á sunnu-
dagskvöld.
Hamrahlíðarkórar í Logalandi
KÓR Menntaskólans við Ingólfsdóttir og þarna munu um á þessu starfsári. Næsta verkefni
Hamrahlíð og Hamrahlíðarkór- 80 manns flytja Qölbreytta efinis- félagsins verður tónleikahald í des-
inn halda tónleika í félagsheimil- skrá undir hennar stjórn. ember, en þann 11. þess mánaðar
inu á Logalandi í Reykholtsdal, Tónleikar þessir eru haldnir á munu Kolbeinn Bjarnason flautu-
sunnudaginn, 20. nóvember kl. vegum Tónlistarfélags Borgatfyarð- leikari og Páll Eyjólfsson gítarieik-
21.00. Stjórnandi er Þorgerður ar og eru þetta aðrir tónleika þess ari leika í Borgameskirkju.
(Fréttatilkynning)
Nefitid fjallar um gamla
Stýrimannaskólann
- segir formaður þingflokks Alþýðubandalagsins
Menntamálaráðuneytið hefur
skipað nefiid til að gera tillögur
um framtíðarnýtingu gamla
Stýrimannaskólans, sem að und-
anförnu hefur hýst starfsemi
Vesturbæjarskólans og þar áður
Gagnfræðaskóla Vesturbæjar.
Húsið er gamalt, virðulegt tímb-
urhús og stendur á horni Öldu-
götu og Stýrimannastígs.
íbúasamtök Vesturbæjar og For-
•eldra- og kennarafélag Vesturbæj-
arskóla hafa lýst yfir áhuga sínum
á því að í skólahúsnæðinu verði
mögulegt að hafa aðstöðu fyrir
menningar- og félagsstarf hverfis-
ins. Ennfremur leggja þau á það
áherslu að gamla skólalóðin verði
áfram leikvöllur bamanna í hverf-
inu. Skólastjóri Stýrimannaskólans
hefur látið í ljós ósk um að varð-
veita sögu og minjar sjómanna-
fræðslu í húsinu og mun nefndin
taka afstöðu til þessara og annarra
hugmynda varðandi framtíðamýt-
ingu hússins.
í nefndinni eru Anna Kristjáns-
dóttir lektor, tilnefnd af íbúasam-
tökum Vesturbæjar, Gunnar Eydal
skrifstofustjóri, tilnefndur af
Reykjavíkurborg, Stefán Skjaldar-
son stjómmálafræðingur frá Fjár-
laga- og hagsýslustofnun, Guðjón
Ármann Eyjólfsson, skólastjóri
Stýrimannaskólans, tilnefndur það-
an, og Sigurður Harðarson arki-
tekt, tilnefndur af menntamála-
ráðuneytinu og er hann jafnframt
formaður nefndarinnar.
(Fréttatilkynning)
SVAVAR Gestsson menntamála-
ráðherra, kom mótmælum þing-
flokks Alþýðubandalagsins,
vegna skipunar tveggja ál-
nefiida, á framfæri við ríkis-
stjórnina á þriðjudag. „Við mót-
mælum hvorutveggja, skipan
þessara nefnda og vinnubrögð-
um ráðherra við hana,“ sagði
Margrét Frímannsdóttir, for-
maður þingflokks Alþýðubanda-
lagsins við Morgunblaðið.
Jón Sigurðsson iðnaðarráðherra
leysti í vikunni upp starfshóp um
byggingu nýs álvers, en skipaði í
staðinn ráðgjafarnefnd, sem fylgj-
ast á með hagkvæmnisathugun
þeirri, sem fjögur álfyrirtæki em
að vinna að. Þá skipaði ráðherra
einnig nefnd sem á að verða Þjóð-
Jón Baldvin Hannibalsson utanríkisráðherra:
Samþykkt Palestínska þjóðarráðs-
ins þarfnast fi’ekari skýringa
í TILEFNI af yfirlýsingu Pal-
estínska þjóðarráðsins um stofii-
un sjálfstæðs ríkis Palestínu-
manna og viðurkenningar þeirra
á samþykkt Öryggisráðs SÞ nr.
