Dagblaðið Vísir - DV - 17.01.1996, Blaðsíða 10
10
MIÐVIKUDAGUR 17. JANÚAR 1996
Fréttir___________________________________________________________________________________pv
Ámundi Loftsson, bóndi á Lautum í Reykjadal, vill losna undan landbúnaðarkerfinu:
Endurgreiddi ríkissjóði
18 þúsund kr. beingreiðslu
- rnugar malsókn gegn landbúnaðarráðherra
Ámundi Loftsson, bóndi á Lautum í Reykjadal, afhendir hér Steingrími Ara Arasyni, aðstoðarmanni fjármálaráðherra,
umslag sem jnniheldur rúmar 18 þúsund krónur sem Ámundi fékk í beingreiðslu vegna greiðslumarks í sauðfjár-
framleiðslu. Ámundi gerði sér ferð suður tii Reykjavíkur til að endurgreiða ríkissjóði þessa peninga þar sem hann
hefur afsalað sér rétti til beingreiðslna. Steingrímur sagðist koma peningunum til skila. DV-mynd GS
Ámundi Loftsson, bóndi á Laut-
um í Reykjadal í S-Þingeyjarsýslu,
gekk til fundar við aðstoðarmann
fjármálaráðherra nýlega sem fyrir
hönd ríkissjóðs veitti viðtöku rúm-
lega 18 þúsund króna endurgreiðslu
á beingreiðslu vegna greiðslumarks
sem Ámundi fékk í desember sl. frá
framleiðsluráði. Ámundi gerði sér
ferð suður með endurgreiðsluna þar
sem þau Unnur Garðarsdóttir, sam-
býliskona Ámunda, hafa afsalað sér
greiðslumarkinu. Ámundi sagði í
samtali við DV að hann vildi stunda
sína löglegu atvinnustarfsemi án
allra afskipta stjórnvalda.
Ámundi og Unnur seldu fram-
leiðslukvóta sinn, um 50 ærgildi, og
afsöluðu sér rétti til greiðslumarks
frá Framleiðsluráði landbúnaðar-
ins. Þá lögðu þau svokallað heim-
tökugreiðslumark inn til geymslu
til 31. ágúst 1998 eða þar til núgild-
andi búvörusamningur fellur úr
gildi. Þessari beiðni hafnaði land-
búnaðaráðuneytið. Þá létu þau
slátra fyrir sig 14 dilkum í slátur-
húsi KÞ á Húsavík en hafa ekki
fengið kjötið afhent. Telja forráða-
menn sláturhússins og Framleiðslu-
ráðs dilkana vera umffam efri mörk
greiðslumarks og því fari dilkarnir
til útflutnings.
f búvörulögunum segir að þeir
sem hafl ekki greiðslumark megi
framleiða landbúnaðarvörur, óháð
afskiptum og styrkjum hins opin-
bera. Ámundi segist sækja sinn rök-
stuðning í greinargerð með búvöru-
lögunum. Þar sé m.a. að finna skil-
greiningu á greiðslumarki:
„Hafi lögbýli greiðslumark er
byggt á því að framleiðsla innan efri
marka fari á innanlandsmarkaö og
að framleiðsla umfram þau mörk
fari á erlendan markað. í greinar-
gerð segir aö ákvæði þetta gildi ekki
um þá sem ekkert greiðslumark
hafa. Með því að afsala sér beinum
greiðslum verður að líta svo að við-
komandi sé þá um leiö að afsala sér
greiðslumarkinu sjálfu þar sem það
er í raun viðmiðun um hlutdeild í
fjárframlagi sem ríkissjóður leggur
fram til að tryggja framleiðendum
fullt verð fyrir framleiðslu sína.
Með því að afsala sér beinum
greiðslum og greiðslumarki, eða
leggja greiðslumark lögbýlisins inn
til geymslu til 31. ágúst 1998, er
heimil frjáls ráðstöfun sauðfjáraf-
urða án framleiðslutakmarkana,
enda fari slátrun fjárins fram eftir
settum reglum í löggildu slátur-
húsi.“
Ámundi segist fara í einu og öllu
eftir búvörulögunum og starfa inn-
an ramma þeirra.
„Ég læt ekki binda mig inn í kerf-
ið með þessum peningum. Þarna
ætla þeir að hanga á því að dilkarn-
ir 14 séu framleiðsla umfram efri
mörk greiðslumarks. Ég mun til-
kynna landbúnaðarráðherra að ég
hafi skilað þessum greiðslum í rík-
issjóð. Verði þeir ekki við kröfum
okkar um að okkur verði afhent
þetta kjöt á Húsavík, og réttur okk-
ar verði viðurkenndur, þá forum
við í mál,“ sagði Ámundi Loftsson.
-bjb
Bifreiöaskoðun íslands með tæplega 60% markaðshlutdeild:
Óánægja með sam-
keppnisskilyrði
Arftaki Bifreiðaeftirlits ríkisins
hefur enn þá markaðs- og stjómun-
arlega yfirburðastöðu vegna einka-
leyfa á fjölmörgum þáttum tengdum
skoðun og skráningu ökutækja.
Þessi skoðun er sett fram í frétta-
bréfi Aðalskoðunar hf. Samkvæmt
skoðunartölum fyrir árið 1995 er
hlutdeild Bifreiðáskoöunar íslands
tæp 60%, Aðalskoöunar 28% og At-
hugunar 15% á höfuðborgarsvæð-
inu.
