Fram - 19.04.1919, Blaðsíða 1

| Verslun
| Sig. Sigurðssonar
i Sig/ufírði.
^qqqqqqic
&ckJc±±tekMcte*dc&
Sumaróska-kort
\Hamingjuóska-kori
mjög fa/leg.
Friðb. Nfelsson.
III. ár.
Kveðjusending
konungsins og drotning-
arinnar til Siglufjarðar.
Hans hátign konungur vor, hefur
sent forsætisráðherranum svohljóð-
andi símskeyti:
»Dronningen og jeg udtaler
vor hjerteiige Deltagelse i An-
ledning af den ved Sneskredet
i Siglufjord foraarsagede store
Ulykke.*
Á íslensku:
»Drotningin og jeg vottum
vora innilegu hluttekningu í hinni
miklu óhamingju sem snjóflóðin
hafa orsakað í Siglufirði.«
Hreppstj. sendi forsætisráðherr-
anum svohlj. svarskeytij:
»Siglfirðingar biðja yður hæst-
virti herra forsætisráðherra, að
flytja hans hátign konungi og
hennar hátign drotningu hug-
heilar þakkir fyrir samúðarskeyti
þeirra,
Hluttekning hinna göfugu kon-
ungshjóna vorra mýkjir sárþeirra
sem fyrir harmi hafa orðið og
eykur oss dug til að bæta úr
tjóninu.<
Voðasnjóflóð ennf
9 manns ferst.
Þriðjudag 15. þ. m. komu menn
úr Héðinsfirði hingað og sögðu þau
hryggilegu tíðindi, að í Héðinsfirði
hefðu fallið mörg snjóflóð um síð-
ustu helgi, og tvö þeirra orðið
mannsbanar. Hið fyrra þeirra snjó-
flóða féll laugardaginn 12. þ. m. um
kl. 3 síðdegis úr svokallaðri Víkur-
byrðu, og fórst þar bóndi frá Vík
Páll Porsteinsson að nafni, maður
á besta aldri, frá konu og 1 barni,
var hann á heimleið frá beitarhús-
unum í Vík. Allir bændurnir þrír
voru á beitarhúsunum þennan dag
en Páll heitinn varð þeirra fyrstur
til heimferðar — og skildi það.
Lík hans var ófundið er síðast
fréttist.
Snjófióð hafa oft fallið á þessum
stað og orðið mönnum að bana;
árið 1841 fórust í snjóflóði á sama
stað 2 giftir bændur frá Vík, Jón
Jónasson og Jón Jónsson, voru þeir
einnig á heimleið frá beitarhúsunum.
.................11"BPI
Siglufirði 19. apríl 1919.
16. blað.
Síðara flóðið féll um kl. tvö á
sunnudaginn úr fjallinu fyrir ofan
Ámá, fremsta bæ í Héðinsfirði; hljóp
það á fjárhús í túninu á Ámá og
fórst þar Ásgrímur sonur Erlends
bónda 24 ára gamall. í flóðinu lentu
einnig 37 ær og fórust flestar. Ann-
ar maður var nýgengin frá fjárhús-
inu til annars fjárhúss skamt frá,
það hús slapp hjá flóðinu. Héðan
fóru menn til Héðinsfjarðaráþriðju-
daginn, ef hugsanlegt væri að ein-
hverju yrði bjargað, fundu þeireftir
nokkra leit Ásgrím örendan í hey-
tótf áfastri fjárhúsinu og 8 ær lifandi.
Mótorbátur frá Hofsós hafði ver-
ið veðurteftur hér í Siglufirði alllengi
Priðjudaginn, síðdegis, hélt hann
heimleiðis og morguninn eftir bár-
ust þau skeyti hingað frá Jionum,
að hann hefði eigi séð bæinn Engi-
dal, er hann sigldi þar hjá, og enga
mannaferó j^ar, en þóttist aftur á móti
hafa séð að snjóflóð mundi hafa
fallið upp undan bænum. Var þá
þegar brugðið við héðan; og sendur
vel mannaður mótorbátur vestureft-
ir. Qerðu menn sér þó vonir um
að hér hefði eigi fallið snjóflóð
sem að grandi hefði orðið, því í
manna minnum hafði ekki snjóflóð
hlaupið á þessum stað, hugðu menn
fremur að bæinn hefði fent í kaf,
því eigi sést af sjó utan. önnur
varð þó raunin á, því þaðan átti
maður eftir að frétta máske hroða-
legustu viðburðina. Hafði afarmikið
snjóflóð fallið um þveran dalinn,
og síðan ofan eftir honum, hlaupið
á bæjarhúsin og grafið þau, en eigi
náð peningshúsum er stóðu nær
sjónum.
Sást þar ekkert líf heima við, þar
er bærinn hafði staðið, nemahund-
ur einn, sem var þar á vakki. Sáu
menn hvar héppi hafði grafið sig
upp úr flóðinu, og að hann var blóð-
ugur og rifinn á löppunum. Haus
á dauðu hrossi sást upp úr fönn-
inni og kofarústum rétt fyrir neðan
bæinn. Var þegar farið að moka
upp bæjarrústirnar, og er þar skemst
af að segja að heimiiisfólkið alt 7
manns fanst þar örent í bæjarbrot-
unum undir 4 til 5 álna þykku fióði.
Var fólkið alt í rúmunum, svo snjó-
flóðið hefur fallið á náttarþeli, og
miklar líkur til að verið hafi sömu
nóttina og voðaflóðið féll hér í Siglu-
firði, því líkin voru mikið farin að
rotna. Seint um kvöldið var búið
að ná öllum líkunum, og voru þau
flutt hingað til Siglufjarðar á fimtu-
dagsmorguninn.