242 vill Jón Baldvin Hannibals-
son utanríkisráðherra láta eftir-
farandi koma fram:
Viðurkenning Palestínskra þjóð-
arráðsins, á samþykkt Öryggisráðs
Sameinuðu þjóðanna nr. 242 frá
22. nóvember 1967, sýnir vaxandi
skilning samtaka Palestínumanna á
því að ofbeldi leysir engar deilur.
Þessi samþykkt þjóðarráðsins felur
í sér óbeina viðurkenningu á tilvem-
rétti ísraelsríkis og gæti því orðið
skref til frekari samninga milli
deiluaðiía. Samþykkt Palestínska
þjóðarráðsins þarfnast þó um margt
frekari skýringa áður en afstaða
er tekin til hennar. Enn skortir t.d.
eindregna viðurkenningu Pal-
estínska þjóðarráðsins á tilvemrétti
og öryggi ísraels.
Vænlegasta leiðin til að koma á
varanlegum friði í Mið-Austurlönd-
um er að efna til aþjóðlegrar ráð-
stefnu undir merki Sameinuðu þjóð-
anna þar sem samningaumleitanir
verða gmndvallaðar á ályktunum
Öryggisráðsins nr. 242 frá 1967
og 338 frá 1973. Einnig má minna
á athyglisverðar tillögur George P.
Shultz utanríkisráðherra Banda-
ríkjanna.
I þeim viðræðum verður, ef til
kemur, skilyrðislaust að tryggja til-
vemrétt og öryggi ísraels sem og
sjálfsákvörðunarrétt Palestínu-
manna. Þá þarf að liggja óumdeil-
anlega fyrir hver skuli vera í for-
svari fyrir Palestínumenn á slíkri
ráðstefnu.
Það er ótímabært og í andstöðu
við viðurkenndar reglur og venjur
í þjóðarrétti að viðurkenna það ríki,
sem Palestínska þjóðarráðið hefur
lýst yfir að hafi verið stofnað. Stofn-
un palestínsks ríkis hlýtur að verða
eitt af meginviðfangsefnum hugs-
anlegra samningaviðræðna, enda
ekkert tekið fram um slíkt ríki í
ályktunum Öryggisráðsins nr. 242
og 338, sem nær öll ríki viðurkenna
sem eðlilegan samningsgrundvöll.
ísafiörður:
Grænlenskur rækju-
togari 1 heimsókn
fsafirði.
ÍSFIRÐINGAR hafa lagt mikla
áherslu á að ná afitur viðskiptum
við grænlensku rækjutogarana.
Þrátt fyrir að ísfirðingar hafi
útbúið sig sérstaklega tíl að
þjóna þessum flota að beiðni
íslenskra yfirvalda, þegar leyfi
var veitt til löndunar hér, fluttist
þjónustan öll suður, mest til
Hafharfjarðar.
Sjávarútvegsráðherra sá ástæðu
til þess að senda Grænlendingum
tilmæli í vor um að þeir héldu sig
við upphaflega samninga, en Græn-
lendingar hafa haft þessi tilmæli
að engu til þessa. Fjöldi græn-
lenskra togara hefur síðan leitað
til Reykjavíkur og Hafnarfjarðar.
Það lyftist því heldur brúnin á
ísfirðingum þegar togarinn Qipoq-
qaq frá Maniiqoq kom til ísafjarðar
fyrir skömmu. Heimsókn togarans
var þó mjög stutt, hann landaði
rúmum 10 tonnum af rælq'u og
fyllti olíutanka. Ástæða heimsókn-
arinnar var sú að hingað var styst
af miðunum. Héðan hélt hann svo
um kvöldið og var ætlunin að fara
í rækjuleit norður með austurströnd
Grænlands, þar sem mjög treg veiði
er nú á Dohmbanka.