í fréttabréfi Aðalskoðunar er því
haldið fram að þjónustu- og sam-
keppnislegar hindranir geri nýjum
skoðunarfyrirtækjum og viðskipta-
vinum þeirra erfitt fyrir. Það er í
hæsta máta óeðlilegt að óánægðir
neytendur þurfi aö bera af því
hærri kostnað en ella að hafa ekki
tækifæri til að notfæra sér þjónustu
hjá nýjum aðilum. Þetta sé öfugsnú-
ið í Ijósi þess að á sama tíma og
tækni- og gæðakröfur af hálfu
stjórnvalda til skoðunarstöðva hafa
aukist verulega fá nýju stöðvamar
ekki leyfi til aö sinna þessum þjón-
ustuþáttum.
Dagsbrún:
Talning búin um miðnætti
Kjör til stjómar og trúnaðarráðs
verkamannafélagsins Dagsbrúnar
fer fram föstudaginn 19. og laugar-
daginn 20. janúar í húsnæði Dags-
brúnar við Lindargötu 9 í Reykja-
vík.
Kjörstaðurinn er opinn fyrri kjör-
daginn frá 9 til 21 og síðari daginn
frá klukkan 10 til 22.
Talning hefst strax eftir að kjör-
stað verður lokað klukkan 22 á laug-
ardagskvöldið og er búist við að
henni verði lokið um eða eftir miö-
nætti. -GHS
Stjórnarráðið:
Nafnleynd afnumin
Forsætisráðherra setti í gær þær
reglur fyrir stjómarráðið í heild að
afnema skuli nafnleynd varðandi
allar stöður sem þaö auglýsir lausar
til umsóknar lögum samkvæmt. Al-
menningur getur því hér eftir feng-
ið allar upplýsingar um nafn, starfs-
og stöðuheiti allra sem sækja um
opinberar stöður um leið og um-
sóknarfrestur er liðinn.
Samkvæmt upplýsingum frá for-
sætisráðuneytinu var það umboðs-
maður Alþingis sem vakti athygli á
því að nauðsynlegt væri að Alþingi
tæki með lögum af skarið hvort
veita beri almenningi upplýsingar
um þá sem sækja um opinberar
stöður. -S.dór
Framlög og styrkir upp á 46 milljónir frá ráðuneytunum 1994:
Ráðuneytin van-
búin til að
úthluta styrkjum
- að mati Ríkisendurskoðunar
Ráöuneytin úthlutuðu styrkjum
og framlögum fyrir rúmar 46 millj-
ónir króna árið 1994. Þar af var ut-
anríkisráðuneytið með 19 milljón-
ir í styrki og framlög á meðan
sjávarútvegsráðuneytið var aðeins
með 10 þúsund krónur á þessum
fjárveitingalið sem kallaður hefur
Verið „ráðstöfunarfé ráöherra“.
Ríkisendurskoðun gagnrýnir þess-
ar úthlutanir í nýlegri skýrslu um
ríkisreikninginn 1994. Stofnunin
telur ráðuneytin almennt vanbúin
til þess að úthluta styrkjum.
Engar reglur eru til í ráðuneyt-
ununum um veitingu styrkja og
framlaga. Ríkisendurskoöun bend-
ir á að auglýsa þurfi eftir opinber-
um styrkjum og umsóknir þurfl að
meta á faglegan hátt. Sá sem tæki
ákvörðunina þyrfti að geta rök-
stutt forsendur þess að erindi sé
hafnað. Þá bendir Ríkisendurskoð-
un á að í sumum tilvikum sé eðli-
legt að ráðuneytin fýlgist með því
að styrkur sé notaður til þess sem
ætlast var tíl.
„Þannig varð ekki ætíð séð
hvemig styrkveiting eða framlag
tengdist starfsemi viðkomandi
ráðuneytis. Engar skriflegar regl-
ur eru til staðar um hvemig styrki
rétt sé að veita og hvemig með-
höndla beri umsóknir. Skriflegar
greinargerðir um afgreiðslu mála
liggja heldur ekki fýrir. Almennt
hefur ekki verið auglýst eftir um-
sóknum um styrki eða fylgst með
- hvort styrkjum hafi verið ráðstaf-
að í samræmi við umsóknir," seg-
ir m.a. í skýrslu Ríkisendurskoð-
unar. -bjb
Akranes:
Minnsta sements-
sala frá upphafi
DV, Akranesi:
Sala Sementsverksmiðjunnar hf.
á Akranesi á sementi árið 1995 er sú
minnsta frá því framleiðsla hófst í
verksmiðjunni 1958 en hún var
stofnuð 1956. Salan í fyrra nam
76,187 tonnum og dróst saman um
9,1% frá 1994. Það ár var framleiðsl-
an 83,075 tonn, að sögn Tómasar
Runólfssonar, deildarstjóra í Se-
mentsverksmiðjunni.
í ár verður ráðist í framkvæmdir
við stækkun álversins í Straumsvík.
Talið er að um 6-7000 tonn af se-
menti fari í framkvæmdirnar þar og
ætti salan í ár því að verða svipuð
og 1994.
Tómas gerir ekki ráð fyrir að
starfsmönnum verði fjölgað þótt
semmentssalan aukist enda nóg af
sementi til á lager.
-DÓ