Af skepnum fórust þarna: 2 kýr,
1 hross, 6 kindur, 2 hundar og kött-
ur. Fjárhúsin stóðu ,utar og neðar
í túninu og hafði þau ekki sakað.
Fullorðna féð og hross höfðu
legið við opið og því farið út þeg-
ar veður batnaði. enda Virtist því
líða nokkurnveginn vel. í öðru húsi
voru lömb og eitt hross, hafði það
eigi komist út því húsið var birgt,
og voru lömbin svo hungruð að
þau höfðu étið ull hvert af öðru,
mold úr görðum og veggjum og
taglið af hrossinu, en virtist vel
lifandi.
Hér á eftir fara nöfn og aldur
þeirra er látist hafa í þessum snjó-
flóðum, hér í sveitinni:
Hér í Siglufirði.
Knud Sether verkstjóri 52 ára.
Frú L. Sether kona hans 47 —
(Bjuggu hér að staðaldri síðan 1Q11.)
Friðbj. Jónsson tómthúsm. 50 ára.
Ouðrún Jónsdóttir kona hans 54 —
Alfred Alfredsson tökubarn 8 —
Ben. G. Jónsson tómthúsm.33 —
Guðrún Guðm.d. kona hans 30 —
Hrefna Svanhvít , , , . 6 —
_ ,, dætur þeirra .
Brynhildur 4 —
Á Engidal.
Margrét Pétursdóttir ekkja 49 ára.
Pétur Garibaldason 2ó —
Sigr. Pálína Garibaldadóttir 21 —
Kristólína Kristinsd. tökubarn 6 —
Halldóra Guðm.d. vinnukona 76 —
Gísli Gottskálksson húsm. 28 —
Málfr. Anna Garibaldad.
kona hans 19 —
í Héðinsfirði.
Páll Porsteinss, bóndi í Vík 37 ára.
Ásgr. Erlendsson ungl.áÁmá 24 —
Pegar birti upp
var hafin leit eftir líkum þeirra sem fór-
ust hér í Siglufirði, hefur víðan verið
leitað alla daga og nætur með hverri
fjöru, og eru nú 6 lík fundin, lík
Knud Sether, og konu hans, Bene-
dikts Gabríels, konu hans og eldri
dóttur, og lík Guðrúnar konu Frið-
bjarnar.
Héraðslæknirinn fullyrðir að fólkið
héðan hafi alt dáið samstundis, en
sumt af Engidalsfólkinu hafi ef til
vill lifað eitthvað, en telur þó örugt
að meðvitund þeirra sem ekki hafi
dáið þegar i stað, hafi horfið álíka
fljótt og meðvitund þeirra sem lenda
í kæfingu.
Læknirinn álítur því að vér meg-
um vera fullvissir um það að dauð-
inn hafi komið að fólkinu meðvit-
undarlausu, og að ekki geti verið
að ræða um þungt helstríð, þeir
sem eitthvað hafi lifað eftir að slys-
ið bar að höndum hafi liðið jafn
hóglega yfrum sem hinir, sem þegar
í stað létu lífið.
Alla dagana hafa mótorbátar og
smábátar verið á ferð fram og aftur
um fjörðinn, að tína saman síldar-
tunnur og timbturrekald, munu hafa
náðst um 1500 tómar síldartunnur
og allmikið af timbri mjög brotið
og sundurtætt, mikið af því aðeins
eldsmatur. Höfnin hefur verið hroða-
leg útlits þessa daga, full af óhreinni
krapstellu, spítnarusli og tunnum.
Innan til mun hún ogalls ekki vera
trygg úl umferðar stærri skipum,
eins og stendur. Menn vita alls ekki
hve langt vélar og járnbitar hafa
hentst út á fjörðinn, því það hefur
ekki verið hægt að rannsaka enn
þá. Ekki var unt að vinna að björg-
un á höfninni í gær vegna veðurs.
Tjónið hefur heldur ekki verið
hægt að gjöra upp nákvæmlega
enn þá.
Hafnarvirkin á
Siglufirði.
Niðurl.
Yfirborð bryggjunnar innan vió
sjógarðinn er ráogert úr tjörusteypu.
í haus öldubrjótsins er kassi með
sjerstakri lögun. Hausinn erbygður
upp í sömu hæð og yfirborð sjó-
garðsins, og þar á settur hafnarviti.
Á bryggjunni er ráðgert tvöfalt
brautarspor, 2 þuml. vatnsæð, fest-
arhringir og hæfilega mörg niður-
rensli fyrir vatn.
Tilhögun b. Hjer er suðurhlið
öldubrjótsins einnig gerð með grjót-
fláa upp í 50 cm. hæð yfir lágfjöru-
borði, en þar fyrir ofan er lóðrjett-
ur veggur úr járnbendri steypu.
Bryggjan meðfram suðurhliðinni er
svo gerð úr járnbendri steinsteypu
þannig að reknir eru niður staurar
úr nefndu efni, 26x26 cm. á kant,
með 3,4 m. bilum á langveg bryggj-
unnar, en 2,1 m. bilum á hinn veg-
inn. Ofan á staurunum koma bitar
með plötu úr járnbendri steypu, og
er öll bryggjan reiknuð svo að bor-
ið geti vöruþunga 2 tonn á hvern
fermetra. Úr bryggjugólfinu gengur
bindingur úr járnbendri steypu yfir
í norðurhlið öldubrjótsins. Staurarnir
í suðurhlið bryggjunnar eru varðir
gegn sliti með trjehlífum fyrir ofan
fjöruborð, og styrktir með hnjám.
Einnig er brúnin á bryggjugólfinu
varin með trjelilífum.
í haus öldubrjótsins er steyptur
kassi, hringmyndaður, fylltur með
möl og smágrjóti, og hausinn bygð-