Hér er nú verið að ljúka við dýpk-
Morgunblaðið/Úlfar Ágústsson
Togarinn Qipoqqaq frá Maniitqoq í höfii á ísafirði. Þetta er eina
grænlenska skipið sem leitað hefúr til ísafjarðar í haust. Að sögn
umboðsmanns togaranna á ísafirði leita þeir aðallega suður vegna
fjölbreyttara skemmtanalifs og betri samgangna við Færeyjar og
Danmörku, en margir yfirmenn skipanna eru þaðan.
un á fyrsta áfanga nýrrar vöruhafn-
ar, sem talið var mikilvægt að ráð-
ast í, meðal annars vegna aukinnar
þjónustu við erlenda togara. Tillög-
ur liggja nú fyrir um að taka ísa-
fjörð út af lista um styrkhæfni ríkis-
sjóðs til hafnarmannvirkja. Munu
þessar tvær aðgerðir stjórnvalda,
það er að senda grænlensku togar-
ana suður og að beita niðurskurði
á fjármagni til mikilvægustu hafn-
arinnar á Vestfjörðum, valda ófyrir-
sjáanlegum afleiðingum ef sú verð-
ur raunin. - Úlfar
hagsstofnun til ráðuneytis um at-
hugun á þjóðhagslegum áhrifum
stóriðju.
Margrét Frímannsdóttir sagði að
í stjómarsamstarfinu væri talað um
að ef farið yrði út í stórframkvæmd-
ir eða þær fyrirhugaðar yrði að
vera um það samstaða. „Þetta mál
var hins vegar ekki rætt í ríkis-
stjóminni fyrr en það var komið á
borð ráðherra,“ sagði Margrét.
Alþýðubandalagsmaður er í sitt
hvorri nefndinni: Baldur Óskarsson
í annarri og Guðni Jóhannesson í
hinni. Samkvæmt upplýsingum
Morgunblaðsins kom fram veruleg
óánægja þessa skipun á þingflokks-
fundi Álþýðubandalagsins sl. mánu-
dag, þar sem talið var að val iðnað-
arráðherra á alþýðubandalags-
mönnunum væri samkvæmt ábend-
ingum Ólafs Ragnars Grímssonar
formanns Alþýðubandalagsins.
Bæði Baldur og Guðni eru nánir
samstarfsmenn Ólafs og áður hafði
verið leitað til Svanfríðar Jónas-
dóttur aðstoðarmanns Ólafs í fjár-
málaráðuneytinu um setu í annari
nefndinni en hún gaf ekki kost á
sér vegna anna.
Margrét sagði að Alþýðubanda-
lagið hefði ekki skipt sér á nokkurn
hátt af skipan nefndarmanna. Hún
sagði að ekki yrði frekar aðhafst í
málinu fyrr en þeir þingmenn og
ráðherrar Alþýðubandalagsins sem
nú væru erlendis kæmu heim frá
útlöndum. Aðspurð sagðist hún ekki
geta sagt um hvort til greina kæmi
að krefjast þess að Jón Sigurðsson
afturkallaði nefndarskipanimar.
Hún var spurð hvort þingflokkurinn
hefði tekið afstöðu til byggingar
nýs álvers í Straumsvík, en sagði
að svo hefði ekki verið.
Jólablað með
uppskriftum
„Á JÓLARÓLI" nefiiist blað
sem Osta- og smjörsalan sf.
hefúr gefið út, en þar er að
finna uppskriftir og hugmyndir
að flestu því sem snýr að undir-
búningi jólanna.
í blaðinu er að finna uppskriftir
að smákökum, tertum, og sæl-
gæti, að ógleymdum jólamatnum.
Einnig em þar leiðbeiningar um
gerð aðventukransa, jólagjafa og
jólatrésskrauts. Blaðið er 24
myndskreyttar síður og fæst í
flestum matvöruverslunum.